Saturday, September 23, 2023

కొన్నిరకాల ఫలముల గుణధర్మములు

కొన్నిరకాల ఫలముల గుణధర్మములు -

 * మామిడి - 

         మంచి పౌష్టిక ఆహారం , కొంచం అరుగుటకు సమయం తీసుకొనును.

 * అంజూర -

         చాలా మంచి పౌష్టిక ఆహారం. అరుగుటకు సమయం తీసికొనును. వేసవికాలమున ప్రాతఃకాలం నందు ( సూర్యోదయమునకు పూర్వం ) ఈ ఫలమును తినుట శరీరానికి చాలా మంచిది .

 * ద్రాక్ష -

         మంచి జీర్ణకారి. రక్తమును శుద్ధి చేయును . కొవ్వు మరియు వేడిమిని శరీరం నందు వేగముగా పుట్టించును . గుండెకు మంచి మేలు చేకూర్చి గుండె చుట్టు ఉండే రక్తమునకు మంచి చేయును .

 * ఆపిల్ -

         త్వరితముగా జీర్ణం అగును. శరీరం నందు శక్తి లేనివారికి , చిన్నపిల్లలకు మేలు చేయును .

 * అరటి -

         మంచి పౌష్టిక ఆహారం , మలాన్ని శుద్ధిచేయు గుణము అధికం .

 * కిత్తిలి -

         మంచి జీర్ణకారి , రక్తాన్ని శుద్ధిచేయును .

 * సీమ రేగు -

         శ్రేష్టమైన ఆహారం , మంచి ఔషధముగా పనిచేయును . శరీరాన్ని పరిశుభ్రపరుచు శక్తి కలదు. రోగపదార్థమును బయటకి వెడలించును. వాతమును , గుండె సరిగ్గా కొట్టుకొనకుండా ఉండు సమస్యని మాన్పును.

                భోజనమునకు ముందే వీటి రసము లొపలికి తీసుకొనిన పులితేన్పులు రాకుండా చేయును . నివారణ చేయును . వీటి రసమునకి సూక్ష్మజీవులను సంహరించగల శక్తి కలదు. విష జ్వరాలకు కారణం అయిన శిలింద్రాలను ఇది సహరించగలదు.

 * బేరిపండ్లు -

        వీటిని చెక్కు తీయకుండా తినినచో విరేచనం కలిగించును. చెక్కు తీసి తినినచో బంక విరేచనాలను నివారించును. పుట్టకొక్కు విషమునకు విరుగుడుగా పనిచేయును .

 * అనాస - 

         భోజనానంతరం ఇది పుచ్చుకొనిన ఇది మిక్కిలి జీర్ణకారిగా ఉండును. గొంతుచుట్టు గ్రంధులు వలే గొలుసు మాదిరిగా ఏర్పడు రోగమును గండమాల అందురు. అలా ఏర్పడిన గ్రంధుల నుంచి రసికారుటను మాన్పుటకు ఈ ఫలము అద్భుతంగా పనిచేయును . ఈ పండ్ల రసమును మొటిమలకు మరియు పులిపిరులకు పూస్తున్న అవి హరించును .

 * బాదం -

         ఇది మానవులకు సహజ ఆహారం. వీటిని చిరుతిండిగా మధ్య ఆహారంగా ఉపయోగించవచ్చు . ఇవి అధిక బలకారులు కావున మితముగా ఉపయోగించవలెను. ఇది సమశీతోష్ణము అయినది. కొత్త కాయలలోని పప్పు శ్రేష్టమైనది. వేడిచేసి చలువచేయును. వీర్యవృద్ధి , దేహపుష్టి కలుగచేయును . మేహవాతాన్ని అణుచును . రొమ్మునకు బలమును ఇచ్చును.

               మూత్రపు సంచిలోని పుండ్లు మాన్పును . శరీరంలోని అని అవయవములను బలమును ఇచ్చును. గొంతుకను , రొమ్మును మృదువుగా చేయును . దగ్గు,లివర్ నొప్పి , క్షయ మొదలగు రోగాలని అణుచును. కిడ్నీలకు బలమును కలుగచేయును . వాతమును అణుచును. పళ్లనొప్పి , దేహము బక్కగా అవ్వు సమస్య , శిరస్సుకు సంబందించు సమస్యలను నివారించును. మాటిమాటికి వచ్చు జ్వరమును నివారించును.

          ఈ పప్పులను తినటం మొదలుపెట్టగానే శరీరంలోని వ్యర్థాలు బయటకి వెళ్ళుట ప్రారంభం అగును.

 * వేరుశెనగ -

         ఈ పప్పు చాలా బలకరం . వీటిని పచ్చిగానే తినినచో మంచి బలాన్ని కలగచేయును . వీటిని తినినచో శరీరంలోని వ్యర్థాలు బయటకి వెళ్ళును.

 * టెంకాయ -

         కొబ్బరి మరియు కొబ్బరి నీరు లొపలికి తీసుకోవడం వలన మంచి బలం కలిగించును. శరీరం లోని వేడిని తీసివేయును. తక్షణ శక్తిని ఇవ్వడంలో దీనిని మించినది ఏది లేదు . కేవలం టెంకాయ మాత్రమే తిని జీవించవచ్చు అని కొన్ని ఆయుర్వేద గ్రంథాలలో రాసి ఉన్నది.

      

Sunday, September 10, 2023

మజ్జిగ లాభాలు

#మజ్జిగ
ఈనాడు దాదాపు నూటికి 90% మంది ప్రజలు తమ ఆహారంలో మజ్జిగను పూర్తిగా మానేశారు. రెండు పూటలా పెరుగును మాత్రమే వాడుతున్నారు.

పెరుగు ఆయుక్షీణం. రాత్రి సమయంలో అసలు తినకూడదు.

మజ్జిగ 5 రకాలు

1. మధితము:
పెరుగులో నీరు కలపకుండా చిలికి చేసిన మజ్జిగ చిక్కగా ఉంటుంది. ఈ మజ్జిగను ఆహారంలో తీసుకుంటే నీరసం, ఉదర రోగాలు, పైత్యము, వాతము, రుచి తెలియక పోవడం, నీళ్ళ విరోచనాలు మొదలైనవి పోయి శరీరానికి బలం కలుగుతుంది.

2. మిళితము:
పెరుగు ఒక వంతులో నీళ్లు మూడు వంతులు పోసి చిలికి తయారు చేసిన మజ్జిగ అరుచిని, అతిసార విరోచనాన్ని, రక్తంలో చేరిన వాతాన్ని ఇంకా అనేక రోగాలను పోగొడుతుంది.

3. గోళము:
ఒక వంతు పెరుగు, ఒకటిన్నర వంతు నీళ్లు కలిపి తయారు చేసిన మజ్జిగ శరీరానికి మంచి కాంతి వస్తుంది. కంటికి మేలు చేస్తుంది. ఉదరములో మందాగ్ని, విష దోషాలు, కఫము, ఆమరోగములను పోగొడుతుంది.

4. షాడభము:
ఒక వంతు పెరుగు, అయిదు వంతుల నీళ్ళు కలిపి తయారు చేసిన మజ్జిగ శ్లేష్మరోగాలను, రక్తమూల వ్యాధిని
పోగొడుతుంది. ఈ మజ్జిగ తేలికగా ఉండి ఉదరములో జఠరాగ్నిని పెంచి శరీరానికి కాంతినిస్తుంది.

5. కాలశేయము:
ఒకవంతు పెరుగు, రెండు వంతుల నీళ్ళు కలిపి తయారు చేసిన ఈ మజ్జిగ బంక విరోచనాలు, విషములను, ఉబ్బులను, మంటను, వాతమును, మూలవ్యాధిని పోగొట్టి శరీరం త్వరగా ముడతలు పడకుండా కాపాడుతుంది. పడిన ముడతలను కూడా తీసి వేస్తుంది.

మజ్జిగ ఆహారంలో తీసుకోవటం అన్ని కాలాలలో, అన్ని వయసుల వారికి మంచిది
            🚩సర్వేజనాః సుఖినోభవంతు🚩

Tuesday, September 5, 2023

ఉపవాసం చేయడం వలన వివిధ అవయవాలలో కలుగు మార్పులు -


 * జీర్ణక్రియ - 

      జీర్ణావయవాలకు మంచి విశ్రాంతి లభించును . అజీర్ణము తొలగించి ఆకలి వృద్ది అగును. 

 * మలాశయం - 

       మలాశయంలోని మురికి బహిష్కరించబడి అజీర్ణం తొలగును . క్రిములను , బ్యాక్టీరియాలను నాశనం చేయును . 

 * మూత్రపిండములు - 

       మూత్రపిండములలోని విషపదార్ధములు , రాళ్లు బయటకి వెడలును . 

 * ఊపిరితిత్తులు - 

        ఉపిరితిత్తులోని నంజు , నీరు బహిష్కరించబడి ఆయాసము నివారించును . శ్వాసక్రియ చక్కగా జరుగును . 

 * గుండె - 

       గుండె చుట్టు , లోపల చేరిన కొవ్వు , నీరు తగ్గి గుండె చక్కగా కొట్టుకొనును . అధికంగా తినడం వలన రక్తంలో కొలెస్టరాల్ ఎక్కువ అయ్యి గుండెజబ్బులు వచ్చును . 

  * లివర్ , స్ప్లీన్ - 

        ఆహారం జీర్ణం అగుటకు ఇవి ముఖ్యముగా పనిచేయవలెను . ఉపవాసం చేయుట వలన వీటికి విశ్రాంతి దొరుకును . వాటిలో మాలిన్యాలు తొలగించబడి జీర్ణక్రియ వృద్ధిచెందును . 

 * రక్తప్రసరణ - 

       రక్తదోషములు నివారణ జరుగును. ఉపవాసం వలన రక్తప్రసారం చురుకుగా జరుగును. కావున తిమ్మిర్లు , మంటలు , నొప్పులు నివారణ అగును. 

 * కీళ్లు - 

        కీళ్లలో పేరుకుపోయిన కొవ్వు , నీరు , మాంసం , ఇతర మాలిన్యాలు తొలగించబడి వ్యాధి నివారణ అగును. 

 * నాడి మండలము - 

        ఉపవాసం వలన నాడీ మండలం శుద్ది జరిగి వ్యాధి నివారణ జరుగును. 

 * జ్ఞానేంద్రియములు - 

        జ్ఞానేంద్రియాలలోని మాలిన్యములు కూడా నివారణ అగును. 

 * చర్మము -  

        చర్మము కాంతివంతం అగును. చర్మవ్యాధులు హరించును . శరీరానికి చక్కని రంగు వచ్చును . 

 * మనస్సు - 

        మనస్సు నిర్మలం అగును. కోపతాపములు నివారించును . ఆధ్యాత్మిక చింతనకు పునాదులు ఏర్పడును . 

        పైన చెప్పినవే కాకుండా మరెన్నో ఉపయోగాలు ఉన్నాయి . దురభ్యాసాలను విడుచుటకు ఉపవాసం మిక్కిలి ఉపయోగపడును. ఉపవాసం అనగా ఆహారం తీసుకోకపోవడం ఉపవాసం కాదు. ఉపవాసానికి కూడా కొన్ని నియమ నిబంధనలు ఉన్నాయి. 

Saturday, September 2, 2023

శరీరం నందు రక్తం వృద్ది చెందుటకు సులభయోగాలు -

శరీరం నందు రక్తం వృద్ది చెందుటకు సులభయోగాలు - 

 * ఉల్లిపాయ , ఉసిరికాయలను సమభాగాలుగా నూరి రసము తీసి ఆ రసము సేవించిన శరీరం నందు రక్తం వృద్ది చెందును. 

 * టమాటో రసం నందు తేనే కలిపి త్రాగిన రక్తశుద్ధి జరుగును మరియు రక్తం వృద్ది చెందును 

 * ప్రతిరోజు పడుకునే ముందు వేడిపాలు పావుసేరు తాగుతున్న రక్తంవృద్ది అగును . 

 * పటికబెల్లం , లొహాభస్మం , పిప్పిల్లు వీటిని సమపాళ్లలో తీసుకుని పొడిచేసి పూటకు పావుతులము పొడిని నేతిలో కలుపుకుని తినుచున్న రక్తం వృద్ది అగును.

  నా అనుభవ యోగం - 

   ప్రతిరోజూ ఉదయము మరియు సాయంత్రం సమయాలలో ఆహారానికి గంటన్నర ముందు ఒక గ్లాస్ తియ్యటి దానిమ్మ రసములో ఒక స్పూన్ గోధుమ గడ్డి చూర్ణం కలిపి ఇవ్వడం జరిగింది. బెల్లంతో తయారుచేసిన పల్లీపట్టీ కొంత ఆహారంలో భాగముగా ఇచ్చాను . 40 రోజులలోనే రక్తవృద్ది జరిగి రోగి కోలుకున్నారు . ప్రతినిత్యం ఆపిల్ కూడా ఆహారములో భాగం చేశాను . 

 శరీరము నందు రక్తాన్ని వృద్ధి చేయు మరికొన్ని ఔషధులు - 

   అంజీర పండు , అభ్రక భస్మము , అమృత ఫలము , ఆవునెయ్యి , ఓమము , కొర్రలు , కోడిగుడ్లు , జాజికాయ , దానిమ్మపండు తియ్యనిది . ద్రాక్షపండు తియ్యనివి , నువ్వులు , బత్తాయి పండ్లు , సపోటా ఆహరంలో తీసికొనవలెను 

    పళ్ళ రసాలు ఎప్పుడూ కూడా ఆహరం తరువాత తీసుకోవద్దు . ఆహారానికి గంటన్నర ముందు తీసుకోవడం మంచిది . 

  
   

మహిళలను_భాదిస్తున్న_అన్నిరకాల_ఋతుసమస్యలకు_అద్భుతమైన_ఆయుర్వేద_పరిష్కారాలు

#మహిళలను_భాదిస్తున్న_అన్నిరకాల_ఋతుసమస్యలకు_అద్భుతమైన_ఆయుర్వేద_పరిష్కారాలు.

విజ్ఞప్తి: అందరూ బాగుండాలని, పోస్టు ఎక్కువగా వున్నా... మిత్రులు ఓపికతో చదివి అర్థం చేసుకుంటారాని భావించి అందరికీ అర్థం అయ్యేలా పూర్తి వివరణ ఇవ్వడం జరిగింది. దయచేసి ఓపికతో మొత్తం చదివి అర్థం చేసుకుని , ఈ చిట్కాలను పాటించి మీ ఆరోగ్యాన్ని కాపాడుకుంటారని ఆశిస్తున్నాము. 

🤷ఆడపిల్లలు సకాలంలో రజస్వల అవడానికి ఆయుర్వేద ఔషధాలు:

⭐ఆయుర్వేద ఔషధం -1
 
 సిద్ధం చేసుకోవాల్సిన పదార్ధాలు:-

👉పల్లేరు కాయల చూర్ణం అర టీస్పూన్,
👉నల్లనువ్వుల చూర్ణం అరటీస్పూన్,
👉 బెల్లం అర టీస్పూన్,
👉ఎండు కొబ్బరి తురుము అరటీస్పూన్.

✍️వాడాల్సిన పద్ధతి:-

👉ఒక గిన్నెలో పైవాటిని తీసుకోండి. వీటిని బాగా కలపి నిమ్మకాయ సైజు వుండ చేసి తినిపించండి. ఇలాకొంత కాలం చేస్తే ఆడపిల్లలు సకాలంలో రజస్వల అవుతారు.

⭐ఆయుర్వేద ఔషధం- 2

సిద్ధం చేసుకోవాల్సిన పదార్థాలు:-

👉మందార పువ్వుల ముద్ద 1 టీస్పూన్
👉బెల్లం తురుము 1 టీస్పూన్,
👉నల్లనువ్వుల ముద్ద 1 టీస్పూన్.

✍️వాడాల్సిన పద్ధతి:-

👉ఒక గిన్నెలో వీటిని తీసుకోని, బాగా కలిపి, నిమ్మకాయ సైజు వుండ చేయండి. బియ్యం కడుగు నీళ్లతో ఇవ్వండి.
ఇలా కొంత కాలం చేస్తే ఆడపిల్లలు సకాలంలో రజస్వల అవుతారు.

⭐ఆయుర్వేద ఔషధం - 3

సిద్ధం చేసుకోవాల్సిన పదార్థాలు:-

👉మోదుగ గింజల చూర్ణం అరటీస్పూన్,
👉బెల్లం టీస్పూన్.

✍️వాడాల్సిన పద్ధతి:-

👉ఒక చిన్న రోలులో 1 టీస్పూన్ బెల్లాన్ని, అర టీస్పూన్ మోదుగ గింజల చూర్ణాన్ని కలిపి నూరండి.
వుండగా చేసి మింగండి..

👉దీనిని క్రమం తప్పకుండా కొంతకాలం తీసుకుంటే అడపిల్లలు త్వరలోనే రుతుముతి అవుతారు.

🤷బహిష్టులో అపక్రమం, బహిష్టు ఆలస్యం కావటం:

✍️బహిష్టులో అపక్రమంకు కారణాలు:

👉ఒత్తిడి
👉శారీరక బరువు తక్కువగా ఉండటం.
👉మరీ ఎక్కువగా వ్యాయామం చేయటం
👉pcod
👉థైరాయిడ్ గ్రంథి పనితీరులో తేడాలు.
👉 త్వరగా రజోనివృత్తి (మెనోపాజ్) జరగటం.
👉గర్భాశయంలో నిర్మాణపరమైన లోపాలు.
👉కుటుంబ ఇతివృత్తం.
👉ఎథ్లెటిక్స్ ట్రయినింగ్.
👉ఆహార సేవనకు సంబంధించిన వ్యాధులు (ఎవరెక్సియా) ఉండటం.

⭐ఆయుర్వేద ఔషధం - 1

సిద్ధం చేసుకోవాల్సిన పదార్థాలు:-

👉మందార పువ్వుల ముద్ద ఒక టేబుల్ స్పూన్ (4-5 తాజా మందార పువ్వులను తెచ్చి, కడిగి, ముద్దగా నూరాలి)
👉అరగ్లాసు నీళ్లు (అనుపానానికి),

✍️వాడాల్సిన పద్ధతి:-

👉1 టేబుల్ స్పూన్ మందార పువ్వుల ముద్దను ఖాళీ కడుపుతో, నీళ్లతో తీసుకోండి.
👉బహిష్టు వస్తుందనుకున్న తేదికి 5-7 రోజుల ముందునుంచి వాడటం మొదలెట్టండి.
👉మందారలో యాంటి ఈస్ట్రోజన్ అంశాలుంటాయి. ఇవి ఈస్ట్రోజన్, ప్రొజెస్టిరోన్ మధ్య సమతుల్యతను కాపాడుతాయి.
👉దీంతో బహిష్టుక్రమం గాడిలో పడుతుంది.

⭐ఆయుర్వేద ఔషధం - 2

సిద్ధం చేసుకోవాల్సిన పదార్థాలు:-

👉ఉడకబెట్టిన కలబంద గుజ్జు 1 టీస్పూన్
 (కలబంద ఆకు మీద తోలు తొలగించి, గుజ్జును గోధుమ రంగులోకి మారేంత వరకూ ఉడికించి చల్లార్చి పేస్టుగా చేయండి.)
👉యాపిల్ జ్యూస్ లేదా నీళ్లు 1 కప్పు, (అనుపానానికి)

✍️వాడాల్సిన పద్ధతి:-

👉ఉడికించిన 1 టీస్పూన్ కలబంద గుజ్జును ఖాళీ కడుపుతో అరగ్లాసు నీళ్లకు కలిపిగాని లేదా యాపిల్ జ్యూసికి కలిపిగాని తాగండి.
ఇది కాస్త చేదుగా ఉంటుంది..దీనికి విరేచనాలను కలిగించే లక్షణం ఉంటుంది. అందుకే డోస్ ని అవసరాన్ని బట్టి. మార్చుకోండి.
👉దీనిని బహిష్టు వస్తుందనుకున్న తేదీకి 5-7 రోజుల ముందునుంచి మొదలెట్టి తీసుకోండి.!

⭐ఆయుర్వేద ఔషధం - 3 

సిద్ధం చేసుకోవాల్సిన పదార్ధాలు:-

👉తులసి ఆకుల రసం 1 టీస్పూన్
👉తేనె 1 టీస్పూన్
👉మిరియాలు 1 చిటికెడు.

✍️వాడాల్సిన పద్ధతి:-

👉ఒక టీస్పూన్ తులసి ఆకుల రసానికి ఒక టీస్పూన్ తేనెను కలపండి. దీనికే ఒక చిటికెడు మిరియాల పొడిని కలపి తీసుకోవాలి.
👉 ఇలా రెండు పూటలా తయారుచేసి తీసుకోండి.
👉ఈ ఔషధాన్ని ఒకటి రెండు నెలలు వరుసగా తీసుకోండి...దీంతో బహిష్టు క్రమం గాడిలో పడుతుంది.

✍️జాగ్రత్తలు:

👉ఒత్తిడిని తగ్గించుకోండి.
👉 పనిని ప్రణాళిక వేసుకొని చేసుకోండి. 
👉అర్ధశక్తిగా వ్యాయామం చేయండి.
👉మంచి ఆహారం తీసుకోండి.
👉 తేలికగా జీర్ణమయ్యే ఆహారాలు తీసుకోండి.
👉మలబద్దకం లేకుండా చూసుకోండి.
👉ఆలస్యంగా జీర్ణమయ్యే ఆహారాలు మానండి.

🤷బహిష్టు స్రావాధిక్యత:

✍️లక్షణాలు:-

👉ప్రతి గంటకూ ఒక శానిటరీ ప్యాడ్ ని మార్చాల్సి రావటం.
👉రాత్రిపూట నిద్ర మేల్కొని ప్యాడ్ ని మార్చుకోవాల్సిన అవసరం ఏర్పడటం.
👉ఒక వారానికి మించి బ్లీడింగ్ జరగటం.
👉బహిష్టు రక్తంలో రక్తపు గడ్డలు పడటం
👉రక్తహీనత లక్షణాలు కనిపించటం.
👉రోజువారీ పనులకు ఆటంకం ఏర్పడటం.

✍️కారణాలు:-

👉హార్మోన్ తేడాలు,
👉అండాశయాల పనితీరులో మార్పులు,
👉గర్భాశయంలో కంతులు పెరగటం,
👉గర్భాశయంలో పిలకలు పెరగటం,
👉ఎడినోమయోసిస్ (గర్భాశయం లోపలి పొర గోడల్లోకి పెరగటం),
👉సంతాననిరోధక సాధనం అమర్చటం,
👉గర్భధారణలో ఇక్కట్లు,
👉మందుల వాడకం.
👉థైరాయిడ్ సమస్యలు,
👉ఎండోమెట్రోయోసిస్.

⭐ఆయుర్వేద ఔషధం - 1

సిద్ధం చేసుకోవాల్సిన పదార్ధాలు:-

👉అత్తిపత్తి (టచ్మీనాట్) మొక్క ఆకుల రసం 2 టేబుల్ స్పూన్లు (ఆకులను కడిగి, ముద్దగా దంచి, గుడ్డలో వేసి రసం పిండండి)
👉తేనె 1 టేబుల్ స్పూన్

✍️వాడాల్సిన పద్ధతి:-

👉2 టేబుల్ స్పూన్ల తాజా అత్తపత్తి ఆకుల రసానికి అవసరాన్ని బట్టి ఒక టేబుల్ స్పూన్ తేనెను కలిపి తీసుకోండి.
👉దీనిని రోజుకు 3 సార్లుగా 3 - 4 రోజులపాటు తీసుకోండి.
👉దీంతో అధిక బహిష్టుస్రావం ఆగుతుంది.

⭐ఆయుర్వేద ఔషధం - 2

సిద్ధం చేసుకోవాల్సిన పదార్థాలు:-

👉బాదం గింజల పేస్టు ఒక టీస్పూన్ (రాత్రంతా చన్నీళ్లలో నానబెట్టి, పై తోలు తీసి గ్రైండ్ చేయండి.)
👉మారేడు ఆకుల ముద్ద ఒక టీస్పూన్.
👉 తగినంత తేనె (అనుపానానికి).

✍️వాడాల్సిన పద్ధతి:-

👉ఒక చిన్న బొవెల్లో టీస్పూన్ బాదం గింజల పేస్టును, టీస్పూన్ మారేడు ఆకుల పేస్టును, ఒక టీస్పూన్ తేనెనూ కలిపి తీసుకోండి.
👉తరువాత ఒక కప్పు వేడి పాలు తాగండి.
👉ఇలా ప్రతి రోజూ ఉదయం తీసుకోండి.!

⭐ఆయుర్వేద ఔషధం - 3

సిద్ధం చేసుకోవాల్సిన పదార్థాలు:-

👉నాగకేసరాలు చూ. 10గ్రా.
👉ఉసిరి వలుపు చూ. 10 గ్రా,
👉తుమ్మచెక్క చూ. 10 గ్రా
👉రావిచెక్క చూ. 10 గ్రా.
👉మిశ్రీ 80గ్రా.
👉బియ్యం కడుగు నీళ్లు.

✍️వాడాల్సిన పద్ధతి:-

👉ఒక పాత్రలో వీటిని వరుసగా తీసుకొని బాగా కలపండి.
👉దీనిని ఒక గాజు సీసాలో నిల్వ చేసుకోండి.
👉దీని మోతాదు 3 గ్రా.
👉అనుపానం బియ్యం కడుగు నీళ్లు.
👉అరటీస్పూన్ చూర్ణాన్ని అరకప్పు బియ్యం కడుగు నీళ్లతో కలిపి తీసుకోండి.
👉ఇలా మూడు వారాలపాటు తీసుకోండి.

✍️జాగ్రత్తలు:-

👉బాగా విశ్రాంతి తీసుకోండి.
👉యాస్ప్రిన్ వంటి మందులు మానేయండి.
👉 కాళ్లవైపు ఎత్తులో పెట్టి పడుకోండి.
👉అరటి పువ్వును కూరగా వండుకొని తినండి.
👉ధనియాల కషాయం తాగండి.

🤷రొమ్ముల్లో అసౌకర్యం, నొప్పి:-

✍️కారణాలు:-

👉హార్మోన్లలో తేడాలు
👉శరీరంలో నీరు చేరటం
👉రొమ్ములకు దెబ్బ తగలటం
👉గర్భధారణ
👉స్తన్యం గడ్డకట్టడం
👉రొమ్ములకు ఇన్ఫెక్షన్ సోకటం
👉 బరువులు ఎత్తటం
👉క్యాన్సర్

⭐ఆయుర్వేద ఔషధం - 1

సిద్ధం చేసుకోవాల్సిన పదార్థాలు:-

👉శొంఠి కొమ్ముల గంధం, టీస్పూన్ .
👉వస కొమ్ముల గంధం టీస్పూన్
👉 సున్నం టీస్పూన్
👉బెల్లం టీస్పూన్

✍️వాడాల్సిన పద్ధతి:-

👉శొంఠి గంధాన్ని, వస గంధాన్ని, సున్నాన్ని, బెల్లాన్ని ఒక్కోటి ఒకో టీస్పూన్ తీసుకోండి.
👉 పేస్టుగా కలపండి.
👉దీనిని అరచేయి వెడల్పు కలిగిన ఒక గుడ్డమీద లేపనం చేయండి.
👉 మరో గుడ్డతో మూసి పేపర్ టేప్తో రొమ్ముమీద ప్లాస్టర్గా వేయండి.
👉దీనిని రెండు మూడు రోజులు రొమ్ముల్లో నొప్పి, అసౌకర్యం తగ్గేవరకూ ప్లాస్టర్గా వేయవచ్చు. (లేపనాన్ని నేరుగా పూస్తే చర్మం కమిలే రిస్కు వుంటుంది).

⭐ఆయుర్వేద ఔషధం - 2

సిద్ధం చేసుకోవాల్సిన పదార్ధాలు:-

👉ఆవాలు చూర్ణం ఒక టీస్పూన్
👉గసగసాల చూర్ణం ఒక టీస్పూన్
👉కర్పూరం పొడి ఒక టీస్పూన్
👉పెరుగు తగినంత

✍️వాడాల్సిన పద్దతి:-

👉ఒక పాత్రలో ఒక టీస్పూన్ ఆవాల పొడిని, ఒక టీస్పూన్ గసగసాల పొడిని, ఒక టీస్పూన్ కర్పూరం పొడినీ కలపండి.
👉ఈ మిశ్రమానికి కొద్ది కొద్దిగా పెరుగు కలుపుతూ పేస్టు మాదిరిగా తయారుచేయండి.
👉దీనిని అరచేయి వెడల్పు కలిగిన బ్యాండేజీ గుడ్డమీద పూయండి.
👉ఇదే సైజు కలిగిన మరో గుడ్డతో కప్పి స్యాండ్విచ్ లాగా తయారుచేయండి.
👉దీనిని రొమ్ములమీద పేపర్ టేప్తో అతికించండి. ఇలా 2-3 రోజులు చేయండి.

⭐ఆయుర్వేద ఔషధం - 3

సిద్ధం చేసుకోవాల్సిన పదార్థాలు:-

👉కర్పూరం 1 టీస్పూన్
👉వెల్లిపాయ పేస్టు 1 టీస్పూన్
👉రాతి ఉప్పు (కాపడం పెట్టుకోవడానికి)

✍️వాడాల్సిన పద్ధతి:-

👉ఒక టీస్పూన్ కర్పూరాన్ని, ఒక టీస్పూన్ వెల్లిపాయ ముద్దను కలిపి మెత్తగా నూరండి.
👉దీనిని ఒక గాజు గుడ్డమీద పరిచి పట్టి వేసుకోండి.
👉తరువాత ఉప్పుతో కాపడం పెట్టుకోండి.

✍️జాగ్రత్తలు:-

👉కాఫీ మానేయండి.
👉కెఫీన్ ఉత్పత్తులను మానేయండి.
👉ఉప్పును తగ్గించండి.
👉శ్రమను తగ్గించుకోండి.
👉మూత్రాన్ని జారీ చేసే ఆహారాలు తీసుకోండి (బార్లి, పల్చని టీ, ధనియాలు, కొబ్బరి నీళ్లు, సబ్జాగింజలు, చెరకురసం, పండ్ల రసాలు).

🤷నీరసం, బలహీనత, నిస్త్రాణ:

✍️కారణాలు:

👉క్రానిక్ ఫెటీగ్ సిండ్రోమ్, 
👉కిడ్నీ వ్యాధులు,
👉 గుండె జబ్బులు, 
👉థైరాయిడ్ వ్యాధులు,
👉 స్థూలకాయం, 
👉మధుమేహం, 
👉ఆల్కహాల్ తీసుకోవటం, 
👉కెఫీన్ వాడకం, 
👉ఎక్కువగా శ్రమ చేయటం, 
👉ఆందోళన, కుంగుబాటు, భయం.

⭐ఆయుర్వేద ఔషధం -1

సిద్ధం చేసుకోవాల్సిన పదార్థాలు:-

 👉ఎండు ఖర్జూరాలు 4
👉తేనె 1 టేబుల్ స్పూన్
👉1 గ్లాసు వేడి నీళ్లు (ఖర్జూరాలను నానబెట్టడానికి)

✍️వాడాల్సిన పద్ధతి:-

👉4 ఎండు ఖర్జూరాలను పరిశుభ్రంగా కడగండి.
👉ఒక గ్లాసు వేడి నీళ్లలో వేయండి.
👉రాత్రంతా నానబెట్టండి.
👉ఉదయం నానిన ఖర్జూరాలను తినండి. మిగిలిన నీళ్లకు 1 టేబుల్ స్పూన్ తేనె కలిపి తాగండి.
👉దీంతో మీ నీరసం తగ్గుతుంది. బలహీనత దూరమవుతుంది.!

⭐ఆయుర్వేద ఔషధం - 2

సిద్ధం చేసుకోవాల్సిన పదార్థాలు:-

👉 అశ్వగంధ వేరు చూర్ణం 20 గ్రా
👉చిల్లగింజల చూర్ణం 20 గ్రా 
👉శతావరి వేరు చూర్ణం 20 గ్రా.
👉బాదం పలుకులు 20 గ్రా.
👉కలకండ పొడి 80 గ్రా.

✍️వాడాల్సిన పద్ధతి:-

👉 ఒక పాత్రలో వీటిని వరుసగా తీసుకోండి.
👉అన్నిటినీ బాగా కలపండి. 
👉ఒక గాజు సీసాలో నిల్వ చేసుకోండి.
👉దీనిని పూటకు 1 టీస్పూన్ మోతాదుగా గోరు వెచ్చని పాలలో కలిపి తాగండి.
👉ఈ ఔషధాన్ని ఉదయం, సాయం కాలం రెండు పూటలా టానిక్ లాగా తీసుకోండి.
👉దీంతో ధాతునష్టం వల్ల కలిగిన నీరసం తగ్గుతుంది.

✍️జాగ్రత్తలు:-

👉బాగా నిద్రపోండి 
👉ఒత్తిడిని తగ్గించుకోండి.
👉మంచి ఆహారం తీసుకోండి.
👉పనులను ప్రణాళికా బద్ధంగా చేసుకోండి.
👉రోజువారీగా మర్రిపండ్లు, రావిపండ్లు, చక్రకేళి, అరటిపండ్లు, ఎండు ఖర్జూరాలు, ద్రాక్షపండ్లు, పెరుగు, పాలు, నెయ్యి తేనె వీటిని తీసుకోండి.


Saturday, August 26, 2023

ప్రాచీన భారతీయ పురాణాలలో వివరించినటువంటి "బ్రహ్మస్త్రం" గురించి సంపూర్ణ వివరణ -

ప్రాచీన భారతీయ పురాణాలలో వివరించినటువంటి "బ్రహ్మస్త్రం" గురించి సంపూర్ణ వివరణ -

           మన భారతీయ పురాణాలు చదివినవారికి "బ్రహ్మస్త్రం " అనే పేరు అత్యంత సుపరిచితం అయినదే ముఖ్యంగా రామాయణ , మహాభారతాలలో ఎక్కువుగా వినిపిస్తుంది. ఈ బ్రహ్మస్త్ర ప్రయోగం మరియు దాని వివరాలు గురించి భారతీయులమైన మనకంటే పాశ్చాత్య శాస్త్రజ్ఞులకు ఈ విషయాల గురించి సంపూర్ణ అవగాహన ఉన్నది. దీనికి ప్రధాన కారణం మనం నిర్లక్ష్యం చేసి వదిలివేసిన ఎన్నో అద్భుతగ్రంధాలు మరియు విజ్ఞానాన్ని వారు అర్థం చేసుకుని ఆదరించడమే . అలాంటి కొన్ని విజ్ఞానదాయకమైన విషయాలు మరుగునపడిపోయిన ఎన్నో విషయాలను మీకు తెలియచేయడానికి నావంతు ప్రయత్నం చేస్తున్నాను . ఇప్పుడు మీకు ప్రాచీన భారతీయ యుద్ధాలలో ఉపయోగించిన "బ్రహ్మస్త్రం" అనే ఒక భయంకర ఆయుధం గురించి వివరిస్తాను. దీనినే మనం ఈ ఆధునిక యుగంలో "ఆటంబాంబు " అని పిలుచుకుంటున్నాం.

                1945 వ సంవత్సరం జులై 16 వ సంవత్సరం తెల్లవారుజామున 5:30 సమయములో న్యూమెక్సికో ఎడారిలో ఒక బాంబు పరీక్షించారు. ఈ ప్రయోగం సరిగ్గా హిరోషిమా నగరం పైన అణుబాంబు ప్రయోగించడానికి నెలరోజుల ముందు జరిగింది. ఈ ప్రయోగం జరిగిన తరువాత ఓపెన్ హమీర్ అనే ప్రఖ్యాత శాస్త్రవేత్త రోచస్టర్ విశ్వవిద్యాలయంలో ప్రసంగిస్తున్నప్పుడు ఒక విద్యార్థి "మీ ప్రయోగం ప్రపంచంలో మొదటిసారే కదా ?" అని అడిగినాడు . అందుకు హమీర్ అవును ఇది ఈ ఆధునిక కాలంలో మాత్రం మొదటిది అని భారతదేశంలో జరిగిన పురాతన యుద్ధగాథలు , మహాభారతం గురించి వివరించాడు.

          ప్రాచీన భారతీయ పురాణాలలో బ్రహ్మస్త్రం గురించి ఈ విధముగా ఉన్నది. "అది ఒక్కటే బాణం కాని ఈ విశ్వశక్తి మొత్తం దానిలో ఇమిడి ఉన్నది. పదివేల సూర్యులు పగిలినట్లు మంటలు లేచి గగనాన్ని దేదీప్యమానం చేశాయి. ఒక ఇనుప పిడి లాంటి దానితో బిగించిన ఆయుధం ఇది. అజేయమైన మృత్యుసందేశాన్ని తెచ్చిన పిడుగు అది . సమస్త భవనాలను , కందకాలను బూడిద చేసివేసింది. కాలిపోయిన మనుష్యులెవరో గుర్తుపట్టటానికి వీలుకాలేదు . వెంట్రుకలు , గోళ్లు , కండ్లు , పండ్లు ఊడిపడిపోయాయి . పక్షులు , పశువులు , వృక్షాలు చచ్చి తెల్లగా మారిపోయాయి. కొన్ని గంటల తరువాత ఆహారధాన్యాలు , వాతావరణం విషతుల్యం అయిపోయాయి. సైనికులు బావులలో , నదులలో దూకి మంటలు ఆర్చుకున్నారు" అని చెప్పబడినది. దీని గురించి మరిన్ని విషయాలు " with out trace " అను గ్రంధమున ఉదహరించారు. ఈ హమీర్ అనే శాస్త్రవేత్త సంస్కృతంలో మంచి పండితుడు . ఈయన న్యూ మెక్సికోలో అటామిక్ బాంబు పరిశోధనాలయా డైరెక్టర్ గా వ్యవహరించారు.

           సుప్రసిద్ద సోవియట్ పండితుడు అయిన A .A . గోర్బోవిస్కీ తన గ్రంథం "book of హైపోథెసిస్ " లో కూడా చాలా వివరణలు ఇచ్చారు . మన ప్రాచీన భారతీయులకు అణ్వస్త్ర విషయాల గురించి సంపూర్ణంగా తెలుసు. హరప్పా, మొహంజదారో నాగరికతలు విరాజిల్లిన కొన్ని ప్రదేశాలలో తవ్వకాలు జరిపినప్పుడు అక్కడి వీధుల్లో నల్లగా కాలిపోయిన ముద్దల వంటి పదార్థం దొరికింది . మొదట శాస్త్రవేత్తలకు అది ఎలాంటి పదార్థమో అంతుబట్టలేదు . దానిని ప్రయోగశాలలో పరీక్షించినప్పుడు అది మట్టితో చేసిన కుండపెంకులుగా నిర్దారించబడినవి . ఆ పదార్థం తీవ్రమైన వేడికి కరిగిపోయినదిగా నిర్దారించబడినది. అంతేకాదు ఆ పదార్థం తీవ్రమైన రేడియేషన్ కి గురిఅయ్యినది. ఉండవలసిన రేడియేషన్ స్థాయి కంటే కొన్ని వందల రెట్ల రేడియేషన్ ప్రభావం కనిపించింది.

                 4000 సంవత్సరాల క్రితం మరణించిన ఒక వ్యక్తి అస్థిపంజరంలో మామూలు ప్రమాణం కంటే ఎన్నో వందలరెట్ల రేడియోధార్మికత కనిపించింది. ఈ బ్రహ్మస్త్రాన్ని గురించి దక్షిణ అమెరికాలో కొన్ని పురాతన గ్రంథాలలో కూడా వివరణ ఉన్నది. అక్కడి గ్రంథాలలో దానిని "మాష్ మాకి " అనే పేరుతో పిలుస్తారు . భారతీయ ప్రాచీన వైమానిక శాస్త్రం అయినటువంటి "సమరాంగణ సూత్రధార " లో కూడా ఈ విషయాల గురించి వివరణ ఉన్నది.

          ఇలాంటి ఎన్నో రహస్యమైన భయంకర ఆయుధాలు మరియు పుష్పక విమానాలు వంటి వాటిని మరియు ఎన్నో రహస్య విద్యలకు సంబంధించిన సమస్త సమచారాన్ని కొన్ని రహస్య ప్రదేశాల్లో మన పూర్వీకులు దాచి ఉంచారు .

   

Tuesday, August 22, 2023

అశ్వగంధ చూర్ణం ఉపయోగాలు -

అశ్వగంధ చూర్ణం ఉపయోగాలు - 

    కొంతకాలం క్రితం అశ్వగంధ గురించి కొన్ని వివరాలు మీకు అందించాను. ఈ మధ్యకాలంలో అశ్వగంధ గురించి మరింత విలువైన సమాచారం తెలుసుకున్నాను . వీటిలో చాలా వరకు నేను నా పేషెంట్స్ కి ఇచ్చినప్పుడు కొన్ని ఇతర సమస్యలు తీరడం నా దృష్టికి వచ్చింది. ఇప్పుడు నా స్వానుభావాలు మరియు కొన్ని అత్యంత పురాతన గ్రంథ పరిశోధనలో నాకు లభ్యమైనవి కూడా మీకు వివరిస్తాను . 

 స్వచ్ఛమైన అశ్వగంధ తయారీ విధానం - 

      మెట్టభూములు మరియు అడవులలో లభ్యమగు మంచి ముదురు పెన్నేరు గడ్డలను తెచ్చి మట్టి , ఇసుక , దుమ్ము వంటి వ్యర్థపదార్థాలు లేకుండా శుభ్రపరచుకొని నీడ యందు ఎండించవలెను . పూర్తిగా ఎండిన తరువాత కత్తితో ముక్కలుగా కొట్టి ఒక గిన్నెలో వేసి అవి మునుగునంత వరకు దేశి ఆవుపాలు పోసి సన్నటిసెగపైన పాలు ఇగురునంత వరకు ఉడికించవలెను . అలా ఉడికించిన తరువాత గడ్డలను బాగుగా ఎండించవలెను . ఆ దుంపల యందు తడి పూర్తిగా ఆరిపోయేంత వరకు ఎండించవలెను . లేనిచో ఆ దుంపలకు బూజు పట్టును . ఇలా పూర్తిగా ఎండిన దుంపలను మరలా ఉడికించి ఎండించవలెను . ఇలా మొత్తం 11 సార్లు చేసి ఆ తరువాత బాగుగా ఎండించి చూర్ణం చేసి వస్త్రగాలితం చేసుకుని వచ్చిన మెత్తటి చూర్ణాన్ని తడి తగలకుండా జాగ్రత్తగా నిలువచేసుకోవలెను . 

 మోతాదు - 

     2 నుంచి 3 గ్రాముల మోతాదులో ఉదయము మరియు సాయంత్రం భోజనానికి అరగంట ముందు ఆయా సమస్యను బట్టి వైద్యులు సూచించిన అనుపానంతో వాడవలెను . 

       అశ్వగంధ 7 సార్లు శుద్ది చేయవలెను అని చెప్పుదురు . 11 సార్లు శుద్ది చేసిన ప్రశస్తముగా ఉండును . మరియు బలంగా పనిచేయును . 

  ఔషధోపయోగాలు - 

 * శరీరానికి అమితమైన బలాన్ని ఇచ్చును . శుష్కించు శరీరం కలవారు దీనిని వాడుట వలన శరీరానికి కండపట్టి బలంగా తయారగుదురు . 

 * నిద్రలేమితో బాధపడువారికి ఈ అశ్వగంధ అత్యంతద్భుతముగా పనిచేయును . అశ్వగంధ ప్రధానముగా నరాల మీద పనిచేసి నరాలకు బలాన్ని చేకూర్చును . దీనిని వాడుట వలన ప్రశాంతమైన నిద్ర లభించును . 

 * క్షయరోగముతో ఇబ్బంది పడువారికి ఇది అత్యంత బలవర్ధకమైనది . ఊపిరితిత్తులకు బలాన్ని చేకూర్చుటయే కాక శరీర రోగనిరోధక శక్తి పెంచుటలో అత్యంత వేగముగా పనిచేయును . 

 * విరిగిన ఎముకలు త్వరగా కట్టుకొనుటకు ఈ అశ్వగంధ బాగుగా పనిచేయును . 

 * స్త్రీలు మరియు పురుషలలో కలుగు వంద్యదోషాలను నివారించును . 

 * రక్తము నందలి దోషములను పోగొట్టును . 

 * కీళ్లనొప్పులు నుంచి ఉపశమనం కలిగించును . 

 * నాడీవ్యవస్థ కు చెందిన వ్యాధుల పైన బాగుగా పనిచేయును . 

 * పక్షవాతం మొదలగు వాతవ్యాధుల యందు దీని పనితీరు అద్బుతముగా ఉంటుంది . 

 * మెదడులోని న్యూరాన్ల పైన దీని ప్రభావం ఉంటుంది. దీనిని వాడుట మూలన మెదడు చురుకుగా పనిచేయును . జ్ఞాపకశక్తి మెరుగుపడును . 

 * అగ్నిమాంద్యము , మలబద్దకం నివారించును .

 * బాలింతలకు వచ్చు సూతికారోగము నివారించును . 

 * శరీరంలోని టాక్సిన్స్ బయటకి పంపి శరీరాన్ని శుద్ది చేయును . 

 * కఫ సంబంధ దోషములైన శ్వాస ( ఆయాసం ) , శోష మొదలైన వాటిని నివారించును . 

 * గ్రంధి సంబంధ రోగాలు ఉదాహరణకి థైరాయిడ్ వంటి వాటిపై అమోఘముగా పనిచేయును . 

 * గుండెసంబంధ సమస్యల కలవారు అశ్వగంధ వాడవలెను . 

 * కొంతమంది పిల్లలు శారీరకంగా ఎండుకుపోయి ఉంటారు. అటువంటివారికి తేనె అనుపానంగా ఈ అశ్వగంధ చూర్ణమును ఇచ్చిన మంచి కండపట్టి పుష్టిగా తయారగుదురు . 

 * వృద్ధాప్యము నందు వచ్చు సమస్యలను ఎదుర్కోవడానికి అశ్వగంధ నిత్యము సేవించవలెను . 

 * స్త్రీల శారీరక బలహీనతని పోగొట్టును . ప్రదర రోగములను నివారించును . 

 * మూర్చరోగులకు ఇది వరం వంటిది . 

 * స్త్రీలలో కలుగు బహిష్టు సంబంధ సమస్యలను నివారించును . 

 * స్త్రీ మరియు పురుషులలో హార్మోన్స్ మీద ఇది చాలా అద్బుతముగా పనిచేయును . 

      పైన చెప్పిన అనేక ఉపయోగాలు మాత్రమే కాకుండగా అనేకమంది HIV వ్యాధిగ్రస్తులకు ఇది నేను ఇవ్వడం జరిగింది. దీనిని ఉపయోగించిన తరువాత వారిలో CD4 కౌంట్ నందు మార్పు కనిపించింది. అంతకు ముందు ఉన్నటువంటి నీరసం , నిస్సత్తువ తగ్గిపోయాయి. ఇలా మరెన్నో వ్యాధులపైన దీనిని ప్రయోగించాను . అద్బుతమైన ఫలితాలు వచ్చాయి . 

         కరోనా చికిత్సలో కూడా ఇది చాలా అద్బుతముగా పనిచేసింది . నేను ఎంతో మంది రోగులకు ఇచ్చాను . కరోనా నుంచి కోలుకొనిన తరువాత వచ్చే దుష్ప్రభావాలనుంచి కాపాడుకోవడానికి ఇది వాడుట అత్యుత్తమం . 

      మీకు ఇక్కడ మరొక్క ముఖ్యవిషయం చెప్పవలెను . నేను మామూలుగా ఆయుర్వేద షాపుల్లో దొరికే శుద్ధిచేయని మామూలు అశ్వగంధ చూర్ణము ఉపయోగించినప్పటికంటే నేను పాలల్లో ఉడకబెట్టి తయారుచేసిన అశ్వగంధ చూర్ణం వాడుట వలన ఫలితాలు అతి తక్కువ సమయములో వేగముగా ఫలితాలు వచ్చాయి . ఈ అశ్వగంధ చూర్ణం వాడువారు పాలు , పెరుగు , వెన్న , పప్పు తరచుగా వాడవలెను . తాంబూలం , మద్యము , కర్బుజా పండు , పనసపండు , చల్లనినీరు , చద్ది అన్నం నిషిద్దం .