ఆయుర్వేదము నందలి పంచకర్మ చికిత్స గురించి వివరణ -

ఆయుర్వేదము నందలి పంచకర్మ చికిత్స గురించి వివరణ - 

   ఆయుర్వేద చికిత్స పద్దతిలో ఔషధాలను 5 రకాలుగా ప్రయోగిస్తారు . దీనికే "పంచకర్మ " అని పిలుస్తారు . వాటి గురించి మీకు వివరిస్తాను . 

    పంచకర్మములు 5 రకాలు అవి 

  స్నేహన విధి , స్వేదన విధి , వమన విధి , విరేచన విధి , నస్య విధి . 

 * స్నేహన విధి - 

       తైలాదులను లేపనం చేయుట , చరుముట , రాయుట మొదలైనవి దీనికి లేపనవిధి అని మరొక పేరు కలదు . 

 * స్వేద విధి - 

       బాగా చెమట పట్టునట్లు వేడినీళ్ల యొక్క ఆవిరి పట్టుట . దీనికి కుంభాసేకమనియు పేరుతో కూడా పిలుస్తారు . తరువాత కాలంలో " టర్కిష్ బాత్ " అని వ్యవహరిస్తున్నారు . 

 * వమన విధి - 

     వాంతి అగునట్లు ఔషధములను పుచ్చుకొనుట .

 * విరేచన విధి - 

     జీర్ణాశయమును , ప్రేవులను శుద్ది చేసుకొనుట కొరకు , లోపలి పేరుకొని పోయిన దుష్టపదార్ధమును బయటకి వెడలగొట్టుటకు విరేచనాలు అయ్యే ఔషధాలను సేవించి జీర్ణవ్యవస్థను శుభ్రం చేసుకొనుట . 

 * నస్య విధి - 

      కొన్ని రకాల మూలికల యొక్క రసములను నాసికా రంధ్రముల యందు పోయుట . లేక నాసికా రంధ్రముల నుండి లోపలికి పీల్చు విధానం .