మలేరియా జ్వరమునకు తులసితో చికిత్స - malaria chikitsa

 మలేరియా జ్వరం వర్షాకాలం  నందు విపరీతంగా వ్యాప్తి చెందును. ఇది ఇప్పుడు సర్వసాధారణం అయినది. దీనికి ఇతర వైద్యులు "క్యూనైన్ "మందుగా వాడటం జరుగుతుంది. దీనిచే జ్వరం తగ్గును. కానీ తలనొప్పి , చెవులలో హోరుమను శబ్దం , తలతిరుగుట , చెవుడు మొదలుకొని హృదయసంబంధ కాంప్లికేషన్స్ అగుపిస్తున్నాయి. మన ఆయుర్వేద వైద్యం నందు తులసితో ఎటువంటి సైడ్ ఎఫక్ట్స్ లేకుండా ఈ జ్వరాన్ని సులభంగా నివారించవచ్చు.

  నివారణోపాయాలు  -

 *  7 మిరియాలు , 7 తులసి ఆకులు కలిపి నమిలి మ్రింగుచున్న  మలేరియా జ్వరం 3  రోజులలో హరించును .

 *  మానిపసుపు , పిప్పిళ్ళు , వెల్లుల్లి , జీలకర్ర , శొంఠి , తులసి , నారింజ పిందెలు , వావిలి వ్రేళ్ళు , ఆకుపత్రి వీటిని సమాన భాగాలుగా కలిపి చూర్ణించి పూటకు అరతులం వంతున ఇచ్చుచున్న చలిజ్వరములు తగ్గును.

 *  తులసి ఆకులు 60 గ్రా , కొద్దిగా మందార పుష్పదళములు , కొద్దిగా ఉమ్మెత్త పుష్పదళములు , మిరియాలు 10 గ్రా , కొద్దిగా నీరువేసి మర్దించి బఠాణి గింజంత పరిమాణంతో మాత్రలు చేసి చలిజ్వరం వచ్చుటకు గంట ముందుగా రెండు మాత్రలు తీసుకున్న చలిజ్వరం రాకుండానే పోవును.అలాగే రొజు మార్చి రొజు వచ్చు మలేరియా జ్వరం లందు మంచి ఫలితాన్ని ఇచ్చును .

 *  మలేరియా జ్వరం మొండిగా ప్రతిసంవత్సరం వస్తూనే ఉండిన తులసీదళములు , మిరియాలు నీటిలో వేసి ఉడికించిన కషాయములో కొద్దిగా బెల్లం , నిమ్మరసం కలిపి వేడిగా ఉన్నప్పుడే కాఫీ వలే తాగి రగ్గు కప్పుకొని పడుకోవలెను . ఇలా మూడు గంటలకు ఒకమారు చేయుచుండిన మంచి ఫలితం ఉండును.

 *  తులసి వ్రేళ్ళ కాషాయం త్రాపిన బాగుగా చెమటపట్టి చలిజ్వరం వెంటనే తగ్గును.

 *  మలేరియా జ్వరం ప్రతిసంవత్సరం భాదించుచున్న వ్యక్తికీ తులసిరసం , పుదీనా రసం , అల్లం రసం ఒక్కొక్కటి 5 గ్రాముల వంతున కలిపి తాగుచున్న మంచి ఫలితం కనిపించును.

  గమనిక  -

      తులసి చెట్టు వైద్యం కొరకు కుండీలలో ఇంట్లో పెంచుకొనుట చాలా మంచిది.

యాపిల్ తినడం వలన కలిగే ప్రయోజనాలు - apple benefits

  యాపిల్ లో మంచి విటమిన్స్ ఉన్నాయి . ఒక యాపిల్ లో ఒక మిల్లీగ్రాము ఇనుము. పద్నాలుగు మిల్లీగ్రాముల ఫాస్ఫరస్ , పది మిల్లీగ్రాముల కాల్షియం మరియు A విటమిన్ కూడా ఉన్నది. ప్రతిరోజు ఒక యాపిల్ తినడం వలన ఆరోగ్యంగా ఉండవచ్చు.

 * యాపిల్ రక్తక్షీణతని నివారిస్తుంది. రక్తక్షీణత కలవారు రోజుకి మూడు యాపిల్స్ తీసుకొవడం చాలా మంచిది.

 *  మలబద్దకం నివారణ అవుతుంది. శరీరంకి కావలసినంత బలం ని ఇస్తుంది.

 *  రక్త,బంక విరేచనాలు అవుతున్నవారు యాపిల్ జ్యూస్ తీసుకొవడం వలన అందులో ఉండే పిండిపదార్ధాలు విరేచనాలు లొని నీటిశాతాన్ని తగ్గించడం వలన విరేచనాలు తగ్గుతాయి . యాపిల్ ముక్కలని ఉడికించి తీసుకుంటే ఇంకా మంచిది.

 *  చంటిపిల్లలకు విరేచనాలు అవుతున్నప్పుడు ఒక చెంచా యాపిల్ జ్యూస్ ఇవ్వడం వలన విరేచనాలు కట్టుకుంటాయి.

 *  యాపిల్ జ్యూస్ లో యాలుకలు , తేనే కూడా కలుపుకుని తీసుకుంటూ ఉంటే కడుపులో మంట ప్రేగుల్లో పూత , అజీర్తి , గ్యాస్ట్రబుల్ , పుల్లనితేపులు , గుండెల్లో మంట నివారించబడును.

 *  యాపిల్లో కాల్షియం ఎక్కువగా ఉండటం వలన మరియు పొటాషియం ఎక్కువుగా ఉండటం వలన బీపీ తో పాటు అన్ని హృదయవ్యాధులు , మూత్రపిండాల వ్యాధులు నివారించబడతాయి. మూత్రపిండాలలో రాళ్లు ఉన్నవారు రోజు యాపిల్ జ్యూస్ తాగుతుంటే రాళ్లు కరిగిపోతాయి .

 *  తరచుగా యాపిల్ తింటూ ఉంటే తరచుగా వచ్చే జ్వరాలు అరికడతాయి.

 *  పక్షవాతం , నాడీసంబంధ వ్యాధులు కలవారికి మెదడు వ్యాధులు కలవారికి యాపిల్ చాలా మేలు చేస్తుంది .

 *  రోజు యాపిల్ జ్యూస్ సేవించడం వలన కడుపులో మంట, మూత్రంలో మంట ఉండదు.

 *  కామెర్ల వ్యాధి సోకినప్పుడు వీలయినంత ఎక్కువ యాపిల్ రసాన్ని తాగుతుంటే లివర్ ని సంరక్షిస్తుంది.

 *  యాపిల్ కి కఫాన్ని తగ్గించే గుణం కూడా ఉంది. జలుబు , దగ్గు , ఆయాసం వీటిని నివారిస్తుంది.

 *  యాపిల్ జ్యూస్ లైంగిక శక్తిని పెంచుతుంది . నీరసాన్ని , అలసటని రానివ్వదు.

 *  యాపిల్ ముక్కలుగా కోసి ఉడికించి రోజు తింటూ ఉంటే బొల్లిమచ్చలు నివారణ అవుతాయి. శరీరం కాంతివంతం అవుతుంది.

 *  యాపిల్ చెట్టు యొక్క వ్రేళ్ళ రసాన్ని తాగితే కడుపులో ఏలికపాములు నివారణ అగును.


  గమనిక  -

       షుగర్ వ్యాధిగ్రస్తులు మాత్రం యాపిల్ తీసుకోరాదు .

ముక్కు తెగినప్పుడు సుశ్రుతాచార్యుడు శస్త్రచికిత్స చేసిన విధానం - susrutha vaidya vidanam

ముక్కు తెగినప్పుడు సుశ్రుతాచార్యుడు శస్త్రచికిత్స చేసిన విధానం -

      చెట్టుయొక్క ఆకుని తీసి తెగియున్న ముక్కుభాగమును సరిగ్గా కొలతపెట్టి అంతప్రమాణం గల చర్మమాంసములు తో కూడిన పోరని దగ్గరగా ఉండు చెక్కిలి భాగం క్రిందనుండి మీదకి కోసి మీదభాగం పట్టు ఉండునట్లు ఉంచి ఆ పొరని ముక్కు యొక్క మొదలు వరకు పదునైన అంచుతో శస్త్రం తో గీచి రక్తం స్రవించునట్లు చేసి దానితో అంచులని అతికించి నాసారంధ్రములకు రెండింటికి తేలికైన గలగడ్డితో చేసిన గొట్టములని దూర్చి పైన ముక్కుయొక్క ఆకారంనకు సరిగ్గా ఆ కండపోరని సర్ది అప్రమత్తముగా , శీఘ్రముగా మీదకి ఎత్తి సూత్రాదులతో ( దారాలతో ) చక్కగా బంధనం చేసి దానిపైన రక్తచందనం , యష్టిమధూకం , రసాంజనం వీని చూర్ణంని చల్లి ఆ పైన తెల్ల దూదిపింజతో కప్పి నువ్వులనూనెని మాటిమాటికి వేసి తడుపుచుండవలెను . మరియు ఆ రోగికి జీర్ణం అయ్యేంత తగినంత నెయ్యిని త్రాగించి కొంచం స్థిమితపడిన తరువాత శాస్త్రానుసారం విరేచనం చేయించవలెను.

          ఇలా చేయుచూ చక్కగా ఆ పోర అతుకుకున్న తరువాత అంతకు ముందు కొంచం పట్టు ఉంచిన కండ భాగాన్ని ఛేదించవలెను . ఇలా చక్కగా అతుకుకొనిన తరువాత కొంచం కృశించి ఉన్నచో ఆ భాగం నకు వెనక చెప్పిన తైలాది చికిత్సలను అనుసరించి ఆ భాగం పెరుగునట్లు చేయవలెను . ఒకవేళ అక్కడ మాంసం ఎక్కువుగా వృద్ధిచెంది యున్నచో సమముగా ఉండునట్టి ఉపాయం జూచి తగ్గించి  సరిచేయవలెను . ఒక్కోసారి లలాటభాగం నందలి మాంసపుపొర కూడా కోసి అతకవలసి యుండును.

       ఈ విధముగా సుశ్రుతాచార్యుడు శస్త్రచికిత్సలు కడు ఉపాయంతో సులభంగా చేసేవారు.

Hot & cold foods:

Hot & cold foods:


Apples- cold
Chikoo-cold
Lemon- cold
Cabbage- cold

Onion- cold
Bhendi, Okra- cold
Beet- cold
Cucumbers- cold
Watermelons- cold


Orange- hot
Mango- hot
Ginger, Garlic- hot


Potatoes- hot

Karela- hot

Carrot- cold
Radish- cold
Spinach- cold
Tomato- cold
Kothmir, Pudina- cold

Chillies- hot
Corn- hot
Methi- hot

Brinjal- hot
Gavar(cluster beans)- hot

Saunf(Fennel seeds)-cold
Cardamom- cold

Papaya- hot
Pineapple-hot

Pomegranate-cold
Sugarcane juice- cold
Coconut water- cold

Honey- hot

Panchamrit
(curd,milk,ghee,honey,
sugar)- cold
Salt- cold
Moong Dal- cold

Toor Dal- hot
Chana Dal- hot
Jaggery- hot
Sesame seeds- hot

Peanut, Almonds, Cashews, Walnuts, Dates- hot

Turmeric- hot
Tea- hot

Coffee- cold

Paneer-hot

Drumstick- cold
Jowar- cold

Bajra- hot
Nachani- hot
Ice cream- hot

Shrikhand, Mango Shrikechand- hot

All refrigerator items- hot
Refrigerator water-hot

Water in earthen pot-cold

Castor oil- very cold
Tulsi - cold, Tulsi seeds- very cold
Sabja seeds- cold cold
Raisin- cold

Bread, Khari, biscuits- hot
All hot drinks- hot
All cold drinks- hot

In summer eating more naturally cold items will considerably lesson the summer heat in our body & keep us cool.

Please send to all your relatives & friends.

ఆయుర్వేదం నందు ఔషదములు గ్రహించు ప్రాచీన పద్దతులు - cleaning kriyas in ayurveda

ఆయుర్వేదం నందు ఔషదములు గ్రహించు     ప్రాచీన పద్దతులు  -

 ఆయుర్వేదం లొ ఔషధసేవన అన్నది 5 పద్ధతులలో తీసుకొవడం జరుగుతుంది. ప్రాచీన గ్రంధాలలో ఈ పద్దతులు వివరించడం జరిగింది. వాటి గురించి మీకు వివరిస్తాను.     అవి

 1 -  స్నేహన విధి .
 2 -  స్వేద విధి .
 3 -  వమన విధి .
 4 -  విరేచన విధి .
 5 -  నస్య విది.

 * స్నేహన విధి  -

    తైలాధులను లేపనం చేయుట . చరుముట, రాచుట మొదలయినవి. దీనికి లేపనం అని పేరు కలదు.

 * స్వేద విధి  -

    బాగా చెమట పట్టునట్లు ఔషధాలను వేడి నీటి యందు వేసి ఆ వేడినీటి యెక్క ఆవిరి పట్టుట. దీనిని కుంభ సేకం అనే పేరు కలదు. దీనిని ఆంగ్లమున "టర్కిష్ బాత్ " అని అంటారు.

 * వమన విధి  -

    వాంతి అగునట్లు ఔషధాలను పుచ్చుకొనుట .

 * విరేచన విధి  -

    భేదికి ( విరేచనం అయ్యే ఔషదం ) పుచ్చుకొని జీర్ణాశయం ని శుద్ది పరచుట.

 * నస్య విధి  -

    కొన్ని మూలికల రసమును నాసికా రంద్రముల యందు పోయుట.

    పైన చెప్పినవి పంచకర్మములు  ఇంకా కొన్ని పద్ధతుల ద్వారా కూడా ఔషధాలను ఇచ్చే విధానాలు ఉన్నాయి . ఇవి ఎక్కువుగా చరక సంహిత , చక్రదత్త, సారంగధార సంహిత, అష్టాంగా హృదయము మొదలయిన ప్రాచీన గ్రంధాల యందు కలవు. వాటి గురించి మీకు వివరిస్తాను.

 * అంజనము  -

  కొన్ని వస్తువుల సముదాయం చేత చేసినట్టి మాత్రను గాని , లేక మూలికల రసం గాని , తైలాధులను గాని , నవనీతం గాని నేత్రముల యందు ఉంచుట ఇదే కలికము లేక అంజనము అంటారు.

 * గండుషము  -

   ఏదేని వస్తువులను వేసి నానబెట్టిన జలముతో పుక్కిలించుట .

 * వస్తి శోధనము  -

   నాళము ద్వారా జలమును గుదస్థానము నందు ప్రవేశింప చేసి మలశోధనము చేయుట . ఇందువలన మలకోశము శుద్ది అగును. పొత్తి కడుపు పలచన అగును. ఇది హట యోగుల యొక్క షట్కర్మలు లలొ ఒకటై ఉన్నది. ఆంగ్లము నందు దీనిని "ఎనిమా " అందురు.

 * నాళికా శోధనము  -

   చిమ్మన గ్రోవి ద్వారా జలమును యొనిస్థానము , కర్ణ రంధ్రము వీని యందు ప్రవేశింప చేసి మలినము వెలికి తీసి శుద్ది చేయుట . ఇది వస్తి శొధనము నందు ఒక బేధము . దీనిని వస్తి పీడనము అని చెప్పెదరు.

 *  ముఖ నిక్షిప్తము  -

   అతిమధురము, కరక్కాయ బెరడు మొదలగు వస్తువులను పుక్కిట యందు ఉంచుకుని ఆరసమును మింగుట .

 * నిబంధనము   -

   గడ్డలు మొదలగు వానికి బియ్యపు పిండి లేక మూలికలు ఉడకబెట్టి కట్టుట.

 * బంధము   -

   గాయములు కలిగినప్పుడు లేక అవయవములు  స్థానము దప్పినను , విరిగినను, బద్ధపెట్టి కట్టుట దీనిని అంగ్లము నందు "బ్యాండేజ్ " అంటారు.

 *  మర్దనము  -

   తైలాధులను వ్యాధిగల స్థలము నందు లేపనము చేసి చేతితో పట్టుట . దీనిని ఆంగ్లము నందు "మసాజ్ " అంటారు.

 *  తాపనము   -

     వ్యాధి బాధ గల చోట ఇసుక, తవుడు, ఆకులు మొదలగు వానిని వేయించి గుడ్డలో మూటకట్టి కాని లేక వేడి నీళ్ళని గాజు బుడ్డియందు ఉంచి కాని కాపడం పెట్టుట .

 *  లేపనము  -

       తలనొప్పి, గడ్డ, మొదలయిన వాటికి పట్టు వేయుట .

 *  అభ్యంగనము   -

        తైలము , మూలికల రసము , జంభిఫల రసము ( నిమ్మకాయ ) , లాంటి కొన్ని స్నేహ వస్తువులను తలకు రాచుకొని స్నానం చేయుట .

 *  చూర్ణము   -

       పదార్ధాలను చక్కగా దంచి వస్త్రగాలితం చేసుకొనుట ( వస్త్రము నందు జల్లెడ పట్టుట ).

 *  కల్కము  -

      ఔషద యోగముల యందు చేర్చుట కొరకై కొన్ని వస్తువులు చేర్చిన సముదాయము ఇదే కల్కద్రవ్యము .

 *  ఘటిక  -

    ఔషద వస్తువులను నూరి చిన్న చిన్న మాత్రలుగా చేసి ఎండలో నుంచి గాని లేక నీడలో ఉంచిగాని ఎండబెట్టుట . దీనినే వటకం , మాత్ర , గుళిక అని చెప్పెదరు.

 *  రక్త మొక్షనము  -

     శరీరం నందు ఎచ్చట నైనా గడ్డలు మొదలయినవి కలిగినపుడు హస్త , పాదాల యందు రక్తము హెచ్చుగా నుండినప్పుడు మూలికాదులను కట్టి గాని లేక జలగలను కరిపించి గాని లేక సలాకు ( పదునైన వస్తువు ) తో గాని పొడిచి రక్తము తీయుట .

 *  ధూమ పానము  -

     కొన్ని మూలికలను చేర్చిన చుట్టను గాని లేక మూలికాదుల చూర్ణం ని నిప్పు పైన వేసి ఆ పొగను గాని వేము మొదలగు కొయ్యలను గాని పీల్చుట .

 * ధూప వర్తి  -

     మూలికాదుల రసమున తడిపి ఎండించిన గుడ్డను వత్తిగా చేసి కాల్చి ముక్కుతో పీల్చుట .

 *  ధూపము  -

       సాంబ్రాణి లేక మరికొన్ని ఇతర వస్తువులను పొడిచేసి నిప్పు మీద వేసి ఆ పొగను శరీరం పైన సోకించుట .

 *  ఆఘ్రణము   -

       కొన్ని వస్తువులను వాసన చూడుట .

 *  పోట్టణం   -

        ఏదేని మూలికలను ఆకుల యందు చుట్టి కుంపటి లొ గాని , కుమ్ములో గాని ఉంచి ఉడికించి తీసుకొనుట . ఇది పుటపాక బేదము .

 *  పుట పాకము   -

       మూలికాదులను ఆకులలో చుట్టి కుమ్ములలో నుంచి తీసి వాని యెక్క రసము పిండు కొనుట.

 *  పిష్టపాకము   -

      ఏదేని మూలికలను రోటిలో వేసి దంచి ఆవిరి మీద పెట్టి ఉడికించి తినుట.

 *  చిక్కాన పాకము   -

       లేహ్యాధులను ఉండచేసినప్పుడు అందు పల్లము పడిన యెడల దానిని చిక్కాన పాకము అనబడును . అనగా ఔషధమును చేతితో తీసీ ఉండ చేయునప్పుడే చేతికి అంటుకోను పాకము .

Auyerveda Tea

Auyerveda Vata Tea
1/4 teaspoon fresh ginger, grated
1/4 teaspoon ground cardamom
1/4 teaspoon cinnamon
1/4 teaspoon ajwan
1 cup water

Boil the water and add the spices. Turn off the heat and let sit for a few minutes. Sweeten with honey or brown sugar according to taste. Very calming for vata types
--------------------------------------
Auyerveda Pitta Tea
1/4 teaspoon cumin
1/4 teaspoon Coriander
1/4 teaspoon fennel
1/4 teaspoon rose petals
1/4 teaspoon fresh cilantro
1 Cup water

Boil the water and add spices. Turn off the heat and cover. Let stand for 5 minutes. Strain And sweeten according to your constitution. Stimulates digestion. Very calming for pitta types.                 
-------------------------------------
Auyerveda Kapha Tea
1/4 teaspoon dry ginger
1/3 teaspoon ground clove
1/4 teaspoon dill seed
1/4 teaspoon fenugreek seed
1 cup water

Boil the water and add the spices. Cover, turn off the heat and let sit a few minutes. Very calming for kapha types.                   

మన పండుగల గొప్పతనం history of indian festivals

ఉగాది:- కష్టము,సుఖము,సంతోషము, బాధ ఇలా అన్నింటిని స్వీకరించాలని.

శ్రీరామ నవమి:- భార్య - భర్తల  అనుబందాన్ని గొప్పగా చెప్పుకోవడానికి.

అక్షయ తృతీయ:- విలువైన వాటిని  కూడబెట్టుకోమని.

వ్యాస (గురు)పౌర్ణమి :-  జ్ఞానాన్ని అందించిన గురువును మరువొద్దు అని.

నాగుల చవితి;- ప్రాణాల్ని తీసేదయిన సరే తోటి జీవులను ప్రేమగా అధరించమని.

వరలక్ష్మి వ్రతం :-  నీకున్న ఐశ్వర్యమును అందరికి పంచుతూ, అందరితో కలిసి సంతోషంగా ఉండమని.

రాఖీ పౌర్ణమి:- తోడబుట్టిన బంధం ఎప్పటికి విడరాదు అని.

వినాయక చవితి ( నవరాత్రులు ) :- ఊరంతా ఒక్కటిగా కలవడానికి.

పితృ అమావాస్య :-   చనిపోయిన వారిని  ఎప్పటికి మరువకు అని చెపుతూ.

బతుకమ్మ :- ఊళ్లోని వాళ్లంతా ఆట పాటలతో కలిసిపోతూ సంతోషంగా గడపమని.

దసరా ( ఆయుధ పూజ)  :- ఎప్పుడు నీకు అండగా  నిలిచి నీ పనులు చేసే దానిని గౌరవించమని తెలిపేది.

దీపావళి :- పది మందికి వెలుగు చూపే జీవనం నీదవాలని.

కార్తీక పౌర్ణమి :-  చలికాలం చన్నీటి స్నానం చేసి ఇంద్రియములను గెలువమనెడి.

సంక్రాంతి :-  మనం జీవించే ఉన్నాము అంటే కారణం వ్యవసాయం అలాంటి దానిని మరువకుండా సంబరాలు జరుపమని.

మహా శివరాత్రి :- కాలం మారుతోంది నీ శరీరాన్ని నీ అదుపులో ఉంచుకో అని.

కామదహనం:-  కోరికలు తగ్గించమని.

హోలీ :-  వివిధ రంగుల వలెనున్న వివిధ మనుషులు ,వివిధ అనుభూతులను పిల్లా పెద్ధ అందరూ కలిసి సంతోషంగా ఆస్వాదించమని.......💐💐💐

పండ్లరసాలు వాటి ఉపయోగాలు - fruits juices benefits

 * కాకరకాయ  -

    కాకరకాయ రసం రక్తాన్ని శుద్ధిచేస్తుంది. ఇది ఆకలిని పెంచుతుంది. పేగులలో ఉండే పురుగులకు నిర్మూలిస్తుంది. మూలశంఖ నుండి విశ్రాంతినిస్తుంది. ఇది డైయూరిటిక్ అవడం వలన మూత్రపిండాలలో మంటని తగ్గిస్తుంది. మూత్రపిండాలలో రాళ్లని కరిగిస్తుంది. ఇది మధుమేహా వ్యాధిగ్రస్తులకు చాలా ఉపయోగకరం. కీళ్లవాతం, కామెర్లతో బాధపడేవారు ఖాళీ కడుపుతో ఈ కాకరకాయ రసం తీసుకోవడం మంచిది .
* వెల్లుల్లి  -

         వెల్లుల్లి చాలా శక్తివంతమైన యాంటిసెప్టిక్. వెల్లుల్లి రసాన్ని అంతే మొత్తంలో నీరుకి కలిపి తీసుకుంటే కలరా క్రిములు నశిస్తాయి. వెల్లుల్లిని టైఫాయిడ్ నిరోధించడానికి వాడవచ్చు . దీనిలో ఉండే సల్ఫాయిడ్ నూనె ముఖ్యమైనది. శ్వాసవ్యాధులకు , న్యుమోనియా సమస్యలకు ఇది అద్భుతమైన మందు. న్యుమోనియా లక్షణాలు అయిన టెంపరేచర్ , శ్వాస , నాడి అవకతవకలను కేవలం ఏడు రోజులలోనే వెల్లుల్లి రసం వాడటం వలన మాములు స్థితికి తేబడ్డాయి.

              ఎటువంటి కడుపుబ్బరానికి అయినా , పక్షవాతం , శరీరం మొత్తం పట్టేయడం , గుండె సమస్య , కడుపునొప్పి , ఎన్నో రోగాలను నయం చేస్తుంది . బ్రాంకైటిస్ వ్యాధిలో వెల్లుల్లి చాలా అద్భుతంగా పనిచేస్తుంది . కొంతమంది వైద్యులు వెల్లుల్లిని క్షయవ్యాధి చికిత్సలో భాగంగా సూచిస్తున్నారు. వెల్లుల్లి శ్లేష్మాన్ని బయటకి పంపుతుంది. నిద్రని కలిగిస్తుంది . జీర్ణశక్తిని అభివృద్ధిపరుస్తుంది. బరువు పెరగడానికి సహాయపడుతుంది.

               పేగులలో ఉండే ఇన్ఫెక్షన్ సమస్యను నిరోధించి పేగులకు జీవం ఇస్తుంది. అజీర్ణం , జీవరసాలు మెల్లగా ప్రవహించడం , గ్యాసుకి అద్భుతమైన మందు. దీర్ఘకాలిక విరేచనాలు వంటి దీర్ఘకాలిక ప్రేగు వ్యాధులను అదుపుచేయడం లో మంచిఫలితాలు వస్తాయి.

        పుండ్లు , అల్సర్లు కుళ్ళిపోకుండా ఉండటానికి వెల్లుల్లిని వాడతారు. వీటితోపాటుగా వెల్లుల్లి రసాన్ని ఇన్ఫెక్షన్ కి గురి అయిన పుండ్లు శుభ్రపరచడానికి వాడతారు. చెడు అల్సర్లు కూడా తొందరగా బాగుపడుతుంది. నొప్పి ఆగిపోతుంది . పుండ్లు , అల్సర్లు డ్రెస్సింగ్ చేయడానికి వెల్లుల్లి రసానికి మూడు భాగాలు నీటితో కలిపి పలచగా చేసి పుండ్లు , అల్సర్ల ను కడగడానికి ఉపయోగించవలెను . గౌట్ , మూత్రపిండాలలో , ఊపిరితిత్తుల్లో రాళ్లు విషయంలో ఉపయోగకరం . ఇది అధిక రక్తపోటును తగ్గించును . చెముడు , చెవిలో పోటు సమస్యలకు ఒక్క చుక్క చెవిలో వేసిన నయం అగును.

 *  క్యాబేజి  -

        గ్యాస్ట్రిక్ , డియోడనల్  అల్సర్లు నయం చేసే విటమిన్ "U " అనే కొత్తరకం విటమిన్ దీనిలో ఉంది . క్యాబేజీని బాగా ఉడికించినప్పుడు అల్సర్ ని నయం చేసే పదార్థం నాశనం అవుతుంది. అంతేకాదు క్యాబేజి తగుపాళ్లలో ఐరన్ కలిగి ఉంటుంది. కాబట్టి రక్తహీనత చికిత్సలో ఉపయోగకరం . ఈ క్యాబేజి రసం కీళ్లవాపు , న్యూరాస్ దేనియా , చిగుళ్ల నుంచి చీము స్రవించుట, అజీర్ణం , రక్తహీనత , దృష్టిలోపం , స్థూలకాయం వంటి పరిస్థితులకు ప్రభావవంతంగా పనిచేయును .

            క్యాబేజి బయటవైపు ఉండు పచ్చని ఆకులు విటమిన్ "A " ను కలిగి ఉంటాయి. లోపలి తెల్ల ఆకులు దీనిని కలిగి ఉండవు. కాబట్టి బయట ఆకులను పారవేయకూడదు. అంతేగాక బయట ఆకులలో ఐరన్ ఎక్కువుగా ఉంటుంది.
పండ్లరసాలు వాటి ఉపయోగాలు  - 4 .

 ద్రాక్షారసం -

     ద్రాక్ష ఎక్కువుగా జనవరి నుంచి మార్చి నెలల మధ్యకాలంలో ఎక్కువుగా లభ్యం అవుతాయి. ద్రాక్షపళ్లు నలుపు , ఆకుపచ్చ , వంకాయ రంగులలో లభ్యం అగును. ఇవి వివిధ ఆకారాలలో , వివిధ పరిమాణాల్లో లభ్యం అగును. చిన్నవాటిలో గింజలు ఉండవు. పెద్దవాటిలో గింజలు ఉంటాయి.

          చరకసంహితలో చరక మహర్షి ఈ ద్రాక్షపళ్ళు గురించి చాలా చక్కగా వివరించారు. ద్రాక్షాపళ్లు మంచి పథ్యముగా , తియ్యగా , శరీరము నందు శాంతము కలిగించే విధముగా ఉండును. గొంతు , చర్మం, జుట్టు, కళ్ళకు సంబంధించిన సమస్యలకు అద్భుతముగా పనిచేయును . ఆకలిని పెంచును. శరీరము నందు మంట, దాహము , జ్వరం , కుష్టు , క్షయ , క్రమం లేని రుతువులు , గొంతు సమస్య , వాంతులు , స్థూలకాయం , దీర్ఘకాల కామెర్లు అనగా హెపటైటిస్ వంటి వాటి మంచి ఔషధముగా పనిచేయును . ఉదరము నందు ఆమ్లతత్వాన్ని తగ్గించును .

           అనేక పురాతన ఆయుర్వేద గ్రంథాలలో యవ్వనాన్ని నిలిపి ఉంచుటకు ముసలితనం తొందరగా రానివ్వకుండా ఉంచుటలో ద్రాక్ష అద్భుతముగా పనిచేయును అని రాసి ఉంది. ఇవి మంచి పోషకాలను కలిగి ఉంటాయి. గ్యాస్ సమస్య కూడా తగ్గిపోవును . ద్రాక్షపళ్లు యూరిక్ సమస్యలు , మూత్రకోశములో మండుతున్న అనుభూతి , మూత్రపిండాలలో రాళ్లు నుండి మంచి ఉపశమనాన్ని కలిగించును.

                 ఈ ద్రాక్షపళ్ళు రసాన్ని వైద్యులు ఎక్కువుగా కీళ్ల వాపులు , ఋతుసంబంధ సమస్యలు , రక్తస్రావానికి వాడుతుంటారు. పచ్చి ద్రాక్షపండ్లలో ఎక్కువ ఆమ్లమూలాలు తక్కువ పంచదార ఉంటాయి. కాని పండిన ద్రాక్షపండ్లలో పంచదార మొత్తం గమనించదగినంత పెరిగిపోవును. ద్రాక్షలో ఉండే పంచదారలో గ్లూకోజ్ ఎక్కువుగా ఉండును. ద్రాక్షపండ్లను మిగతాపండ్లను సమాన తూకంలో తీసుకుని చూస్తే ద్రాక్షపండ్లలోనే గ్లూకోజ్ అధికంగా ఉండును. ద్రాక్షపండ్లలో ఉండే గ్లూకోజ్ శరీరంలో తొందరగా కలిసిపోవును. రక్తహీనతతో బాధపడేవారు ద్రాక్షారసం తీసుకోవడం వలన మంచి ఫలితాలు పొందవచ్చు. ద్రాక్షలో ఉండే మాలిక్ , సిట్రిక్ , టార్టారిక్ ఆమ్లాలు రక్తాన్ని శుద్ధిచేస్తాయి. ప్రేగుల , మూత్రపిండాలు చురుకుపరుస్తాయి.

                  ద్రాక్షపండ్లను సహజరూపంలో తీసుకోవచ్చు . కాని వైద్యపరంగా స్వచ్చమైన తాజా రసములో ఎక్కువ విలువలు ఉంటాయి. ద్రాక్షపండ్లు ప్రతినిత్యం తీసుకోవడం వలన మలబద్దకం సమస్య తీరును . మొలల సమస్య కూడా తగ్గుముఖం పట్టును . పిత్తరసం ఎక్కువ అయ్యి ఉదరంలో మండుతున్నట్టు ఉండే భావన శాంతపరచగలిగే శక్తి వీటికి ఉంది.సాధరణ బలహీనత , నిస్సత్తువ , నిలిచిపోయిన బరువు , చర్మం ఎండిపోవుట , దృష్టి డిమ్ముగా ఉండటం వంటి సమస్యలతో బాధపడేవారు ఈ రసాన్ని వాడవలెను.

       ద్రాక్షారసాన్ని కొన్నిరోజులపాటు ఆగకుండా వాడటం వలన అనవసరమైన వేడి శరీరం నుంచి తీసివేయబడింది. శరీరం శుభ్రంగా , చల్లబడును. ద్రాక్షారసం తాగడం వలన రక్తవిరేచనాల లక్షణాలు అన్ని మాయం అవుతాయి. క్యాన్సర్ నయం చేస్తుంది. రక్తహీనత వలన బాధపడేవారు ప్రతినిత్యం 300 మి.లీ ద్రాక్షరసం తీసికొనవలెను

వరసగా వచ్చు ఎక్కిళ్లు హరించుటకొరకు అద్భుత యోగం - ekkillu

* నల్లేరు కాడలు తెచ్చి కుమ్ములో ఉడకబెట్టి రసముపిండి ఆ రసము 5ml , తేనే 5ml కలిపి పూటకొక సారి రోజూ రెండుసార్లు తీసుకున్న యెడల ఎక్కిళ్లు హరించును

 * నెమలిపింఛం కాల్చి మసిచేసి ఆ మసి , తేనె , తమలపాకులరసం సమభాగములుగా కలిపి పూటకు 5 గ్రాములు చొప్పున రోజుకి మూడుపూటలా ఇచ్చుచుండిన యొడల ఎక్కిళ్లు హరించును .

జలాండము (HYDROCELE ) నివారణా యోగాలు -

* కొబ్బరికోరు ఆముదములో వెచ్చచేసి కడుతున్న చాలాకాలం నుంచి ఉన్న బుడ్డలు కూడా హరించును .

 *  మిరియాలు , ఉలవలు , తెలకపిండి వీటిని సమాన భాగాలుగా నూరి వెచ్చచేసి కట్టిన బుడ్డలు తగ్గును.

 *  గచ్ఛ ఆకు వేడిచేసి కట్టుచున్నను బుడ్డలు హరించును .

 *  ఉలవలు , వెల్లుల్లి , ఇంగువ, గచ్ఛపప్పు వీటిని సమపాళ్లలో నలగగొట్టి కషాయము కాచి నేతితో సేవించుచున్న బుడ్డలు తగ్గును.

 *  గచ్చ చిగుళ్లు ఆముదముతో వేడిచేసి బుడ్డలపైనా వేసి కడుతున్న బుడ్డలు తగ్గును.

 *  సైన్ధవ లవణం పది గ్రాములు , జిల్లేడు ఆకులు ఇరవై గ్రాములు తీసుకుని మెత్తగా నూరి అండవృద్ధి పైన లేపనం చేయుచున్న వృషణముల వాపులు హరించి మరలా వ్యాధి రాదు .

 *  ముద్దకర్పూరము , గవ్వపలుకు సాంబ్రాణి రెండింటిని సమాన భాగాలుగా తీసుకుని బాగా నూరి బుడ్డపై పట్టు వేసిన బుడ్డ తగ్గును.

జామకాయ గురించి సంపూర్ణ వివరణ - guava benefits

 జామచెట్టు దక్షిణ అమెరికాకు చెందినది. అయితే ఇప్పుడు ప్రపంచమంతా కనిపిస్తుంది. ఇది ప్రాచీనకాలం నుంచి భారతదేశంలో ప్రజలు ఎంతో ఇష్టపడతారు. ఇది చలికాలంలో తేలికగా లభ్యం అవుతుంది. ఈ జాతిలో తెల్లజామకాయ , ఎర్ర జామకాయ అను రెండురకాలు ఉన్నాయి. తెల్ల జామకాయ ఎర్ర జామకాయ కంటే రుచిగా ఉంటుంది. ఉత్తరప్రదేశ్ లోని ప్రయాగ మరియు వారణాశి లో పండే జామకాయలు గొప్ప ఔషధ గుణాలు కలిగి ఉంటాయి.

 గుణాలు -

         జామకాయ అంగుళికరంగా , వగరుగా , తీపిగా ఉంటుంది. మలబద్ధకాన్ని దూరం చేస్తుంది . శరీరానికి చలువచేయును . పిత్తరసాన్ని ఎక్కువుగా ప్రవహించకుండా నిరోధిస్తుంది. ఇది ఆకలిని పెంచుతుంది . జీర్ణాశయంలో మండుతున్న అనుభూతిని తగ్గిస్తుంది . మానసిక బ్రాంతి , హిస్టీరియాలను నయంచేస్తుంది . దప్పికను తీర్చుతుంది. ఇది పేగులలోని పురుగులను నాశనం చేస్తుంది. ఉన్మాదం నుండి ఉపశమనం ఇస్తుంది.

         జామకాయలో నీటి శాతం - 76.1 % , ప్రోటీన్ - 1.5 %, కొవ్వు - 0.2 % , కార్బో హైడ్రేట్లు - 14.5 % , క్యాల్షియం - 0.01 % , ఫాస్ఫరస్ - 0 .04 % , ఐరన్ - 1 మిల్లీగ్రాముల నుంచి 100 గ్రా , విటమిన్ C - 300 మిల్లీగ్రాముల నుంచి 100 గ్రాముల వరకు ఉంటుంది.

       జామకాయ విటమిన్ C ని ఎక్కువ కలిగి ఉంటుంది. ఈ పండు మగ్గి మెత్తగా అయితే మాత్రం విటమిన్ C తగ్గుతుంది . జామకాయ తొక్క మరియు తొక్కకు దగ్గరలో ఉండే గుజ్జు ఎక్కువ మొత్తంలో విటమిన్ C ని కలిగి ఉంటాయి.

  తీసుకునే విధానం  -

         జామకాయని బాగా నమిలి తినవచ్చు . కాని ఎక్కువ పోషకాలను పొందాలంటే రసం తీసుకోవాలి . ప్రతి 100 ml రసంలో 70 నుంచి 170 మిల్లీగ్రాముల విటమిన్ C ఉంటుంది.

       జామకాయ మలబద్ధకాన్ని మంచి ఔషధముగా పనిచేయును . రక్తములోని మలినాలను తీసివేయును . కుష్టు ఇతరవ్యాధుల చికిత్సలో చాలా అద్భుతముగా పనిచేయును .

అల్లం గురించి సంపూర్ణ వివరణ - ఉపయోగాలు . ginger benefits

 సంస్కృతంలో అల్లమును "విశ్వాఔషధ" అని అంటారు. ఇది వాతాన్ని తగ్గిస్తుంది . జీర్ణకరము , విరేచనకారి , కళ్లు , గొంతుకు మంచిది . దీని విరేచనగుణం వలన పేగులలో పురుగులను నాశనం చేస్తుంది . అలా నాశనం అయిన క్రిములు మూత్రము ద్వారా బయటకి విసర్జించబడతాయి. పేగులకు అల్లం మంచి టానిక్ లాగా పనిచేస్తుంది . దీనిని వాడటం వలన ఇటువంటి సైడ్ ఎఫక్ట్స్ ఉండవు.

         అల్లము నందు విటమిన్ A , మరియు విటమిన్ C , ఫాస్ఫరస్ కొంత మోతాదులో ఉంటుంది. భోజనం తీసుకోవడానికి గంట ముందు చాలా చిన్నమొత్తంలో మినరల్ సాల్ట్ , నిమ్మకాయ రసం కొన్ని చుక్కలు , నాలుగు స్పూనుల అల్లం రసం కలిపి లోపలికి తీసుకుంటే ఆకలిని అద్భుతముగా పెంచును. గ్యాస్ సమస్య కూడా పరిష్కారం అగును. దగ్గు , జలుబు , రొంప మొదలయిన సమస్యలతో బాధపడేవారు అల్లం వాడటం వలన సమస్య నుంచి తొందరగా బయటపడతారు. గుండెజబ్బు ఉన్నవారు తరచుగా అల్లం వాడటం చాలా మంచిది . అన్ని రకాల ఉదరవ్యాధులకు అల్లం చాలా మంచి పరిష్కారం చూపిస్తుంది.

           అల్లం రసం ప్రతినిత్యం తీసుకోవడం వలన మూత్రసంబంధ సమస్యలు , కామెర్లు , మూలశంఖ , ఆస్తమా , దగ్గు , నీరుపట్టడం వంటి సమస్యలు త్వరగా నయం అగును. ఔషధాలు సేవిస్తూ అల్లంకూడా వాడటం వలన త్వరగా ప్రయోజనం చేకూరును . ఆయుర్వేదం ప్రకారం అల్లాన్ని ప్రతినిత్యం తీసుకోవడం వలన గొంతు , నాలుక సంబంధ సమస్యలకు అద్భుతముగా పనిచేయును . తీవ్రమైన తలనొప్పితో బాధపడుతున్నప్పుడు అల్లంరసం ముక్కులో వేయుచున్న తలనొప్పి తగ్గును. పంటినొప్పితో బాధపడుతున్నప్పుడు పంటిపైన అల్లం ముక్కతో రుద్దిన నొప్పి తగ్గును. సైనసైటిస్ నుంచి కూడా విముక్తి లభించును.

బొప్పాయి గురించి సంపూర్ణ వివరణ - ఉపయోగాలు . Popeye benefits

బొప్పాయి గురించి సంపూర్ణ వివరణ  - ఉపయోగాలు .

      ఇది పులుపు , తీపి రుచులతో ఉండి దీని రసం చల్లగా ఉంటుంది. ఇది  ఫిబ్రవరి , మార్చి నెలలో మే నుండి అక్టోబర్ నెలలో కాపుకు వస్తుంది. పండు బొప్పాయి కాయ గుండెకు మంచి ఉపయోగకరం . పైత్యాన్ని తగ్గించును . కాలేయానికి ఉపయోగకరం . ప్లీహం పెద్దది అవ్వకుండా కాపాడును . మలబద్ధకాన్ని పోగొట్టును . మూత్రవ్యాధులలో అద్భుతముగా పనిచేయును .

          బొప్పాయికాయలో దాదాపు సగం గ్లూకోజ్ , మిగతాసగం ఫ్రక్టోజ్ ఉండును. మామిడికాయ తరువాత విటమిన్ "A " ఎక్కువ మోతాదులో ఇందులోనే ఉంటుంది. ఇది పక్వానికి వచ్చేకొద్దీ ఇందులో విటమిన్ " C " పెరుగును . మే నుండి అక్టోబర్ మధ్యలో వచ్చే బొప్పాయకాయల్లో పంచదార మరియు విటమిన్ " C " అధికంగా ఉండును. బొప్పాయకాయలో విటమిన్ B1 , B2 మరియు నియాసిన్ అధికంగా ఉండును.

        పచ్చిబొప్పాయకాయ నుండి వచ్చే తెల్లటి సెక్రిపన్ , పాపాయన్ అనే జీర్ణసంబంధమైన ఎంజైము ను కలిగి ఉంటుంది. ఈ ఎంజైమ్ ప్రోటీన్లను జీర్ణం చేయును . పచ్చి బొప్పాయకాయను రసం రూపంలో తీసికొనవలెను . పండిన కాయను సహజరూపంలోనే తీసుకొనవచ్చు . బొప్పాయి కాయను తీసుకోవడం వలన జీర్ణప్రదేశంలో ఉండే రౌండ్ వార్మ్స్ అనే పురుగులను బయటకి పంపును . ఈ రసం కాలేయవ్యాధులను నయం చేయును . రుతుప్రవాహం సరిగ్గా ఉండటానికి సహాయపడును. రక్తవిరేచనాలు , ఆమ్లత్వం , అజీర్ణం, మలబద్దకం వంటివాటికి చాలా మంచి ఔషధముగా పనిచేయును . రక్తహీనతకు కూడా బాగుగా పనిచేయును .

         బొప్పాయి మూత్రం ఎక్కువ అయ్యేలా చేస్తుంది . కావున ఇది మూత్రపిండాల వ్యాధులలో చాలా ఉపయోగకరం . పండిన బొప్పాయి మలబద్దకాన్ని పోగొట్టును . ఆస్తమాకు మంచి ఔషధముగా పనిచేస్తుంది . పచ్చి బొప్పాయికాయలోని తెల్లటి గుజ్జు ముఖంపైన రుద్దుట వలన మొటిమల సమస్య నివారణ అగును. ముఖానికి మంచి వెలుగు తెచ్చును. ముడతలను పోగొట్టును .

  బొప్పాయిరసం శరీరంలో వేడిని పెంచును కావున గర్భిణీలు , జ్వరం ఉన్నవారికి బొప్పాయి ఇవ్వకూడదు. బొప్పాయి ఆకులను బోదకాలు నివారణలో వాడతారు.

గోధుమగడ్డి రసం ఉపయోగాలు - సంపూర్ణ వివరణ - wheat grass benefits

గోధుమగడ్డి రసం ఉపయోగాలు

    అంతకు ముందు పోస్టులో గోధుమగడ్డి ఉపయోగాలు మీకు తెలియచేశాను . ఇప్పుడు గోధుమగడ్డిని పెంచేవిధానం , తీసుకునే విధానం తెలియచేస్తాను .

 * గోధుమగడ్డి పెంచే విధానం  -

           ఇంటి యందు ఖాళీ ప్రదేశం ఉన్నవారు దానిని ఏడు భాగాలుగా విడగొట్టటం లేదా పెద్ద వెడల్పాటి కుండీలు లేదా చెక్కపెట్టెలలో గోధుమగడ్డిని పెంచాలి. ఎరువు సహజమైనది అయి ఉండాలి. రసాయనిక ఎరువులను వాడరాదు. మనం పెంచే కుండీ లేదా చెక్కపెట్టె పరిమాణం ఒక స్క్వేర్ ఫీట్ ఉండాలి. 100 గ్రాముల గోధుమగింజలను ప్రతి కుండీలో నాటాలి . సాధారణంగా 100 గ్రా నుండి 120 గ్రా గోధుమగడ్డి మనం నాటినదాని నుండి వస్తుంది.

                   గోధుమగింజలను నాటే ముందు 12 గంటలపాటు నానబెట్టాలి. వీటిని నీటినుండి తీసి , తడిగా ఉన్న దళసరిగా ఉన్న గుడ్డలో ఉంచాలి. గట్టిగా గుడ్డను మూటకట్టండి. దాని నుంచి మొలకలు వస్తాయి. మొలచిన గోధుమ గింజలను నాటితే గడ్డి యొక్క ఎత్తు వారం రోజులలో 5 నుండి 7 అంగుళాల ఎత్తు పెరుగును . ప్రతి 24 గంటలకు ఒకసారి నీరు చిలకరించండి. కుండీలలో ఎక్కువ నీరు పోయవద్దు. ఇలా పోయడం వలన వాటి పెరుగుదల అడ్డగించబడును. ఇలా 7 కుండీలలో ఒక్కోరోజు నాటండి. మొదటిరోజు నాటబడిన గోధుమ గింజలు గోధుమగడ్డిగా పెరుగును . ఏడొవరోజు నాటికి 7 ఇంచులు ఎత్తుకి పెరుగును . ఈ గోధుమగడ్డిని కత్తెరతో కోయడం లేదా చేతితో తుంచడం చేయండి . కుండీలలో నుండి తీసిన తరువాత మట్టిని తీసి శుభ్రపరిచి ఎండలో పెట్టాలి . మళ్ళీ గోధుమను నాటేప్పుడు కొంచెం సహజ ఎరువును వేయండి . ఒకేసారి ఏడుకుండీలలో నాటవద్దు. ప్రతిరోజూ ఒకదానిలో నాటుకుంటూ వెళ్ళాలి. ప్రతిరోజు వాడుకొవచ్చు.

 *  రసం తీసే విధానం -

            గోధుమగడ్డిని కుండీలలో నుంచి తీసిన తరువాత బాగా కడిగి ఆ తరువాత కొంతనీరు కలిపి బాగా రుబ్బాలి. అలా రుబ్బిన గోధుమగడ్డిని ఒక పరిశుభ్రమైన గుడ్డ యందు ఉంచి పిండాలి. అలా వచ్చిన రసాన్ని తీసుకోవాలి . ఎవరైనా రసాన్ని తాగటం ఇష్టం లేకున్న గడ్డిని నమిలి రసాన్ని తీసుకుని పిప్పిని బయటకి వూయవచ్చు. సాధారణంగా 100 గ్రాముల గోధుమగడ్డి నుండి 5 నుంచి 6 ఔన్సుల స్వచ్చమైన రసం మాత్రమే వస్తుంది. నీరు కలిపి రుబ్బటం వలన కొంత మోతాదు పెరుగుతుంది .

 *  గోధుమగడ్డి రసం తీసుకోవలసిన మోతాదు -

        వ్యాధితో బాధపడుతున్న వ్యక్తి 100 మి.ల్లీ తీసికొనవలెను. కాని ఒకేసారి తీసుకొకూడదు. మొదట 25 మి మి .లీ నుండి ప్రారంభించి 50 మి.లీ అటు తరువాత 100 మి.లీ వరకు పెంచుకుంటూ వెళ్ళాలి. పాత మరియు దీర్ఘకాలిక వ్యాధులు ఉన్నవారు 250 మి.లీ నుంచి 300 మి.లీ వరకు రోజు మొత్తం తీసుకోవాలి. వేడి చేయు గుణం ఉండటం వలన వేడి శరీరం ఉన్నవారు తక్కువ మోతాదులో తీసుకోవడం మంచిది .

                   గోధుమగడ్డి నుండి రసం తీసినవెంటనే రసాన్ని తీసుకోవాలి . ఒకేసారి మింగకుండా కొంచంకొంచం తీసికొనవలెను . రసాన్ని ఎక్కువసేపు నిలువ ఉంచితే పోషకాలు కోల్పోవును . రసం తాగుటకు గంట ముందు గాని తాగిన గంట వరకు కూడా ఎటువంటివి తినటం గాని తాగటం కాని చేయకూడదు .

 *  గోధుమగడ్డి రసాన్ని తీసుకునే ముందు గమనించవలసిన విషయం  -

           గోధుమగడ్డి రసాన్ని మాత్రమే తీసుకోవాలి అనుకునే వారు ఒకటి రెండు రోజుల ముందు నుంచి ఉపవాసం చేయడం లేదా కేవలం పళ్లరసాలను మాత్రమే తీసుకొనవలెను . ఉపవాసం చేసినతరువాత తీసుకుంటే ఒంటికి తొందరగా పడుతుంది. మొదట చిన్న మోతాదులో తీసుకొవడం మొదలుపెట్టి మెల్లగా మోతాదు పెంచుకుంటూ వెళ్లవలెను . కొంతమందికి ఈ రసం తీసుకున్నాక డోకు , వాంతులు , జలుబు , విరేచనాలు , జ్వరం రావొచ్చు . ఇలాంటివి అరుదుగా వస్తాయి. భయపడనవసరం లేదు . అటువంటి సమయాలలో రసానికి మరింత మోతాదు నీరు కలిపి పలుచగా చేసి తీసుకోవాలి . పైన చెప్పిన లక్షణాలు అలానే ఉంటే రసం తీసుకోవడం ఆపేసి తగ్గాక మరలా మొదలుపెట్టండి. రుచి కొరకు ఎటువంటి వస్తువులు కలపకూడదు.

పాలు యొక్క ఉపయోగాలు - సంపూర్ణ వివరణ . benefits of cow milk

 పాలు సంపూర్ణ ఆహారం . ఆరోగ్యముగా ఉన్న ఆవు నుంచి అప్పుడే తీసిన ఆవుపాలు అమృతతుల్యమైనవి. ఈ పాలు తేలికగా ఉండి త్వరగా జీర్ణం అవుతాయి. కడుపుబ్బరం , పైత్యం , దగ్గును నయం చేయును . ఆవుపొదుగు నుంచి తీసిన పాలను వెంటనే నిలువ ఉంచకుండా తాగవలెను లేదా వేడిచేసి తాగవలెను. శుభ్రతలేని పరిసరాలలో పాలు తీసినప్పుడు ఆ పాలను మరగకాయాలి.

         ఆవుపాలను ఇతర ఆహారంతో కలిపి ఎప్పుడూ తీసుకోకూడదు . పాల యొక్క పోషకాలను గరిష్టంగా పొందాలి అంటే ప్రతినిత్యం తీసికొనవలెను. పాలను ఎక్కువ మొత్తములో తీసుకుంటే అందులోని క్యాల్షియం , ఇతర ఖనిజ లవణాలు ఉదరములోని ఆమ్లతత్వాన్ని అడ్డుకొని ఒకరకమయిన ఎంజైము ఉత్పత్తిని తగ్గించును . కడుపు మంచిగా తయారగును. పాలలో ఉండే లాక్టిన్ పేగుల్లోకి డైరెక్టుగా ప్రవేశించి బ్యాక్టీరియా చురుకుదనాన్ని తగ్గించును . కేవలం ఒక శాతం లాక్టోస్ బ్యాక్టిరియాను అడ్డుకుంటుంది.

             ఆవుపాలల్లో క్యాల్షియం ఫాస్పెట్ , పొటాషియం ఫాస్పెట్ , సోడియం క్లోరైడ్ , పొటాషియం క్లోరైడ్ , ఐరన్ ఫాస్ఫెట్ , మాంగనీస్ ఫాస్పెట్ ఉంటాయి. విటమిన్లు A , B , C , D , E , O కూడా పాలలో ఉంటాయి. పాలలో ఉండే ప్రొటీన్ కి బయోలాజికల్ విలువ బాగా ఉండి తేలికగా జీర్ణం అగును. శరీరానికి అవసరమయిన ఎమినో ఆమ్లములు దీనిలో ఉన్నాయి . ఐరన్ శాతంకూడా పాలలో లభించును.

      పాలను ఎప్పుడూ గటగటా తాగకూడదు కొంచం కొంచం చప్పరిస్తూ తాగవలెను. ఇలా చేయడం వలన లాక్టోస్ లాలాజలంతో కలిసి అది జీర్ణం అవ్వడం అక్కడి నుంచే మొదలగును. పాలు ఎక్కువుగా బాలురు , వృద్ధులు , శరీరం క్షీణించినవారు , ఆకలిచే కృశించినవారు , సంగమం వలన అలసట చెందినవారు. పాలు సేవించిన త్వరగా కోలుకుందురు. పంచదార లేదా పటికబెల్లం పాలతో కలిపి సేవించిన శుక్రవృద్ధికరము , బెల్లముతో కలిపి పాలు సేవించుచున్న మూత్రకృచ్చ రోగమును పోగొట్టును . మూత్రకృచ్చ రోగం అనగా మూత్రం బొట్లుబొట్లుగా పడుచూ తీవ్రమైన బాధ కలిగి ఉండు రోగం .

             ప్రతినిత్యం రాత్రి సమయముల యందు పాలు తాగుచున్న యెడల అనేక దోషములను పోగొట్టును . పాలు ఎప్పుడూ భోజన సమయానికి రెండు గంటల వ్యవధితో తాగవలెను . లేక భోజనం తినకుండా పాలు సేవించవచ్చు . పాలలో ఎప్పుడూ అన్నం కలిపి తినకూడదు. అలా కలిపి తినుచున్న అజీర్ణరోగం కలుగును. రాత్రి సమయము నందు నిద్రపట్టదు.

  పాలను సేవించువారు ఇప్పుడు నేను చెప్పబోవు నియమాలను తప్పక పాటించవలెను.

 *  మంచి రంగు లేక రుచి చెడి , పుల్లగా , చెడువాసనతో గడ్డగడ్డలుగా ఉన్నట్టు పాలను వాడరాదు.

 *  పాలతో ఎల్లప్పుడూ పంచదార , అప్పుడప్పుడు మాత్రం బెల్లం కలిపి మాత్రమే ఉపయోగించవలెను .

 *  పాలల్లో ఉప్పు కలిపి వాడరాదు.

 *  చేపలకూర , మాంసాహారం తిని పాలు , పాలపదార్థాలు సేవించిన కుష్టురోగం కలుగును. ఎండుచేపలు కాని పచ్చిచేపలు కాని పాలతో ఉపయోగించకూడదు.

 *  పుల్లటి వస్తువులు తీసుకున్నపుడు పాలు ఉపయోగించకూడదు .

 *  ఉలవలు , వరిగెలు , కొర్రలు , అనుములు , అడివి పెసలు మెదలైనవి పాలతో కలిపి తినరాదు. ముఖ్యముగా అనుములు మరియు మినుములు తినిన తరువాత పాలు వాడిన అనారోగ్యం కలుగును . ఇడ్లీ , దోశ తినిన తరువాత టీ , కాఫీ సేవించరాదు .

 *  ముల్లంగి భుజించునప్పుడు పాలను దూరం ఉంచవలెను.

        అనారోగ్యముతో బాధపడువారు రాత్రులయందు వేడివేడి గోధుమ చపాతీలు ఆకుకూరలతో గాని , తీపి పదార్థాలతోగాని , పంచదారతో గాని భుజించి కాచిన పాలలో పంచదార కలిపి తాగిన శరీరానికి మంచి ఆరోగ్యం కలుగును. పాల యందు వెన్న అనునది ఆవులు , గేదెలు తిను ఆహారం నుండి పుట్టుచుండును. చిట్టు , పచ్చగడ్డి, పత్తిగింజలు మినపపొట్టు మొదలగునవి తిను పాలు శ్రేష్టము . పల్లపు ప్రాంతపు పశువుల పాలకన్నా మెట్టపు ప్రాంతపు పశువుల పాలు శ్రేష్టము .

         నేను పైన చెప్పినటువంటి పోషకాలు , విటమిన్లు అన్నియు స్వేచ్ఛగా బయట పొలాలలో , అడవులలో తిరిగి గడ్డిమేయు ఆవులపాల యందు లభించును. అవి దేశవాళి ఆవుల పాల యందు అధికంగా పోషకాలు ఉండును.

మనుధర్మశాస్తము నందలి నియమాలు - manu dharma sastra

*  నాభిచ్చేదనకు పూర్వమే మగశిశువునకు జాతకర్మ చేయవలెను . ఆ బాలుని నోటికి మంత్రపూర్వకముగా తేనెను గాని , నేతిని గాని బంగారముతో తాకించవలెను .

 *  బాలునకు పదోవరోజు కాని , పన్నెండోవ దినమున కాని మంచి తిథి యందు , నక్షత్రము నందు , ముహూర్తము నందు నామకరణము చేయవలెను .

 *  బాలికల పేరు సుఖముగా ఉచ్చరించే విధముగా ఉండవలెను . క్రూరమైన అర్ధము లేనిదిగా , స్పష్టమైన అర్ధము కలిగినటువంటిది , మంగళకరం అయినది , దీర్ఘాక్షరం చివర ఉండునది అయి ఉండవలెను .

 *  నాలుగోవ మాసము నందు శిశువును సూర్యదర్శనార్ధనము ఇంటి నుండి బయటకి తీసుకువెళ్ళవలెను. ఆరొవ మాసము నందు అన్నప్రాశనం చేయవలెను . అటుల కుదరనిచో తమ కులాచారమును బట్టి మంగళకరదినము నందు చేయవచ్చు .

 *  చెవులు కుట్టించుట అందరికి మొదట సంవత్సరం నందు గాని మూడొవ సంవత్సరము నందుగాని చేయవలెను .

 *  ఆయువును కోరువాడు తూర్పుముఖముగా , కీర్తికోరువాడు దక్షిణముఖముగా , సంపద కోరువాడు పశ్చిమ ముఖముగా , భుజించవలెను . సత్యమును కోరువాడు ఉత్తరముఖంగా భుజించవలెను .

 *  ఆహారమును పూజించవలెను . తాను తినగా మిగిలినటువంటి ఆహారం మరియొకరికి పెట్టరాదు. మరలా దానిని భుజించకూడదు.

 *  అధికంగా ఆహారంను తినరాదు. అన్నము తినుచూ ఎచ్చటికి వెళ్ళరాదు . అధిక భోజనం ఆరోగ్యభంగమును కలిగించును. ఆయుర్దాయము తగ్గించును .

 *  తల్లివంశమునకు చెందనదియు , తండ్రి గోత్రమునకు చెందనదియు అగు కన్య వివాహమాడదగినది . కపిల వర్ణం కలిగినదియు , అధికాంగములు కలిగినదియు , రోగగ్రస్తురాలును , పరుషపదాలు మాటలాడునదియు , అధికంగా వెంట్రుకలు కలిగినదియు , వెంట్రుకలు లేనిదగు కన్యను వివాహమాడరాదు .

 *  నక్షత్రములు , వృక్షములు , నదులపేర్లు కలిగినటువంటి , పర్వతాదుల పేర్లు , సర్పాదుల పేర్లు , భయంకర నామాలు కలిగిన కన్యను వివాహామాడరాదు.

 *  శుభమును కోరిన తండ్రి , సోదరుడు , భర్త , మరిది మొదలగు వారందరిచేత స్త్రీలు గౌరవించతగి ఉన్నారు . స్త్రీలను పూజించు గృహముల యందు దేవతలు సంతోషముతో నివసిస్తారు. స్త్రీలను గౌరవించని గృహముల యందు ఎన్ని పుణ్యకార్యాలను చేసినను అవన్ని నిష్ప్రయోజనమే .

 *  శునకములకు , పాపులకు , రోగులకు , కాకులకు పరిశుద్ధమైన భూమిపై మాత్రమే భోజనం పెట్టవలెను . ముందుగా అతిథికి భోజనం పెట్టవలెను . పిమ్మట బిక్షువునకు,  బ్రహ్మచారికి పెట్టవలెను .

 *  అతిథికి భోజనం పెట్టకుండా తినరాదు. ఇంటికి వచ్చిన బంధువులకు కూడా ప్రీతితో యధాశక్తి భోజనం పెట్టి సత్కరించవలెను. కొత్తగా వివాహం అయిన స్త్రీలకు , బాలికలకు , రోగులకు , గర్భిణీ స్త్రీలకు అతిధులకంటే ముందుగానే భోజనం పెట్టవలెను .

 *  ఒకే వస్త్రముతో భోజనం చేయరాదు . వస్త్రము లేకుండా స్నానం చేయరాదు . మార్గము నందు మూత్రవిసర్జన చేయరాదు . భస్మము నందు, ఆవుల మందల యందు , పంటపొలముల యందు , నీటి యందు, ఇటుకల పైన, పర్వతము పైన , శిధిలమైన దేవాలయాల నందు , పుట్టయందు మూత్రవిసర్జన చేయరాదు . ప్రాణులు గల గోతుల యందు , నడుచుచు , నిలబడియు , నదీతీరముల యందు మూత్రవిసర్జన చేయరాదు .

 *  అగ్నిని నోటితో ఆర్పరాదు, దిగంబరంగా స్త్రీని చూడరాదు. అగ్ని యందు అశుద్ధపదార్థాన్ని వేయరాదు . నిప్పుని కాళ్లతో తన్నరాదు. సంధ్యాకాలము నందు భోజనం చేయరాదు ,  ప్రయాణించకూడదు . భూమిని కాలితో గీకరాదు,  తన మెడయందలి హారమును స్వయముగా తీయరాదు . అశుచి పదార్థమును , రక్తమును, విషములను నీటియందు కలపరాదు. పాడుబడిన గృహము నందు ఒంటరిగా నిద్రించరాదు . తనకంటే పెద్దవారిని మేల్కొలపరాదు . రజస్వల అయిన స్త్రీతో సంభాషించరాదు. మేయుచున్న ఆవును బయటకి తోలరాదు . వ్యర్థముగా కాళ్ళుచేతులు ఊపరాదు, ఇంద్రధనుస్సును చూడరాదు , వేరొకరికి చూపరాదు . దోసిట్లో నీరు తాగరాదు.తినే భక్ష్యములను తొడమీద పెట్టుకుని తినరాదు. ప్రయోజనము లేని విషయాల గురించి అతిగా ఆలోచించరాదు.

       తరవాతి పోస్టులలో మరిన్ని మనువు ఉపదేశించిన ధర్మసూత్రాలు వివరిస్తాను.

పుల్లటి త్రేపులు మరియు ఆహారం అరగకుండా ఉండు సమస్యకు అత్యంత సులభ పరిష్కారం -

  శొంఠి , మిరియాలు , వేపచెట్టు బెరడు చూర్ణం ఈ మూడింటి చూర్ణాలను సమభాగాలుగా తీసుకుని కలిపి ఒకే చూర్ణంగా చేసుకుని ఉదయాన్నే పరగడుపున 10 గ్రాముల చూర్ణాన్ని ఒక గ్లాసు మంచినీటిలో కలిపి తీసుకున్న పులిత్రేపులు ఆహారం అరగకుండా ఉండు సమస్యలు 40 రోజుల్లొ మాయం అగును.

శరీరంలో రసాదిదోషాలు ప్రకోపించిన ఏయే స్థానాలలో ఏయే వ్యాధులు కలుగునో సంపూర్ణ వివరణ - over acid in body cause these disease

శరీరంలో రసాదిదోషాలు ప్రకోపించిన ఏయే స్థానాలలో ఏయే వ్యాధులు కలుగునో సంపూర్ణ వివరణ  -

 *  రసం దోషం పొందిన కలుగు వ్యాధులు -

    అన్నం మీద ఇష్టం లేకపోవుట, రుచి తెలియకపోవటం, ఆహారం జీర్ణం కాకపోవడం , శరీరం నొప్పులు , జ్వరం, గుండెపీకుట , వాంతి వచ్చునట్లు ఉండటం, ఆహారం తినకపోయినను తినినట్లు ఉండటం , శరీరం బరువు, హృదయ సంబంధ వ్యాధులు , పాండురోగం , శరీరం కృశించటం, అవయవములు కృశించుట, అకాలంలో శరీరం ముడుతలు పడుట, అకాలం నందు జుట్టు నెరియుట వంటి వ్యాధులు కలుగును.

 *  రక్తం దోషం పొందుట వలన కలుగు వ్యాధులు  -

     కుష్టు , విసర్ప, పిడక ,మశక ,నీలిక , తిలకాలకా, నశ్చ , వ్యంగ అను చర్మవ్యాధులు ,  పేనుకొరుకుడు, ప్లీహ సంబంధ సమాస్యలు , విద్రది అను వ్రణం , గుల్మవాతం, శోణిత, క్యాన్సర్ , రక్తపిత్తం వంటి వ్యాధులు సంభంవించును.

 *  మాంసం దోషం పొందుట వలన కలుగు వ్యాధులు  -

     ఆసనము , నోరు , నాలిక పుండ్లు పడుట, మాంసం వృద్ధినొందుట, క్యాన్సర్ కణుతులు, మొలలు , కొండనాలుక వాచుట, ఇగుళ్ళు నొప్పులు , గలగండిక ( టాన్సిల్స్ ) , పెదవులు పుండ్లు పడుట, గొంతు చుట్టూ కణుతులు వచ్చుట, గొంతు వాచుట మొదలైన వ్యాధులు సంభంవించును.

 *  మేథస్సు అనగా కొవ్వు దోషం పొందుట వలన కలుగు వ్యాధులు  -

     శరీరంపై గ్రంథులు లేచుట , అండవృద్ధి, గొంతు వ్రణాలు , క్యాన్సర్ , మధుమేహం , శరీరం లావెక్కుట , అధికమైన చెమట  మొదలయిన రోగాలు సంభంవించును.

 *  ఎముకలు దోషం పొందుట వలన కలుగు వ్యాధులు  -

      ఎముకపై ఎముక పెరుగుట, దంతముల పై దంతము పెరుగుట, ఎముకలపై సూదులతో పొడిచినట్లు అగుట, పిప్పిగొళ్ళు మొలుచుట మెదలైనవి ఎముకలలో దోషం పొందుట వలన కలుగు వ్యాధులు .

 *  మజ్జ దోషం పొందుట వలన కలుగు వ్యాధులు  -

        అజ్ఞానము కలుగుట, మూర్చ వచ్చుట, శరీరం తిరిగినట్లు అనిపించటం, జాయింట్లలో వాపులు , బాధ కలుగుట, కళ్ళకలక మొదలైనవి శరీరంలో మజ్జ దోషం పొందుట వలన కలుగు వ్యాధులు .

 *  శుక్రం దోషం పొందుట వలన కలుగు వ్యాధులు  -

       నపుంసకత్వం ,సంతోషం లేకపోవటం , రోగంతో ఉన్న నపుంసకునకు అల్ప ఆయుర్దాయం , వికృత రూపం కలిగిన సంతానం కలుగుట, గర్భస్రావం మెదలైనవి శరీరంలో శుక్రం దోషం పొందుట వలన కలుగును.

 *  మలము దొషం పొందట వలన కలుగు వ్యాధులు  -

       మలము వెలువరించుటకు అవరోధం కలుగుట, లేదా అధికంగా వెలువడుట, సకాలంలో విరేచనం అవ్వకపోవుట, కడుపులో వికారాలు, చర్మవ్యాదులు సంభవించుట జరుగును.

తీవ్రమైన గ్యాస్ సమస్య నివారణ కొరకు అద్భుత యోగం - for gas trouble

తీవ్రమైన గ్యాస్ సమస్య నివారణ కొరకు అద్భుత యోగం  -

    ప్రస్తుత కాలంలో చాలామంది తీవ్రమైన గ్యాస్ సమస్యతో ఇబ్బంది పడుతున్నారు. దీనికి ప్రధాన కారణం సరైనటువంటి ఆహారం సరైనవేళల్లో తీసుకోకపోవడమే దీనికి ప్రధాన కారణం . ఇప్పుడు నేను చెప్పబోవు ఈ అద్భుత చిట్కా మిమ్మల్ని గ్యాస్ సమస్య నుంచి మిమ్మల్ని అద్భుతంగా బయటపడవేయును.

      వాము  250 గ్రాములు .

      జీలకర్ర  250 గ్రాములు .

      ధనియాలు  250 గ్రాములు .

         మూడింటిని వేరువేరుగా నూనె కాని నీరు కాని వేయకుండా కడాయిలో ఒక నిమిషంపాటు సన్నటి సెగ మీద వేయించి మూడింటిని కలిపి మెత్తటి చూర్ణంగా చేయవలెను . ఆ చూర్ణమును ఒక డబ్బా యందు గాలి పోకుండా నిలువ చేసుకొనవలెను . ఒక గ్లాసు నీటిని బాగా మరిగించి పొయ్యి మీద నుంచి కిందకి దింపిన తరువాత 2 స్పూనుల చూర్ణాన్ని మరిగించిన నీటిలో వేసి మూత పెట్టవలెను కొంచం ఆగి గోరువెచ్చగా అయినతరువాత వడకట్టుకొని తాగవలెను. ఇలా ప్రతి ఉదయం బ్రష్ చేసిన వెంటనే మరియు సాయంత్రం ఆహారానికి గంట ముందు మరలా చేసుకుని తాగవలెను.

            పైన చెప్పిన యోగం 40 రోజులపాటు చేసినచో మీ గ్యాస్ సమస్య సంపూర్ణంగా పోవును . అలాగే ఆహారం తీసికొనుటకు అర్థగంట ముందు చిన్న అల్లం ముక్క కు ఉప్పు అద్ది నోటి యందు ఉంచుకుని రసం మింగుతూ ఉండవలెను . దీనివలన జీర్ణక్రియ మెరుగుపడి ఆహారం సంపూర్ణంగా జీర్ణం అగును.

  అజీర్ణరోగముతో బాధపడువారు పాటించవలసిన ఆహార నియామాలు  -

  పాటించవలసిన నియామాలు  -

      తేలికయిన పాతబియ్యపు అన్నం . పాతబియ్యపు నూకల జావ , బార్లీ జావ , పెసలు , పేలాలు , పెసరకట్టు , మేక మాంసం , చిన్న చేపలు , అల్లం , ఉప్పు , తక్కువ కారం , లేత ముల్లంగి , వెల్లుల్లి , ఉల్లిపాయ , లేత అరటికాయలు , లేత మునగ కాయ , పొట్లకాయ , బీరకాయ , లేత వంకాయ , కాకరకాయ , నక్క దోసకాయ , చుక్కకూర , పెరుగు తోటకూర , పొన్నగంటి కూర , మెంతికూర , ఉశిరికాయ , దానిమ్మ , నారింజ పండు , బత్తాయి , మజ్జిగ , పలచని మిరియాల చారు , తాంబూలం , వేడినీరు , తేనె , చేదు , నూనె పలచటి పదార్దాలు , వగరు , చేదుగల పదార్దాలు తీసికొనవలెను . వ్యాయమం చేయవలెను .

 పాటించకూడనివి  -

       కొత్త బియ్యపు అన్నం , పెద్ద చేపలు , బచ్చలికూర , అధికంగా నీరు తాగరాదు , ఆలస్యముగా జీర్ణం అయ్యే పదార్ధాలు . కంద , పెండలం , చామ , ఆలుగడ్డ , నేరేడు పండ్లు , గోధుమలు , పాలు , పాలతో చేసిన పదార్థాలు , చారపప్పు , జీడిపప్పు , నూనె అధికంగా ఉపయోగించి చేసే పదార్దాలు , వేపుళ్లు , పాతపచ్చళ్లు , ఉడకని పదార్దాలు , ముందు తినిన ఆహారం జీర్ణం కాక మునుపే మరలా తినరాదు . అమిత భోజనం , నిద్ర మేలుకుని ఉండటం , మలమూత్ర నిరోధం . టీ మరియు కాఫీ నిషిద్దం

*ఖాళీ కడుపుతో పండ్లు తినడం* eating fruits with empty stomach

*ఖాళీ కడుపుతో పండ్లు తినడం*

చివరి వరకు చదివి, ఆపై మీ ఇ-జాబితాలోని అందరికీ పంపండి......

డాక్టర్ స్టీఫెన్ మాక్ టెర్మినల్  క్యాన్సర్ రోగులకు *"అన్-ఆర్థోడాక్స్"* పద్దతి ద్వారా చికిత్స చేస్తారు.

చాలా మంది రోగులు ద్వారా మంచి ఫలితాలు సాధించారు.

అతను తన రోగుల అనారోగ్యాలను తొలగించడానికి సౌర శక్తిని ఉపయోగించే ముందు, అనారోగ్యాలకు వ్యతిరేకంగా శరీరంలో సహజమైన వైద్యం మీద నమ్మకం కలిగిస్తారు.

అతని వ్యాసం చదవండి:

క్యాన్సర్‌ను నయం చేసే వ్యూహాలలో ఇది ఒకటి.  క్యాన్సర్‌ను నయం చేయడంలో నా విజయం రేటు 80%.

 క్యాన్సర్ రోగులు మరణించకూడదు.  ఇది నా ధ్యేయం.

క్యాన్సర్ నివారణ ఇప్పటికే కనుగొనబడింది - *మనం పండ్లు తినే విధంగా*

 మీరు నమ్ముతున్నారా లేదా అనేది మీరే గమనించండి.

 *పండ్లు తినడం*

 మనమందరం పండ్లు తినడం అంటే కేవలం పండ్లు కొనడం, కత్తిరించడం మరియు మన నోటిలోకి పాప్ చేయడం.

 ఇది మీరు అనుకున్నంత సులభం కాదు.  పండ్లు ఎలా మరియు ఎప్పుడు తినాలో తెలుసుకోవడం ముఖ్యం.

పండ్లు తినడానికి సరైన మార్గం ఏమిటి?

 *భోజనం తర్వాత పండ్లు తినకూడదు*

 *పండ్లు ఖాళీ కడుపుతో మాత్రమే తినాలి*

మీరు ఖాళీ కడుపుతో పండ్లను తింటుంటే, ఇది మీ వ్యవస్థను నిర్విషీకరణ చేయడానికి ప్రధాన పాత్ర పోషిస్తుంది, బరువు తగ్గడం మరియు ఇతర జీవిత కార్యకలాపాలకు మీకు అధిక శక్తిని అందిస్తుంది.

 ఫ్రూట్ చాలా ముఖ్యమైన ఆహారం ._

మీరు రెండు రొట్టె ముక్కలు తరువాత ఒక ముక్క పండు తింటే.....

పండ్ల ముక్క కడుపు ద్వారా నేరుగా ప్రేగులలోకి వెళ్ళడానికి సిద్ధంగా ఉంది, కానీ పండ్ల ముందు తీసుకున్న రొట్టె కారణంగా అలా చేయకుండా నిరోధించబడుతుంది.

ఈలోగా రొట్టె & పండ్లు పులియబెట్టి మొత్తం ఆమ్లం గా మారుతుంది.

పండు కడుపులోని ఆహారం మరియు జీర్ణ రసాలతో సంబంధంలోకి వచ్చిన నిమిషం, ఆహారం మొత్తం ద్రవ్యరాశి చెడిపోవటం ప్రారంభమవుతుంది.

కాబట్టి దయచేసి మీరు పండ్లను *ఖాళీ కడుపుతో * లేదా మీ భోజనానికి ముందు తినండి*

ప్రజలు ఫిర్యాదు చేయడం మీరూ విన్నారు:

నేను పుచ్చకాయ తినే ప్రతిసారీ,  నా కడుపు ఉబ్బిపోతుంది, అరటిపండు తిన్నప్పుడు నేను టాయిలెట్‌కు పరిగెడుతున్నట్లు అనిపిస్తుంది.

మీరు  ఖాళీ కడుపుతో పండ్లు తింటే అసలు ఇవన్నీ తలెత్తవు.

ఈ పండ్లు ఇతర ఆహారాన్ని ఉంచడంతో కలిపి వాయువును ఉత్పత్తి చేస్తుంది మరియు అందువల్ల మీరు ఉబ్బుతారు!

కళ్ళు కింద నలుపు, బట్టతల, నాడీ విస్ఫోటనం మరియు చీకటి వృత్తాలు వేయడం ఇవన్నీ మీరు ఖాళీ కడుపుతో పండ్లు తీసుకుంటే  జరగదు. 

నారింజ మరియు నిమ్మకాయ వంటి కొన్ని పండ్లు ఆమ్లమైనవి కావు, ఎందుకంటే అన్ని పండ్లు మన శరీరంలో ఆల్కలీన్ అవుతాయి, ఈ విషయంపై పరిశోధన చేసిన డాక్టర్ హెర్బర్ట్ షెల్టాన్ ప్రకారం.

మీరు పండ్లు తినడానికి సరైన మార్గాన్ని నేర్చుకుంటే, మీకు  అందం, దీర్ఘాయువు, ఆరోగ్యం, శక్తి, ఆనందం మరియు సాధారణ బరువు యొక్క రహస్యం ఉంది. 

మీరు పండ్ల రసం తాగినప్పుడు -  *తాజా పండ్ల రసాన్ని మాత్రమే తాగండి* డబ్బాలు, ప్యాక్‌లు లేదా సీసాల నుండి కాదు.

వేడెక్కిన రసం కూడా తాగవద్దు.

వండిన పండ్లను తినవద్దు ఎందుకంటే మీకు పోషకాలు అస్సలు రావు.మీరు దాని రుచిని మాత్రమే పొందుతారు.

వంట అన్ని విటమిన్లను నాశనం చేస్తుంది.

కానీ, రసం తాగడం కంటే మొత్తం పండు తినడం మంచిది.

మీరు తాజా పండ్ల రసాన్ని తాగాలంటే, నెమ్మదిగా త్రాగాలి, ఎందుకంటే మింగడానికి ముందు మీ లాలాజలంతో కలపాలి.

మీ శరీరాన్ని శుభ్రపరచడానికి లేదా నిర్విషీకరణ చేయడానికి మీరు 3 రోజుల పండ్లనే ఆహారం గా తీసుకోవొచ్చు.

కేవలం 3 రోజులు పండ్లు తినండి మరియు తాజా పండ్ల రసం త్రాగండి.

మీరు ఎంత ప్రకాశవంతంగా కనిపిస్తున్నారో మీ స్నేహితులు చెప్పినప్పుడు మీరు ఆశ్చర్యపోతారు!

 *కీవీ పండు:*

 చిన్నది కాని శక్తివంతమైనది.

 ఇది పొటాషియం, మెగ్నీషియం, విటమిన్ ఇ & ఫైబర్ యొక్క మంచి మూలం.  దీని విటమిన్ సి కంటెంట్ నారింజ కంటే రెండు రెట్లు ఎక్కువ.

 *ఆపిల్*

రోజుకు ఒక ఆపిల్ వైద్యుడిని దూరంగా ఉంచుతుందా?

ఒక ఆపిల్‌లో తక్కువ విటమిన్ సి కంటెంట్ ఉన్నప్పటికీ, ఇందులో యాంటీఆక్సిడెంట్లు & ఫ్లేవనాయిడ్లు ఉన్నాయి, ఇది విటమిన్ సి యొక్క కార్యాచరణను పెంచుతుంది, తద్వారా పెద్దప్రేగు క్యాన్సర్, గుండెపోటు & స్ట్రోక్ ప్రమాదాన్ని తగ్గించడానికి సహాయపడుతుంది.

 *స్ట్రాబెర్రీ:*

 రక్షిత పండు.

ప్రధాన పండ్లలో స్ట్రాబెర్రీ అత్యధిక యాంటీఆక్సిడెంట్ శక్తిని కలిగి ఉంది మరియు క్యాన్సర్ కలిగించే, రక్తనాళాలు-అడ్డుపడటం మరియు ఫ్రీ రాడికల్స్ నుండి శరీరాన్ని కాపాడుతుంది.

 *ఆరెంజ్:*

రోజుకు 2-4 నారింజ తీసుకోవడం వల్ల జలుబు దూరంగా ఉండి, కొలెస్ట్రాల్‌ను తగ్గించవచ్చు, మూత్రపిండాల్లో రాళ్లను నివారించవచ్చు మరియు కరిగించవచ్చు, అలాగే పెద్దప్రేగు క్యాన్సర్ ప్రమాదాన్ని తగ్గిస్తుంది.

 *పుచ్చకాయ:*

 చక్కని దాహం చల్లార్చు.  92% నీటితో కూడి, ఇది గ్లూటాతియోన్ యొక్క భారీ మోతాదుతో నిండి ఉంటుంది, ఇది మన రోగనిరోధక శక్తిని పెంచుతుంది.అవి కూడా లైకోపీన్ క్యాన్సర్ ఫైటింగ్ ఆక్సిడెంట్ యొక్క ముఖ్య వనరు. *

పుచ్చకాయలో లభించే ఇతర పోషకాలు విటమిన్ సి & పొటాషియం.

 *జామ & బొప్పాయి :*

విటమిన్ సి కోసం అగ్ర పురస్కారాలు వారి అధిక విటమిన్ సి కంటెంట్ కోసం స్పష్టమైన విజేతలు.

జామలో ఫైబర్ కూడా పుష్కలంగా ఉంది, ఇది మలబద్దకాన్ని నిరోధిస్తుంది.

బొప్పాయిలో కెరోటిన్ పుష్కలంగా ఉంటుంది;  ఇది మీ కళ్ళకు మంచిది.

భోజనం తర్వాత కోల్డ్ వాటర్ లేదా డ్రింక్స్ తాగడం క్యాన్సర్ కారకం 

 మీరు దీన్ని నమ్మగలరా?

చల్లటి నీరు లేదా శీతల పానీయాలు తాగడానికి ఇష్టపడేవారికి, ఈ వ్యాసం మీకు వర్తిస్తుంది.

భోజనం తర్వాత ఒక కప్పు చల్లటి నీరు లేదా శీతల పానీయాలు కలిగి ఉండటం చాలా బాగుంది అనిపిస్తుంది.

అయితే, చల్లటి నీరు లేదా పానీయాలు మీరు ఇప్పుడే తిన్న జిడ్డుగల పదార్థాన్ని పటిష్టం చేస్తాయి. 

 *ఇది జీర్ణక్రియను తగ్గిస్తుంది*

 * ఈ 'బురద' ఆమ్లంతో స్పందించిన తర్వాత, అది విచ్ఛిన్నమవుతుంది మరియు ఘన ఆహారం కంటే వేగంగా ప్రేగు ద్వారా గ్రహించబడుతుంది. *

ఇది పేగును లైన్ చేస్తుంది.

అతి త్వరలో, ఇది క్రొవ్వు గా మారి క్యాన్సర్‌కు దారితీస్తుంది! 

భోజనం తర్వాత వేడి సూప్ లేదా వెచ్చని నీరు త్రాగటం మంచిది.

జాగ్రత్తగా ఉండండి మరియు తెలుసుకోండి.  మనం మనుగడ సాగించే మంచి అవకాశాన్ని ఎక్కువగా తెలుసుకోవాలి.

     *🙏సర్వేజనా సుఖినోభవంతు🙏*

గుండె నొప్పి మరియు గుండెబలమునకు సిద్ధఔషధ యోగాలు heart pain n strength

గుండె నొప్పి మరియు గుండెబలమునకు సిద్ధఔషధ యోగాలు  - 

 *  తమలపాకు జీర్ణాశయమునకు మరియు హృదయమునకు బలాన్ని కలిగించును. 

 *  మునగచెక్క రసము నందు కొంచం ఇంగువ చేర్చి ఇచ్చిన గుండెనొప్పి తగ్గును. 

 *  గులాబీల నుండి తయారుచేసిన పన్నీరు గుండెదడ , గుండెపోటు , ఆయాసములను తగ్గించును . 

 *  అంజూర పండ్ల రసమును రోజుకు ఒకసారి తీసుకున్నచో గుండెకి , ఊపిరితిత్తులకు బలాన్ని కలుగచేయును . 

 *  ద్రాక్షపండ్ల రసము గుండెకు , మూత్రపిండాలకు బలాన్ని కలుగచేయును . 

 *  ఒక ఔన్స్ సొంపు కషాయంలో రెండు చెంచాల పంచదార కలిపి రోజుకు రెండుసార్లు పుచ్చుకున్న ఛాతినొప్పి , ఉపిరి తీసుకునేప్పుడు నొప్పి , గుండెనొప్పి తగ్గును. 

 *  ఖర్జుర పండు గుండె , ఊపిరితిత్తులు , మూత్రపిండములు , లివర్ మొదలగు శరీరావయములకు మిక్కిలి ఉత్తేజాన్ని కలిగించి బలమును , పుష్టిని ఇచ్చును . 

 * ప్రతినిత్యం ఉదయాన్నే ఒక అంజూరపండు తినుచున్న గుండెదడ , ఆయాసం తగ్గును. 

వేసవిలో మజ్జిగ పానీయాలు benefits of buttermilk

*వేసవిలో మజ్జిగ పానీయాలు*

“మ౦చుకొ౦డల్లో పాలు తోడుకోవు. అ౦దుకని, అక్కడ పెరుగుగానీ, దాన్ని చిలికిన మజ్జిగ గానీ దొరికే అవకాశలు ఉ౦డవు. ఈ కారణ౦గా, కైలాస౦లో ఉ౦డే పరమశివుడికి, మజ్జిగ తాగే అలవాటు లేకపోవటాన ఆయన నీలక౦ఠుడయ్యాడు. పాల సముద్ర౦లో నివసి౦చే విష్ణుమూర్తికి మజ్జిగ ఎటు తిరిగీ దొరకవు కాబట్టే, ఆయన నల్లని వాడయ్యాడు. స్వర్గ౦లో ‘సుర’ తప్ప మజ్జిగ దొరకవు కాబట్టి, ఇ౦ద్రుడు బలహీనుడయ్యాడు. మజ్జిగతాగే అలవాటే గనక ఉ౦టే, చ౦ద్రుడుకి క్షయ వ్యాధి, వినాయకుడికి పెద్ద పొట్ట, కుబేరుడికి కుష్టురోగ౦, అగ్నికి కాల్చే గుణ౦ ఇవన్నీ వచ్చేవే కాదు” *యోగరత్నాకర౦* అనే వైద్యగ్ర౦థ౦లో ఈ *చమత్కార విశ్లేషణ* కనిపిస్తు౦ది. *మజ్జిగ తాగేవాడికి ఏ వ్యాధులూ కలగవనీ, వచ్చిన వ్యాధులు తగ్గి, తిరిగి తలెత్తకు౦డా ఉంటాయనీ, “విషదోషాలు”, “దుర్బలత్వ౦”, “చర్మరోగాలు”, “క్షయ”, “కొవ్వు”, “అమిత వేడి” తగ్గిపోతాయనీ, శరీరానికి మ౦చి వర్చస్సు కలుగుతు౦దనీ దీని భావ౦. అక్కడ దేవతల కోస౦ అమృతాన్నీ, ఇక్కడ మానవుల కోస౦ మజ్జిగనీ భగవ౦తుడు సృష్టి౦చాడట!*

వేసవి కాలాన్ని మన౦ మజ్జిగతోనే ఎక్కువగా గడిపే౦దుకు ప్రయత్ని౦చాలి. *తోడుపెట్టిన౦దు వలన పాలలో ఉ౦డే పోషక విలువలన్నీ మజ్జిగలోనూ పదిల౦గా ఉ౦డట౦తో పాటు, అదన౦గా “లాక్టో బాసిల్లై” అనే “మ౦చి బాక్టీరియా” మనకు  దొరుకుతు౦ది. పాలలో ఈ ఉపయోగకారక బాక్టీరియా ఉ౦డదు*. అ౦దుకని, వయసు పెరుగుతున్నకోద్దీ మజ్జిగ అవసర౦ పెరుగుతు౦ది. *#ప్రిజ్జులో పెడితే మజ్జిగలోని ఈ బాక్టీరియా నిరర్థక౦ అవుతు౦ది. అ౦దుకని అతి చల్లని మజ్జిగ తాగకూడదు#. చిలికిన౦దువలన మజ్జిగకు తేలికగా అరిగే గుణ౦ వస్తు౦ది. అ౦దుకని పెరుగుకన్నా మజ్జిగ మ౦చిది.* 

*వేసవి కోస౦ ప్రత్యేక౦ “కూర్చిక పానీయ౦”:*    

ఒక గ్లాసు పాలు తీసుకొని, కాచి చల్లార్చి అ౦దులో రె౦డుగ్లాసుల పుల్లని మజ్జిగ కలప౦డి. ఈ పానీయాన్ని  *‘కూర్చిక’* అ౦టారు. ఇ౦దులో “ప౦చదార” గానీ, “ఉప్పు” గానీ కలపకు౦డానే తాగవచ్చు. *”ధనియాలు”, “జీలకర్ర”, “శొ౦ఠి” ఈ మూడి౦టినీ  100 గ్రాముల చొప్పున దేనికదే మెత్తగా ద౦చి, మూడి౦టినీ కలిపి తగిన౦త “ఉప్పు” కూడా చేర్చి, దాన్ని ఒక సీసాలో భద్రపరచుకో౦డి. “కూర్చిక”ను తాగినప్పుడల్లా, అ౦దులో దీన్ని ఒక చె౦చా మోతాదులో కలిపి తాగ౦డి. #వడదెబ్బ కొట్టదు. పేగులకు బలాన్నిస్తు౦ది. జీర్ణకోశ వ్యాధులన్ని౦టికీ ఇది మేలు చేస్తు౦ది. వేసవిలో కలిగే జలుబుని నివారిస్తు౦ది#*.

*వడదెబ్బ కొట్టని పానీయ౦ “రసాల”:*

*#పెరుగు మీద తేరుకున్న నీళ్ళు, పాలు కలగలిపి ఆరోగ్యకరమైన “రసాల” అనే పానీయాన్ని “భీముడు” తయారు చేశాడని “భావప్రకాశ” వైద్య గ్ర౦థ౦లో ఉ౦ది*. అరణ్యవాస౦లో ఉన్నప్పుడు, పా౦డవుల దగ్గరకు శ్రీ కృష్ణుడు వస్తే, భీముడు స్వయ౦గా దీన్ని తయారు చేసి వడ్డి౦చాడట! *ఇది దప్పికని పోగొట్టి వడదెబ్బ తగలకు౦డా చేస్తు౦ది* కాబట్టి, ఎ౦డలో తిరిగి ఇ౦టికి వచ్చిన వారికి ఇచ్చే పానీయ౦ ఇది. తన ఆశ్రమాన్ని స౦దర్శి౦చటానికి శ్రీరాముడు వచ్చినప్పుడు భరద్వాజ మహర్షి  రాముని గౌరవార్థ౦ ఇచ్చిన వి౦దులో రసాల కూడా ఉ౦ది. *భావ ప్రకాశ* వైద్య గ్ర౦థ౦లో దీన్ని ఎలా తయారు చేసుకొవాలో వివర౦గా ఇచ్చారు:

*1.*  బాగా కడిగిన ఒక చిన్న కు౦డ లేదా ము౦త తీసుకో౦డి. దాని మూతిని మూస్తూ ఒక పలుచని వస్త్రాన్ని రె౦డుమూడు పొరల మీద *వాసెన (ఆవిరిపోక యెసటికుండ మూతిమూసి కట్టిన గుడ్డ)* కట్ట౦డి. *ఒక కప్పు పలుచని పెరుగులో అరకప్పు “ప౦చదార” కలిపి, ఈ మిశ్రమాన్ని “చల్లకవ్వ౦”తో బాగా చిలికి ఆ వాసెన మీద పోసి వడకట్ట౦డి*.

*2.* పెరుగులో ప౦చదార కరిగి నీరై ఆ వస్త్ర౦లో౦చి క్రి౦ది ము౦తలోకి దిగిపోతాయి. వాసెనమీద పొడిగా పెరుగు ముద్ద మిగిలి ఉ౦టు౦ది. దాన్ని అన్న౦లో పెరుగు లాగా అవాడుకో౦ది. ఈ *రసాల* కు దానితో పని లేదు. ము౦తలో మిగిలిన తియ్యని పెరుగు నీటిని *‘ద్రప్య౦’* అ౦టారు. ఈ *‘ద్రప్య౦’* ని౦డా *లాక్టోబాసిల్లస్* అనే *ఉపకారక సూక్ష్మజీవులు* ఉ౦టాయి.  అవి *పేగుల్ని స౦రక్షి౦చి జీర్ణాశయాన్ని బలస౦పన్న౦ చేస్తాయి*. ఆ నీటితోనే రసాలను తయారు చేస్తారు 

*3.*  ఇప్పుడు, కాచి చల్లార్చిన పాలు ఈ ద్రప్యానికి రెట్టి౦పు కొలతలో తీసుకొని ము౦తలోని పెరుగు నీళ్ళతో కలప౦డి.  చల్లకవ్వ౦తో ఈ మిశ్రమాన్ని చక్కగా చిలికి, అ౦దులో *”ఏలకుల” పొడి, “లవ౦గాల” పొడి, కొద్దిగా “పచ్చకర్పూర౦”, “మిరియాల” పొడి కలప౦డి*. ఈ కమ్మని పానీయమే *రసాల*! *#దీన్ని అప్పటికప్పుడు తాగేలాగా తయారు చేసుకొవాలి.#* 

*4.*  ఈ వడగట్టే ప్రక్రియకు బదులుగా, పెరుగు లేదా మజ్జిగ మీద తేరుకొన్న తేటని తీసుకొని, సమాన౦గా పాలు కలిపి చిలికి తయారు చేసుకొవచ్చు కూడా!  *”శొ౦ఠి”, “మిరియాలు”, “ధనియాలు”, “జీలకర్ర”, “లవ౦గాలు”, చాలా స్వల్ప౦గా “పచ్చకర్పూర౦” వీటన్ని౦టిని మెత్తగా ద౦చిన పొడిని కొద్దిగా ఈ “రసాల”లో కలుపుకొని త్రాగితే ఎక్కువ ప్రయోజనాత్మక౦గా ఉ౦టు౦ది*. 

*5.* *మజ్జిగ మీద తేటలో కేవల౦ ఉపయోగకారక సూక్ష్మజివులు లాక్టోబాసిల్లై మాత్రమే ఉ౦టాయి. ఈ సూక్ష్మజీవుల కారణ౦గానే  పాలకన్నా పెరుగు, పెరుగు కన్నా చిలికిన మజ్జిగ ఎక్కువ ఆరోగ్య దాయకమైనవిగా ఉ౦టాయి*. మజ్జిగలొని లాక్టోబాసిల్లై ని తెచ్చి పాలలో కలిపి,  చిలికి ఈ రసాల ప్రయోగాన్ని మన పూర్వీకులు చేశారన్నమాట. 

ఇది *”అమీబియాసిస్” వ్యాధి, “పేగుపూత”, “రక్త విరేచనాలు”, “కలరా” వ్యాధులు ఉన్నవారిక్కూడా ఇవ్వదగిన పానీయ౦*. వేసవి కాలానికి అనుకూల౦గా ఉ౦టు౦ది. *వడ దెబ్బ తగలనీయదు. శరీర౦లో వేడిని తగ్గిస్తు౦ది. తక్షణ౦ శక్తినిస్తు౦ది. “కామెర్ల” వ్యాధిలో ఎక్కువ మేలు చేస్తు౦ది*. *#పెరుగు మీద తేట, వైద్యపర౦గా, చెవులను బలస౦పన్న౦ చేస్తు౦దని “ఆయుర్వేద శాస్త్ర౦” చెప్తో౦ది. “చెవిలో హోరు(టినిటస్)”, చెవులలో తేడాల వలన కలిగే తలతిరుగుడు “(వెర్టిగో)” లా౦టి వ్యాధులకు ఇది గొప్ప ఔషధ౦* గా పని చేస్తు౦దన్నమాట.

*వేసవి కోస౦ “తేమన౦” అనే పానీయ౦:*

*తేమన౦* అనేది *శ్రీనాథుడి* కాల౦ వరకూ ప్రసిద్ధి చె౦దిన వ౦టకమే! దీన్ని “తిపి”గానూ, “కార౦”గానూ రె౦దు రకాలుగా తయారు చేసుకొ౦టారు. *”మజ్జిగ”లో “పాలు”, “బెల్ల౦” తగిన౦త చేర్చి, ఒక పొ౦గు వచ్చే వరకూ కాస్తే “తేమన౦” అనే తెలుగు పానీయ౦ తయారౌతుంది*. *#ఇది వేసవి పానీయాలలో మేలయిన పానీయ౦. వడదెబ్బ వలన కలిగే శోషని నివారిస్తు౦ది. శరీరానికి తక్షణ శక్తినిస్తు౦ది. చల్లారిన తరువాత త్రాగట౦ మ౦చిది. దీన్ని “తీపి మజ్జిగ పులుసు” అనవచ్చు#*. 

ఇ౦క *“కార౦” మజ్జిగపులుసు* గురి౦చి మనకు తెలిసినదే! *పులవని “చిక్కని మజ్జిగ” తీసుకో౦డి. వెన్న తీసిన మజ్జిగ అయితే మరి౦త రుచికర౦గా ఉ౦టాయి. ఈ మజ్జిగలో “అల్ల౦”, “మిర్చి”, “కొత్తిమీర”, ఇతర స౦బారాలు (ఆహారపదార్థములలో అవసరమునుబట్టి రుచిని, పరిమళమును, ఆహారయోగ్యతను ఎక్కువ చేయుటకు చేర్చబడుచుండు వస్తువులు [Spices and condiments]) వేసి కాచిన మజ్జిగ పులుసు బాగా చలవ చేస్తు౦ది. మజ్జిగ పులుసు వేసవి కోస౦ తరచూ  వ౦డుకొవాల్సిన వ౦టక౦ అని గుర్తి౦చ౦డి!* 

*ఉత్తర రామ చరిత౦*లో *“గారెలు బూరెలు చారులు మోరెలు”* అనే ప్రయోగాన్ని బట్టి, ఈ మజ్జిగ పులుసుని  *’మోరు’* అని పిలిచేవారని తెలుస్తో౦ది. *”బియ్యప్పి౦డి”, “అల్ల౦” తదితర స౦బారాలు చేర్చి ఉ౦డలు కట్టి మజ్జిగ పులుసులో వేసి వ౦డుతారు. ఈ ఉ౦డల్ని ‘మోరు౦డలు’ అ౦టారు. వీటిని ఆవడ(పెరుగువడ)లాగా తినవచ్చు*. పర్షియన్లు ఇష్ట౦గా వ౦డుకొనే Cacık అనే మజ్జిగ పులుసులో వెల్లుల్లి మషాలా బాగా కలిపి, రొట్టెల్లో న౦జుకొ౦టారు కూడా!

*మె౦తి మజ్జిగ:*

* మె౦తులు తేలికగా నూరి చిక్కని పులవని మజ్జిగలో కలిపి, తాలి౦పు పెడితే, దాన్ని “మె౦తి మజ్జిగ” అ౦టారు. “మజ్జిగ చారు” అని కూడ పిలుస్తారు*. తెలుగిళ్ళలో ఇది ప్రసిద్ధ వ౦టక౦. దీన్ని అన్న౦లో ఆధరవుగానూ తినవచ్చు లేదా విడిగా తాగావచ్చు కూడా! *మామూలు మజ్జిగకన్నా అనునిత్య౦ మజ్జిగచారునే వాడుకోవట౦ ఎప్పటికీ మ౦చిది. #ముఖ్య౦గా షుగర్ వ్యాధి ఉన్నవారికీ, వచ్చే అవకాశ౦ ఉన్నవారికీ ఇది మ౦చి చేస్తు౦ది#*. 

*తీపి లస్సీ:*

*మజ్జిగలో “ప౦చదార” లేదా “తేనె” కలిపిన పానీయమే లస్సీ*!  హి౦దీ లేదా ప౦జాబి పద౦ కావచ్చు. *వేసవికాల౦లో “నిమ్మరస”౦, “జీలకర్ర” పొడి, “ఉప్పు”, “ప౦చదార” కలిపి “పుదీనా ఆకులు” వేసిన లస్సీ #వడ దెబ్బ తగలకు౦డా కాపాడుతు౦ది#*. తెలుగులో దీన్ని *‘సిగరి’* అ౦టారు. *శిఖరిణి* అనే స౦స్కృత పదానికి ఇది తెలుగు రూప౦ కావచ్చు. *చిక్కని మజ్జిగ అయితే “లస్సీ” అనీ, వెన్న తీసేసి, నీళ్ళు ఎక్కువ కలిపితే “‘చాస్’” అనీ పిలుస్తారు*. టర్కీలో Ayran, ఆర్మీనియాలో Than, పర్షియాలో Doogh, ఆల్బేనియాలో Dhalle అనే పానీయాలు ఇలా౦టివే! గుర్ర౦ పాలతో kumiss అనే పానీయాన్ని మధ్య ఆసియా స్టెప్పీలు ఇష్ట౦గా తాగుతారట! పర్షియన్ Cacık అనేది మన మజ్జిగ పులుసు లా౦టిదే!

*మజ్జిగమీద తేట:*

మజ్జిగమీద తేటకు మజ్జిగతో సమానమైన గుణాలున్నాయి. *చిలికిన మజ్జిగని ఒక గిన్నెలో సగానికి పోసి మూడొ౦తుల వరకూ నీళ్ళు కలిపి రె౦డు గ౦టలు కదల్చకు౦డా ఉంచ౦డి. మజ్జిగమీద ఆ నీరు తేరుకొ౦టు౦ది. మజ్జిగ తేటను వ౦చుకొని మళ్ళీ నీళ్ళు పోయ౦డి. ఇలా ప్రతి రె౦డు మూడు గ౦టలకొకసారి మజ్జిగనీళ్ళు వ౦చుకొని వేసవి కాల౦ అ౦తా మ౦చి నీళ్ళకు బదులుగా ఈ మజ్జిగ నీళ్ళు తాగుతూ ఉ౦డ౦డి వడదెబ్బ కొట్టదుగాక కొట్టదు*. మజ్జిగ వాడక౦ మనకున్న౦తగా ఉత్తరాది వారికి లేదు. మధురానగరిలో తెలుగు కృష్ణుడు చల్లలమ్మబోయే అమ్మాయిల దారికి అడ్డ౦ పడ్డాడు గానీ, పెరుగులమ్మబోయే వారికి కాదు గదా!

*#ఎ౦డలోకి వెళ్లబోయే ము౦దు దీన్ని తాగ౦డి:#*

*చక్కగా “చిలికిన  మజ్జిగ” ఒక గ్లాసుని౦డా తీసుకో౦డి. అ౦దులో ఒక “నిమ్మకాయ రస౦”, తగిన౦త “ఉప్పు”, “ప౦చదార”, చిటికెడ౦త “తినేసోడాఉప్పు” కలిపి* తాగి అప్పుడు ఇ౦ట్లో౦చి బయటకు వెళ్ల౦డి వడదెబ్బకొట్టకు౦డా ఉ౦టు౦ది. మరీ ఎక్కువ ఎ౦డ తగిలి౦దనుకొ౦టే తిరిగి వచ్చిన  తరువాత ఇ౦కోసారి త్రాగ౦డి. *ఎ౦డలో ప్రయాణాలు చేయవలసి వస్తే, ఒక సీసాని౦డా దీన్ని తయారు చేసుకొని వె౦ట తిసుకెళ్ల౦డి. మాటిమాటికీ తాగుతూ ఉ౦టే వడదెబ్బ కొట్టదు*.

*జై భువనేశ్వరీ మాతా*

మనుష్యుల రోగాలకు కారణం అయ్యే విరుద్ద ఆహారపదార్థాలు - wrong food

 

     ఈ  సకలసృష్టిలో ప్రతిప్రాణి జీవించుటకు ముఖ్యమయినది ఆహారం.  ఒక్కొ ప్రాణి తన దేహాన్ని మరియు స్థితిని బట్టి ఆహారం తీసుకుంటుంది. ఈ సకల ప్రాణుల్లో మనుష్యజాతి ప్రధానం అయినది. మనిషికి రోగాలు ఎక్కడినుంచో ప్రత్యేకంగా రావు . సరైన అవగాహన లేకుండా మనం తీసుకునే విరుద్ద ఆహారపదార్థాలు మనకి రోగాన్ని కలుగచేస్తాయి. అటువంటి విరుద్ద ఆహారపదార్థాలను కొన్నింటిని మీకు తెలియచేస్తాను.

  విరుద్ద ఆహారపదార్థాలు - 

 *  నీరు ఎక్కువుగా ఉండు పల్లపు ప్రాంతాలలో ఉండు జంతువుల లేక పక్షి మాంసాలు తినరాదు.

 *  తేనె , బెల్లం, పాలు , నువ్వులు , ముల్లంగి, తామర గడ్డలు, మొలకెత్తిన ధాన్యము వీటిలో ఏ ఒక్కదాన్ని మరొకదానితో కలిపి భుజించరాదు . 

 *  ఆవనూనెతో పావురం మాంసం వేయించుకొని తినరాదు. 

 *  కోడి మాంసంతో పెరుగు కలిపి తినరాదు.

 *  చేపలు వేయించగా మిగిలిన నూనెతో పిప్పిళ్లు వేయించరాదు.

 *  చేపలు తిని పాలు , పాలపదార్థాలు ఏవి కూడా తీసుకోరాదు . 

 *  పుల్లగా ఉండు పదార్థాలతో పాలు చేరిన విషమగును. కావున పులుపుతో చేసిన పదార్థాలు తినిన తరువాత పాల సంబంధమైన ఉత్పత్తులు అసలు సేవించరాదు . ముఖ్యంగా పుల్లని రుచి కలిగిన మామిడి, రేగు , నేరేడు , వెలగ , చింత, దానిమ్మ, కొబ్బరి వంటి వస్తువుల తీసుకున్నపుడు పాలు వాడరాదు. 

 *  ఉలవలు, అరిగెలు , కొర్రలు, మినుములు , పెసలు పాలతో తీసుకోరాదు 

 * ముల్లంగి భుజించునప్పుడు పాలు వాడరాదు.

 *  మినపప్పు, బెల్లం, పాలు , పెరుగు , నెయ్యి, ఏ ఒక్కదానితోను నిమ్మపండు భుజించరాదు .

 *  మద్యం, తేనె , పెరుగు ఈ మూడింటిని వేడిగా ఉండు వస్తువులచే తినరాదు.

 *  ఉప్పు కలిపిన పాలు కాని , అన్నం కాని భుజించరాదు .

 *  ఆకుకూరలు తిను సమయంలో వెన్న తినరాదు.

 *  పాత బియ్యం , కొత్తబియ్యం కలిపి ఒకేసారి వండి తినరాదు.

 *  పక్వముకాని వస్తువుని , పక్వము అయిన వస్తువుని కలిపి భుజించరాదు .

 *  తేనె , నెయ్యి , జంతువుల కొవ్వు , నువ్వులనూనె , ఆవనూనె, ఆముదం వీటిలో ఏ రెండింటిని కాని , ఏ మూడింటిని కాని సమానంగా కలిపి వాడినచో విషమగును 

 *  ప్రస్తుతం డాల్డాను నెయ్యితో కలిపి అమ్ముతున్నారు . దీనిని వాడినచో ఆరోగ్యపరంగా చాలా సమస్యలు వచ్చును.

 *  నువ్వుపిండి , బచ్చలికూర కలిపి భుజించినచో అతిసారవ్యాధి కలుగును.

 *  ముల్లంగి ఆకు, ఉల్లిగడ్డలు , మునగాకు , తెల్ల తులసి, అడవి తులసి , నల్ల తులసి మున్నగు ఆకు కూరలు తినిన వెంటనే పాలు తాగిన కుష్టువ్యాది కలుగును.

 *  తుప్పు పట్టిన గంటె లు , పాత్రల యందు వొండిన భోజనం మరియు విషలక్షణాలు కలిగిన వంటచెరుకు చేత వండబడిన ఆహార పదార్థాలు ఆరోగ్యాన్ని నాశనం చేయును 

 *  రాగిపాత్రలో చేపల కూర వండి తినిన మరణం తప్పదు.

 *  బియ్యం వండినప్పుడు పూర్తిగా ఉడకకుండా , అధికంగా చిట్లినట్లు ఉండటం మరియు మాడిపోయిన అన్నం వీటిని ఎట్టిపరిస్థితుల్లో తీసుకోరాదు . 

 *  అరటిపండు మరియు మజ్జిగ కలిపి తీసుకోరాదు . 

     పైన చెప్పిన విధంగా విరుద్ద ఆరపదార్థాలను భుజించినచో శరీరం దారుణమగు రోగాలపాలు అగును.విస్పోటకం అనగా శరీరంపై పొక్కులు లేచే రోగం , గుల్మం, కడుపులో పుండు , క్షయ , రక్తపిత్తం, వాతరోగం, మూత్రాశయంలో రాయి, కుష్టు , భగన్దరం , గ్రహణి వంటి రోగాలు కలుగును.

ప్రాచీన భారతం నందు రసౌషదాల ఉపయోగం మరియు రసవాద విద్య - chemical in ayurveda

ప్రాచీన భారతం నందు రసౌషదాల ఉపయోగం మరియు రసవాద విద్య  - 

    రసవాదవిద్య ఈ పేరు వినుటకు కొంత విచిత్రంగా మరియు కొత్తగా అనిపించవచ్చు. వేమన గురించి తెలిసిన వారికి ఈ విద్య బాగా పరిచయం. నా స్నేహితుల్లో కొంతమంది కూడా దీనిని సాధించుటకు నల్లమల అడవులలో తీవ్ర ప్రయత్నాలు చేస్తున్నారు . అంతకు ముందు రసౌషదాలు మరియు రసవాదం గురించి కొంత వివరణ ఇచ్చాను . ఇప్పుడు మరికొన్ని కొత్త విషయాలు, నేను కొన్ని పురాతన గ్రంథాలు పరిశోధించి తెలుసుకున్న విషయాలు ఇప్పుడు మీకు తెలియచేస్తాను.

            క్రీస్తుశకం 3 , 4 శతాబ్దాలు కాలంనాటి వాగ్బాటాచార్యుని కాలం వరకు రసౌషదాలు అంతగా ప్రాచుర్యంలో లేవు . అసలు ముందు మీకు రసౌషదాలు అంటే ఏమిటి ? వాటిని ఎందుకు ఉపయోగిస్తారు ? అనే విషయాలు మీకు తెలియచేస్తాను . అందరూ ఆయుర్వేదం అంటే మూలికలు , చూర్ణాలు , కషాయాలు అని మాత్రమే అనుకుంటారు . కాని ఆయుర్వేదం లో చాలా తక్కువ మందికి తెలిసిన మరొక విభాగం ఉంది. అదే "రసౌషద" విభాగం. ఈ విభాగంలో పాదరసం , బంగారం , వెండి , అభ్రకం , వజ్రం వంటి లోహాలని ఉపయోగించి వాటిని సరైన పద్దతిలో పుటం పెట్టి వాటి యొక్క లోహాలక్షణాలని పోగొట్టి శుద్ది చేసి ఔషదాలుగా మార్పుచేయడమే రసౌషద విధానం . ఈ విధానం లో పాదరసాన్ని శుద్ది చేసి రోగి అవసాన దశలో ఉన్నప్పుడు శుద్ధ పాదరసాన్ని సరైన మోతాదులో ప్రయోగిస్తే అల్లోపతి వైద్యవిధానంలో వాడే ఇంజక్షన్ కంటే వేగం గా పనిచేసి రోగి యొక్క ప్రాణాన్ని నిలబెట్టును. నేను తయారుచేసే ఔషధాలలో భస్మాలు వాడినపుడు చాలా వేగవంతమైన ఫలితాలు చూశాను . 

                 ఇప్పుడు మీకు రసవాదం గురించి తెలియచేస్తాను . ఈ విద్య అత్యంత ప్రాచీన విద్య . మీరు ఒక విషయం గమనించండి ప్రాచీన కాలంలో ఇప్పటిలా పెద్ద పెద్ద గనులు బంగారం కోసం తవ్వలేదు . మరి అంత బంగారం ఎలా వచ్చింది ? దానిలో చాలా వరకు రసవాద విద్య ద్వారా తయారు చేయబడినది. నేను అంతకు ముందు మీకు రసవాదం  గురించి తెలియచేసిన విషయాలు లో కొన్ని విషయాలు మరలా ఒక్కసారి మీకు గుర్తుచేస్తాను. తెలంగాణా లో వరంగల్ మరియు కరీంనగర్ ప్రాంతాలలో పెద్ద కొండలపై కొన్ని చోట్ల చాలా పాత కోటలు ఉన్నాయి. కొన్నిచోట్ల అవి చెట్లతో పూర్తిగా కప్పబడి దగ్గరకి వెళ్లేంత వరకు అక్కడ కోట ఉందని తెలీదు . ఆ కోటల యొక్క భూగర్భ గదుల్లో పెద్ద పెద్ద కుండలలో 3 రకాల రంగుల్లో మెత్తటి పొడి ఉంటుంది. వాటిని నేను కూడా చూశాను. వాటిలో మొదటిది ఇటుకరాయి రంగులో ఉంటుంది. రెండొవది బూడిద రంగులో మూడొవది సిమెంట్ రంగుతో ఉంటుంది.  ఆంద్రప్రదేశ్ లో ద్రాక్షారామం ఏరియాలో కూడా ఇలాంటి కుండలు ఉన్నాయి.  ఇవి తెల్లమొదుగ,  ఎర్రచిత్రమూలం మరియు నల్లవావిలి చెట్ల నుంచి మరియు వాటి రసాల నుంచి శాస్త్రోక్తంగా తయారుచేసిన భస్మాలు . వీటిని ఉంచిన సమీపంలో ఎక్కడో ఒకచోట ఒక మట్టిపాత్రలో ఒక పసరు ఉంటుంది. ఈ మూడు చూర్ణాలను సరైన పాళ్ళలో తీసుకుని ఆ మట్టిపాత్రలో ఉన్న పసరు కలపడం వలన స్వర్ణం లభిస్తుంది అని కొన్ని గ్రంథాలలో ఉంది.  అది ఏ విధంగా చేయాలో అదే స్థలంలో రహస్యంగా ఉంచబడిన రాగిరేకులో పొందపరచబడి ఉంటుంది. ఒక్కటి మాత్రం ఖచ్చితంగా చెప్పగలను . రసవాద విద్య కోసం ప్రయత్నించినవాడు ఆ విద్య సాధించడంలో విఫలం అయినా ఒక గొప్ప వైద్యుడు మాత్రం కాగలడు .  

            భస్మాలలో రాజు వంటిది స్వర్ణభస్మం  చిన్నపిల్లలకు మనం అన్నప్రాసన  చేసేప్పుడు స్వర్ణప్రాసన అని ఉంగరాన్ని నాలుకకు నాకిస్తాం . దాన్నే మనం స్వర్ణ ప్రాసన అని మురిసిపోతాం . కాని అది ఎంతమాత్రమూ కాదు. నిజమైన స్వర్ణప్రాశన అంటే సరైన స్వర్ణభస్మంని లొపలికి ఇవ్వడం ముందు గుండుపిన్ను మొన చివర భాగముని తేనెలో మంచి తరువాత ఆవునెయ్యిలో మంచి చివర కొనభాగం స్వర్ణభస్మానికి ఆనించి రవ్వ అంత మోతాదులో నాలిక పైభాగాన రాయాలి .ఈ విధంగా ప్రతిరోజూ రెండు పూటలా శిశువుకి ఇస్తుంటే ఎదిగే కొద్ది ఆ శిశువు అమిత బలవంతుడు అయ్యి బ్రహుస్పతి అంత గొప్ప ఏకసంథాగ్రాహి అవుతాడు. స్వర్ణభస్మ సేవన చేయువానికి విషము కూడా ఎక్కదు. 

             ఈ రసవాదం , రసౌషధాలకు మూల పురుషుడు సిద్దనాగార్జునుడు అని చెప్తారు.  నిత్యనాధ సిద్దుడు రాసిన రసరత్నాకరం అను గ్రంథం నందు ఈ రసవాదం , ఔషదాలు , రత్నాలని భస్మాలుగా చేయుట మొదలగు వాటి గురించి చక్కని వివరణ ఉన్నది. 

   మన ప్రాచీనులు ఈ రసాలని మూడు రకాలుగా వర్గీకరణ చేశారు . అవి 

  *  మహారసములు .

  

  *  ఉప రసములు .

   *  సాదారణ రసములు . 

        పైన చెప్పిన వాటిలో అని రకాల ఖనిజాలను చేర్చి వాటిని వాటి యొక్క లక్షణాలుగా విభజించారు . 

         ఈ రసాలపై అదుపు సాధించిన వాటిని "రససిద్ధులు" అని పిలుస్తారు . ఈ రససిద్ధులలో సిద్ధ నాగార్జునుడు అగ్రగణ్యుడు. ఈ రకంగా మనదేశం నందు మొత్తం 27 మంది ప్రాచీన సిద్దులు ఉండేవారు అని తెలుస్తుంది. ఈ రససిద్దులు కు కొన్ని ప్రత్యేక లక్షణాలు ఉంటాయి. వీరు ముఖ్యంగా శైవసాంప్రదాయం పాటిస్తారు . వీరికి మహత్తు ఉన్ననూ వీరు ప్రదర్శించరు. వీరికి వచ్చు ప్రధాన విద్యలు అగ్నిలో దూకుట , అందులోనే కూర్చొనుట, కోరిన రూపం దరించుట , అదృశ్యం అగుట, బంగారం ద్రవ్యముగా మార్చుట దీనినే రసవాదులు "స్వర్ణదృతి " అని అంటారు. తామ్రమును అనగా రాగిని బంగారంగా మార్చుట, గంధకం (సల్పర్ ) నుంచి తైలం తీయుట , పాదరసాన్ని గులికలా చేసి బంధించుట దానిద్వారా ఆకాశయానం చేయుట ఇటువంటి ప్రక్రియల ను చేయువారిని సిద్దులు అందురు. 

             ఇటువంటి రససిద్ధులకు దక్షిణభారత దేశంలో తమిళనాడు ప్రసిద్ది. తమిళనాడులో ఎక్కువుగా రసాలను ఉపయోగించి వైద్యం చేసేవారు ఎక్కువ. నేను కూడా మొదట్లో మా పూర్వీకుల నుంచి వచ్చిన మూలికల వైద్యాన్ని మాత్రమే అనుసరించేవాడిని.వాటితోనే ప్రయోగాలు చేసేవాడిని. రసౌషదాల గురించి కనీసం ఆలోచించేవాడిని కాదు. ఒక స్నేహితుడిద్వారా కొంత రసౌషద పరిచయం కలిగింది. ఇప్పుడు నేను మూలికలతో పాటు స్వర్ణ భస్మం , అభ్రక భస్మం , రజత భస్మం , ముత్యభస్మం , శతపుటి అభ్రకభస్మం , కాంత భస్మం వంటి రసౌషదాలను విరివిగా వాడుతున్నాను . ఖరీదు ఎక్కువ అయినను కూడా ఫలితం తొందరగా వస్తుంది. ఈ రసౌషదాలలో పాదరసం ప్రధానం అయినది. కొంతకాలం క్రితం  సోమలత చెట్టు ని ఉపయోగించి కాయసిద్ది అనగా ముసలితనం రాకుండా నిలుపుచేసి నిత్యయవ్వనుడిగా ఎలా ఉండాలో మీకు వివరించాను .అది మూలికా విధానంలో అదే విధమైన ఫలితాన్ని రసౌషదాలలో ప్రధానం అయిన పాదరసం ఉపయోగించి కూడా అదేవిధమైన ఫలితాన్ని పొందవచ్చు. ఈ రసవిద్యకు ప్రధానంగా నలందా విశ్వవిద్యాలయం , విక్రమశిలా విద్యాపీఠం , నాగార్జునకొండ ప్రధానమైన కేంద్రాలుగా ఉండేవి .ఖిల్జీ ప్రభువు ఈ విద్యాలయాలను ద్వంసం చేయడం మూలాన ఈ రససిద్దులు దేశం నలువైపుల పారిపోవలసి వచ్చింది. వీరిలో అధికం టిబెట్ దేశమునకు వెళ్లిరి. అందువలనే తాంత్రికులకు టిబెట్ దేశం ప్రసిద్ది . ఈ సిద్ధసాంప్రదాయం నందు జాతి ,కుల,మత భేదములు ఉండేవి కావు దానివలన అప్పటి బ్రాహ్మణులు శుచిగా శుద్ధిగా చేయవలసిన మంత్రభాగం ఆచరిస్తూ ఈ తంత్రభాగాన్ని తిరస్కరించారు.

           ఈ సిద్దులు కొంతమంది మనమధ్యనే తిరుగుతుంటారు . ఈ రససిద్ధులే తరువాత ధాతువాదులుగా , రసవాదులుగా పిలవబడిరి . ఈ విద్యని అరబ్ దేశం నందు     " కిమియాగరి" అని పేరు కలదు . ఈ పదమే తరువాతికాలంలో " కెమిస్ట్రీ " గా రూపాంతరం చెందినది. అసలు రసవిధానం మొదట వైద్యం కోసమే ప్రవేశపెట్టబడినది. రససిద్దులకు లోహాన్ని శుద్ధిచేయటం , దేహాన్ని శుద్ధిచేయడం అనగా దేహంలోని టాక్సిన్స్, వ్యర్థాలను పూర్తిగా బయటకి పంపే విధానం . ఈ లోహశుద్ధి పాదరసాన్ని పరీక్షించుట ద్వారా తెలియును . అనగా ఒక ఖనిజం (మెటల్)  ను తీసుకుని దానియందు పరమాణువులు రెండోవదగు ఉచ్చ తరగతికి చెందిన ఖనిజం ( metal) గా మార్చు శక్తి పాదరసంకి కలదు. రససిద్దులు పాదరసం శివుని వీర్యంగా, గంధకం పార్వతీదేవి రజస్సుగా వారు భావిస్తారు. ఈ పాదరసంతో చేయు చికిత్సలకు ప్రత్యేక నియమనిబంధనలు అవసరంలేదు . అదే మూలికల చికిత్స చేయునప్పుడు శరీరశుద్ధి చేయవలెను ప్రధమంగా వంటి కొన్ని నియమాలు కలవు.  

         ఇలా రసౌషదాల గురించి చెప్పుకుంటూ వెళ్తే చాలా విషయాలు ఉన్నాయి. ప్రస్తుతం సమాజాన్ని పట్టి పీడిస్తున్న ఎయిడ్స్ , క్యాన్సర్ వంటి మొండి వ్యాధులకు ఈ రసౌషదాలు చక్కని పరిష్కారం . క్యాన్సర్ సమస్యకి వాడే ఔషధాల్లో వజ్రభస్మం వాడటం వలన రోగి తొందరగా కొలుకుంటాడు.

             ఈ విధంగా చెప్పకుంటూ వెళ్తే చాలా విషయాలు ఉంటాయి. కాని చాలా మందికి రస ఔషదాలు , రసవాదం గురించి పరిచయం లేదు వారు అర్థం చేసుకొనుటకు ఇబ్బంది ఎదురు అగును. కావున కేవలం కొంతమాత్రమే ఇచ్చాను. ఇది చదివినవారిలో రసవాదులు ఉంటే వారికి మాత్రం సంపూర్ణంగా అర్థం అగును.

 గమనిక  - 

          త్వరితగతిన ఫలితాలు సాదించాలి అంటే రసౌషదాలు వాడుకోండి. కాని అనుభవజ్ఞులైన వైద్యుల పర్యవేక్షణలో మాత్రమే వారి సూచనలను అనుసరించి ఔషద సేవన చేయండి అద్బుతమైన ఫలితాలు పొందగలరు. వీటి ఖరీదు ఎక్కువుగా ఉంటుంది. కాని ఫలితం తొందరగా వస్తుంది . 

     ఆయుర్వేదం - రస ఔషదాలు .

  ఇంతకు ముందు నేను ఆయుర్వేదం లొ శల్య తంత్రం గురించి తెలియచేసాను. ఇప్పుడు ఆయుర్వేదం లొ రస ఔషధాల గురించి తెలియజేస్తున్నాను.
మూలికలతో చేసినటువంటి ఔషధాలు వెంటనే ఉపయోగించవలెను. వాటికి ఒక నిర్దిష్ట కాలపరిమితి ఉంటుంది. కానీ కొన్ని రకాల లోహములు ను శుద్ధి చేసి ఉపయోగించవచ్చు. అవి ఎప్పుడు ఉపయోగించినా సమర్దవంతం గా పనిచేస్తాయి. మానవుని శరీరం అష్టదాతువులతో నిర్మితమై ఉంటుంది. ఈ దాతువులు లలొ హెచ్చు తగ్గుల వలన మానవునికి రోగాలు ప్రాప్తిస్తున్నాయి. మరలా వాటిని పూరించడం వలన రోగాలు తగ్గు ముఖం పడతాయి. నేటి అల్లోపతి వైద్య విదానం అదే వాటిని ప్రాకృతికం గా తయారు చేయరు .

         ఉదాహరణకు పాండు రొగమునకు ఒక అత్యద్బుతమైన ఔషధం ఉన్నది. పాండు రోగం అనగా శరీరం నందలి రక్తము లేకుండా పాలిపోయినట్టు ఉండుట .ఈ వ్యాధి గ్రస్తులు తెల్లగా మొఖము నందు జీవకళ లేకుండా ఉంటారు. ఏ గ్రామ భూమియందు 100 ఏళ్ళ నుండి ఉన్నట్టి చిట్టేపు రాళ్లను తీసుకుని వచ్చి వాటిని ఎర్రటి నిప్పుల్లో బాగుగా కాల్చి ఆవుపంచకం లొ ముంచి చల్లార్చాలి . ఈ రకం గా 12 సార్లు చేయాలి . ఇలా చేసిన తరువాత చూర్ణం చేయగా అది సిందూరం రంగులొ వస్తుంది. దానిని ఉదయం సాయంత్రం పుచ్చుకోనిన కేవలం 41 రొజులలొ మనిషి ఎర్రగా తయారవుతాడు. పూర్తి ఆరోగ్యవంతుడు అవుతాడు. ఇలా చాలా ఉన్నాయి .
భావ ప్రకాశిక మొదలయిన ఆయుర్వేద గ్రంథాలలో ఈ రసాయనిక తంత్రాల గురించి ఉన్నది. 3,4 శతాబ్దాల నుంచి వాగ్బట్టాచార్యుని కాలం వరకు ఈ రసయనిక ఔషధాలు చికిత్సకు ఉపయోగించి నట్టు అంతగా లేదు . క్రీ.శ 4 వ శతాబ్దం లొ సంకలనం చేయబడ్డట్టు చెబుతున్న Bowers manicript అంతకు పూర్వం రచించబడిన D .r hernal గారిచే సంపాదించ బడిన వ్రాతపతి గా ఉన్న వైద్య గ్రందం నందు కుడా స్వర్ణ , లొహ ధాతువుల ప్రస్తావన ఉన్నది. కానీ విశేషం గా ఎక్కడా ఉపయోగించినట్టు లేదు .వైదిక కాలం న సోమరస ఉపయోగం అదిక ప్రచారం లొ ఉన్నందున రసవిజ్ఞానం ఋగ్వేద కాలం నుండి ఆదరణ, ప్రచారం లొ ఉనట్టు భావించుచున్నారు. దానిని అనుసరించే చరకాదులు తమ గ్రంధములయందు రసౌషదాలకు స్థానం ఇచ్చారు. భారతీయుల రసప్రక్రియలకు మూలం ప్రాచీనం అని తెలియచున్నది.
 
       ఋగ్వేదం న స్వర్ణం, ఇనుము, సీసము, ఇత్తడి, శ్యామ లొహం. ఇలాంటి లోహాల ప్రసక్తి కలదు. రసశాస్త్ర ప్రక్రియ కొన్ని తాంత్రి కముల యందు ప్రాధమిక స్థాయిలో వర్ణించ బడెను. రసాయనిక తాంత్రికం లొ సిద్ధ నాగార్జునుడు ప్రసిద్ధుడు .
రస తంత్రములో ఉపయోగించబడు ద్రవ్యములను పలువురు తంత్ర కర్తలు పలు విధాలుగా వర్గీకరించారు. అందులొ రత్న సముచ్చయకారుని వర్గీకరణ సామరస్యం గా ఉన్నది. అతడు మహారసములు, ఉపరసములు, సాధారణ రసములు, దాతువులు, ఉపదాతువులు ఇలా వర్గీకరణం చేసారు.

 మహా రసములు - అబ్రకం, వైక్రాంతం, స్వర్ణ మాక్షిక, తామ్ర మాక్షిక , సస్యకము తుత్తుము , చపలము, రసకము , అని ఎనిమిది మహారసములు గా పేర్కొనబడినవి.

 ఉప రసములు - గంధకం, గైరికము, కాశీసము, స్పటికము, తాలకము , మనశ్హిల , అంజనము, కంకు ఉస్టం అనే ఎనిమిది ఉపరసములగా పేర్కొనబడినవి .

 సాదారణ రసములు - కంపిల్లము, గౌరీ పాషాణము, నవసాగారము, కపర్ధం, అగ్ని జారం, గైరికం, హింగులం, మ్రుద్దారు శృంగి, ఈ ఎనిమిది సాదారణ రసములగా పేర్కొనబడినవి .

    పూర్వాచార్యులు పాదరసం నోక్కదానినే మహారసం గా గ్రహించి తక్కిన వాటిని ఉపరసములుగా పరిగణించారు. రస ఔషద శాస్త్ర ప్రకారం రెండు రకాలు అగు ద్రవ్యాలు కలవు.మొదటి రకం పాదరసం, గంధకం, శంఖ పాషానాది రసొపరసములు. సాదారణ రసములు.రెండొవది సువర్ణం, రజతం, తామ్రము, వంగము, సీసము లోహాది దాతువులు.సుశ్రుతమున వంగం, సీసం , తామ్రము ,రజతము, స్వర్ణం , అయస్కాంతం , మండురం, వైడుర్యం , స్పటికం, ముత్యం , శంఖం ఇవి ఔషద ద్రవ్యాలుగా పేర్కొన్నారు . చరక సంహిత ఎందు రక్తపిత్త వ్యాధి చికిత్సకు , నేత్ర రోగ చికిత్సకు వైడుర్యం, ముత్యములు , మణులు, ప్రవాళం, శంఖం, లోహము, తామ్రము , సౌవీరంజనము ఔషధాలుగా చెప్పినాడు. కుష్టు రొగమునకు పాదరస గంధకములు ఔషదములు గా పేర్కొనెను .ఈ వ్యాధులకు అయస్కాంతం ఉపయోగించడం కూడా సుశ్రుత సంహితలో ఉన్నది.
సువర్నాధి దాతువులను పలచని రేకులగా చేసి సైంధవ లవనములను ఆ రేకులకు పూసి వానిని కాల్చి నిర్దేశించిన కషాయములలో ముంచి అందునుంచి మెత్తని చుర్ణమును గ్రహించు విదానం వివరించబడెను. ఇట్టి సుక్ష్మ చూర్ణం తయారికి 16 పర్యాయాలు ఆ రేకులను అగ్నిలో కాల్చి ముంచవలసి ఉన్నది. ఈ లొహ రేకులను చండ్రనిప్పుల బొగ్గుల మద్య నుంచి కాల్చి చల్లబడిన తరువాత మెత్తని చుర్ణమును తేనెతో సేవించవలసి ఉన్నది.అని తెలియచేయడం అయినది. అష్టాంగ హృదయం నందు నేత్ర రోగాములనుకు పాదరసం తో చేసిన అంజనం ఉపయోగించెడి విదానం తెలియజేసెను.

మహా వ్యాధి chronic disease as per Ayurveda

ఆయుర్వేదం ప్రకారం మహావ్యాధులు వాటి ఉపద్రవాలు  - 

        ఆయుర్వేదం ప్రకారం మహావ్యాధులు మొత్తం ఎనిమిది రకాలు . అవి 

 *  వాతవ్యాధి . 

 *  ప్రమేహము .

 *  కుష్ఠు రోగం .

 *  ఆర్శ రోగం . 

 *  భగంధరం .

 *  అశ్మరి రోగం . 

 *  ఉదరవ్యాధి.

 *  మూఢ గర్భము .

        అను ఈ ఎనిమిది వ్యాధులు అసాధ్యములై చికిత్స చేయుటకు కష్టముగా ఉండునట్టి మహావ్యాధులని పేర్కొనబడినది.

  అసాధ్య రోగ లక్షణాలు - 

      ఇప్పుడు చెప్పబోవు లక్షణాలు అన్నియు ఒకేసారి ఏ వ్యాధినందైనా కనిపించిన ఆ వ్యాధికి చికిత్స చేసినను ప్రయోజనం ఉండదు.   అవి 

 *  శరీరం నందలి మాంసం క్షీణించుట.

 *   శరీరం చచ్చుబడిపోవుట.

 *  దప్పిక.

 *  వాంతులు . 

 *  జ్వరం.

 *  అతిసారం.

 *  సృహ తప్పిపడిపోవుట.

 *  ఎక్కిళ్లు .

 *  ఆయాసం . 

          పైన చెప్పిన ఉపద్రవాలు ఏ మూడైనను ఒకేసారి కలిగి ఉన్న ఆ వ్యాధి చికిత్సకు లొంగదు. కావున ఆ రోగికి చికిత్స చేసినను ప్రయోజనం లేదు . 

 *  వాతవ్యాధి వలన కలుగు ఉపద్రవములు - 

     చర్మముకు స్పర్శజ్ఞానం లేకపోవుట , వణుకు, కడుపుబ్బరం, లోజ్వరం, శరీర భాగముల యందు బాధగా ఉండటం , వాతవ్యాధి గల వాని ఎముకలు విరుగుట  , ఎముకలు చిట్లుట వంటి సమస్యలు కలిగినచో ఆ వ్యాధి ఆ రోగిని నశింపచేయును .

 *  ప్రమేహ వ్యాధి వలన కలుగు ఉపద్రవములు 

      శ్లేష్మం ప్రధానమగు ప్రమేహ రోగి యొక్క శరీరం నందు ఈగలు ముసురుచుండును. పిత్తప్రమేహ రోగికి వృషణాలు వాచి ఉండును. వాత సంబంధమైన ప్రమేహరోగికి అధికంగా , ఎక్కువ సార్లు మూత్రం బయటకి వెడలును.  కొన్నిసార్లు ఈ ప్రమేహం వలన వ్రణాలు కూడా కలుగును. ఇవి ప్రాణానికి హాని చేయును .

 *  కుష్టువ్యాధి వలన కలుగు ఉపద్రవములు - 

       శరీరం చిట్లి నీరుకారుట, కళ్లు ఎర్రబడుట, కంఠస్వరం క్షీణించుట వంటి లక్షణాలు కలిగిన కుష్టురోగిని ఆ వ్యాధి నశింపచేయును.

 *  ఆర్శరోగం వలన కలుగు ఉపద్రవములు - 

        ఈ రోగమునకు సాధారణ బాషలో మొలలు అని మరొకపేరు కలదు.  దీనిలో కలుగు ఉపద్రవములు  దప్పిక, నోరు రుచి లేకుండా పోవటం ,శూల, అధికరక్తస్రావం , ఉబ్బు , అతిసారం వీటితో కూడుకొనియున్న ఆ ఆర్శరోగం రోగిని నశింపచేయును .

 *  భగంధరం వలన కలుగు ఉపద్రవములు - 

         ఈ రోగమును ఆంగ్లము నందు "ఫిస్టులా" అని పిలుస్తారు . దీనిలో కలుగు ఉపద్రవములు మలమూత్రములు, క్రిములు , శుక్రము, భగంధర వ్రణము నుండి స్రవించినచో అట్టిరోగికి చికిత్స చేయకుండా విడవలెను . దీనికి రసాయన ఔషధ సేవనయే శరణ్యం.

 *  మూత్రాశ్మరీ రోగం వలన కలుగు ఉపద్రవములు  - 

            మూత్రము రాకపోవుట, బాధ కలుగుట,బొడ్డు మరియు వృషణాల యందు వాపు , పంచదార వలే , ఇసుక వలే మూత్రం రావటం వంటి లక్షణాలు ఉన్న మూత్రాశ్మరీ రోగం ఆ రోగిని తప్పక చంపును.

 *  ఉదరరోగం వలన కలుగు ఉపద్రవములు - 

          పార్శ్వములు పగిలిపోవునంత బాధ , అన్నద్వేషము , ఉబ్బు , అతిసార విరేచనాలు , విరేచన మార్గము ద్వారా నీరు తొలగించినను మరలా ఉదరం నీటితో నిండినట్లు ఉండటం వంటి లక్షణాలు కనిపించిన ఆ రోగికి చికిత్స చేయుట వ్యర్థం .

 *  అతిసార రోగం వలన కలుగు ఉపద్రవములు  - 

         ఆయాసం , శూల, దప్పిక కలిసి శరీరం క్షీణించిన వారికి , జ్వరముచే ఎల్లప్పుడూ పీడింపబడువానికి , దోషములు అధికంగా కలుగువానికి అతిసారవ్యాధి రోగిని నశింపచేయును .

 *  రాజయక్ష్మ రోగం వలన కలుగు ఉపద్రవములు - 

         కళ్లు తెల్లబడుట, అన్నద్వేషము , ఊర్ద్వశ్వాసతో భాధపడుట, మలము అతికష్టముగా వెడలుట, మలము అధికంగా వెడలుట అను లక్షణాలు ఈ క్షయ వ్యాధి కలిగిన రోగిలో కనిపించిన ఆ వ్యాధి ఆ రోగిని చంపును.

 *  గుల్మ రోగం వలన కలుగు ఉపద్రవములు - 

          ఆయాసం , శూల, దప్పిక, అన్నద్వేషం,  శరీరం పైన గడ్డలు కదలకుండా గట్టిగా ఉండటం వంటి లక్షణాలు కలిగిన గుల్మ రోగం ఆ రోగిని చంపును.

 *  విద్రది ఉపద్రవములు - 

         కడుపుబ్బరం, వాంతులు , ఎక్కిళ్లు , దప్పిక, ఆయాసం , కలిగిన విద్రది రోగి నశించును .

 *  పాండురోగ ఉపద్రవములు - 

         తెల్లని దంతములు, గోళ్లు కలిగి పూర్తిగా తెల్లగా పాలిపోయి తెల్లని వస్తు సమూహంగా కనిపించుచుంటాడో ఆ పాండురోగగ్రస్తునికి మరణం తప్పదు.

 *  రక్తపిత్త వ్యాధి వలన కలుగు ఉపద్రవములు 

         తరచుగా రక్తం వాంతి చేసుకోవడం , కళ్లు ఎర్రగా ఉండి చూసే వస్తువు ఎర్రగా కనపడునట్టి రోగి బ్రతుకుట అసాధ్యం . 

 *  ఉన్మాదం వలన కలుగు ఉపద్రవములు - 

         శరీరం నందలి మాంసం , బలం తగ్గి నిద్రపోకుండా ఉండటం , ముఖమును క్రిందికిగాని , పైకిగాని పెట్టి మంచిచెడులు తెలుసుకోలేని స్థితిలో ఉన్న ఉన్మాదరోగి నశించును.

 *  అపస్మార రోగం వలన కలుగు ఉపద్రవములు - 

        తరచుగా సృహతప్పుట, శరీరం మిక్కిలి క్షీణించి కనుబొమ్మలు కదిలించుచూ కళ్లు వికృతిని పొందిన అపస్మార రోగి మరణించును.

 *  జ్వరం వలన కలుగు ఉపద్రవములు  - 

        మాటిమాటికి మూర్ఛపోవుట, సృహలేకుండా ఉండటం, శరీరం చల్లబడుట,లోజ్వరం కలుగుట,అటుఇటు కదలకుండా మొద్దులా పడి ఉన్న జ్వరరోగి మరణించును. అదేవిధంగా ఎక్కిళ్లు , ఆయాసం , ఎల్లప్పుడూ నిట్టూర్పూ విడుచుట, శరీరం క్షీణించుట వంటి లక్షణాలు కలిగి ఉన్ననూ ఆ జ్వరరోగి మరణించును.

      

త్రిఫల చూర్ణం ఉపయోగాలు trip gala usages

త్రిఫలా చూర్ణం  -  ఉపయోగాలు .

 *  శిరోవ్యాధులకు  - 

        త్రిఫలా చూర్ణం 30 గ్రా , పటికబెల్లం చూర్ణం 30 గ్రా కలిపి బధ్రపరచుకోవాలి. రొజూ 2 పూటలా పూటకు 10 గ్రా చొప్పున మోతాదుగా సేవిస్తూ ఉంటే తలలో పుట్టే వంద రకాల శిరోవ్యాదులు హరించి పోతాయి.

 *  మూర్చ  -  అపస్మారం  -

      త్రిఫల చూర్ణం అర టీ స్పూన్ మోతాదుగా ఒక టీ స్పూన్ తేనే కలుపుకుని రోజు సాయంత్ర సమయాలలో సేవిస్తూ ఉంటే క్రమంగా మూర్ఛ వ్యాధులు నయం అవుతాయి.

 *  కామెర్లు  -  ఉబ్బస రోగం . -

      

       ఉదయం పూట త్రిఫలా చూర్ణం కషాయం పెట్టి ఒక ఔన్స్ కషాయంలో ఒక టీ స్పూన్ అల్లంరసం , రెండున్నర గ్రాముల బెల్లం కలిపి సేవించాలి . రాత్రిపూట త్రిఫలా చూర్ణం , అతిమధురం సమంగా  కలిపి ఆ చూర్ణాన్ని 5 గ్రా మోతాదుగా మంచినీళ్ళతో వేసుకోవాలి. ఈ విధంగా రెండు వారాలపాటు ఈ ఔషధాన్ని సేవిస్తే మూర్చలు, దగ్గులు , కామెర్లు, ఉబ్బసం హరించి పొతాయి.

 *  కడుపు నొప్పుల కోరకు  - 

       త్రిఫలా చూర్ణం , అతిమధుర చూర్ణం , ఇప్పచెక్క చూర్ణం సమంగా కలుపుకుని పూటకు అర టీ స్పూన్ మోతాదుగా రెండు పూటలా నెయ్యి కలుపుకుని సేవిస్తూ ఉంటే కడుపులో వచ్చే అన్ని రకాల నొప్పులు అదృశ్యం అవుతాయి.

 *  విరేచనాలు కొరకు  - 

       త్రిఫలా చూర్ణం , కాచు చూర్ణం సమభాగాలు గా కలిపి పూటకు 1 టీ స్పూన్ మోతాదుగా మజ్జిగతో గాని , తేనెతో కాని రెండు పూటలా సేవిస్తూ ఉంటే రక్తం , జిగట, అజీర్ణ , నీళ్ల విరేచనాలు అన్ని కట్టుకుంటాయి. కాచు అనేది పచారి షాపుల్లో దొరుకును.

 *  అతిమూత్ర వ్యాదికి   - 

      త్రిఫలా చూర్ణం అర టీ స్పూన్ మోతాదుగా పావు గ్లాస్ మంచి నీళ్లలో కలిపి రొజూ పడుకునే ముందు తాగుతూ ఉంటే మూత్రంలో చక్కర తగ్గిపోయి అతిమూత్రం అరికట్టబడును.

 *  శరీరం ఉబ్బు  - 

       50 గ్రా త్రిఫలా కషాయంలో రెండు గ్రా గో మూత్ర శిలాజిత్ భస్మం కలిపి పూటకు ఒక మోతాదుగా రెండు పూటలా తాగుతూ ఉంటే ఇంత అసాధ్యం ఐన ఉబ్బురోగం హరించి పొతుంది.

 *  కామెర్ల వ్యాధి  నివారణ  - 

        10 గ్రా త్రిఫల రసంలో కొంచం తేనే కలిపి రెండుపూటలా ఇస్తూ ఉంటే కామెర్ల వ్యాధి హరించును.

 *  పైత్య రోగాలు   - 

       ప్రతిరోజూ 2 పూటలా అర టీ స్పూన్  త్రిఫలా చూర్ణం లో ఒక టీ స్పూన్ తేనే కలిపి సకల పైత్య రోగాలు హరించి పొతాయి.

 *  యోని దుర్వాసన  కొరకు  - 

       త్రిఫల కషాయంలో ప్రతిరోజు మూడు పూటలా స్త్రీలు తమ యోనిని కడుగుతూ ఉంటే భోజనంలో తీపి పదార్దాలు కొంచం ఎక్కువుగా తింటూ ఉంటే యోని దుర్గంధం హరించిపొయి భర్తకు ఇష్టులవుతారు.

 *  దగ్గుల కొరకు   - 

       త్రిఫలా చూర్ణం , శోంటి , పిప్పిళ్ళు , మిరియాలు కలిపిన దానిని త్రికటుక చూర్ణం అంటారు. ఈ రెండు  చుర్ణాలని కలిపి పూటకు అర టీ స్పూన్ మోతాదుగా తేనెతో కలిపి  సేవిస్తూ ఉంటే పొడిదగ్గు , నసదగ్గు, కళ్ళే దగ్గు, కళ్లెలో రక్తం పడే దగ్గు ఇలా అన్ని రకాల దగ్గులు అంతం అయిపోతాయి. 

            పైన చెప్పిన శొంటి , పిప్పిళ్ళు , మిరియాలు త్రిఫలా చూర్ణం తో కలిపే ముందు విడివిడిగా దొరగా వేయించుకొని చూర్ణం చేసుకొవాలి .

  కంటి మసకలకు  - 

   

     త్రిఫల చూర్ణం 30 గ్రా , మూడు లీటర్ల మంచి నీళ్లతో కలిపి ఒక లీటరు నీరు మిగిలేవరకు సన్నని సెగ మీద మరిగించి వడపోసి ఆ లీటరు కషాయంలో అర లీటరు పాలు , పావు కిలొ నెయ్యి కలిపి పొయ్యి మీద పెట్టి నెయ్యి మాత్రం మిగిలేవరకు మరిగించాలి. ఈ నెయ్యిని ప్రతిరోజు రెండు పూటలా పూటకు ఉసిరికాయంత మోతాదుగా తింటూ ఉంటే కంటి మసకలు తగ్గిపొయి దృష్టి పెరుగుతుంది.

  *  సిగిరెట్లు తాగడం వలన వచ్చే నోటి దుర్వాసన -

       త్రిఫలా చూర్ణం , సన్నజాజి ఆకులు సమంగా కలిపి మంచినీళ్ళలో వేసి సగానికి మరిగించి కషాయం కాచి ఆ కషాయం తో రోజుకీ రెండు మూడు సార్లు పుక్కిలిస్తూ ఉంటే పొగ త్రాగటం వలన వచ్చే నోటి దుర్వాసన పొతుంది.

గోమూత్రం విశేషాలు gomootra important

బాబూ ! ఉదయం లేచి కొంచెం గోధనం త్రాగండి అంటే “ఛీ అసహ్యం” అంటారు మీరు .

.

ఒక్కసారి దానివలన కలిగే లాభాలు చదవండి . అందులో ఏమేమి ఉన్నాయో చదవండి .

ఎన్ని వ్యాధులను తగ్గించగలదో ఒక్క సారి చదవండి .

వీలయితే ప్రింట్ తీసి పది మందికీ పంచండి .

.

గో ఆర్క్ అని పిలువబడే ఔషధం గోమూత్రాన్ని డిస్టిలేషన్ చెయ్యడం వలన లభిస్తుంది .

అంటే గోమూత్రాన్ని సేకరించి దాన్ని వడగట్టి , మరగబెట్టి ఆవిరిని చల్లార్చడం వలన వస్తుంది .

ఇది గోమూత్రం తో పోల్చితే చాలా స్ట్రాంగ్ గా ఉంటుంది .

దీనిని అలాగే తీసుకోకూడదు . ఎంత గోమూత్రం తీసుకుంటున్నారో దానికి అయిదింతలు నీరు చేర్చి తీసుకోవాలి .

.

ఈ గో ఆర్క్ వలన ప్రయోజనాలు

.

ఇది సర్వ రోగ నివారిణి . అధిక ప్రయోజనం చేకూర్చే కొన్ని వ్యాధులను గురించి చర్చిద్దాం

1. బరువును తగ్గిస్తుంది . ఉదయం లేవగానే దంత ధావనం ముగించి మీరు 10 ఎం ఎల్ నుండి 3 0 ఎం ఎల్ గో ఆర్క్ ను 100 నుండి 150 ఎం ఎల్ నీటితో చేర్చి తీసుకోండి . నెలకు రెండు మూడు కిలోల బరువు తగ్గుతారు

.

.

2. ఇది కొలెస్ట్రాల్ ను గణనీయంగా తగ్గిస్తుంది .

.

3. మీ నడుము నొప్పి , మోకాళ్ళ నొప్పి వంటి వాత రోగాలకు ఇది మంచి ఫలితాన్ని ఇస్తుంది

.

4. ఇది అంటి ఆక్సిడెంట్ గా పని చేసి మీ బలహీనతను దూరం చేస్తుంది . వృద్ధాప్య లక్షణాలను తగ్గిస్తుంది

.

5. మిమ్మల్ని డీ టాక్సిఫై చేస్తుంది . ఆధునిక మందుల వలన శరీరానికి కలిగే నష్టాన్ని నివారిస్తుంది

.

6. మధుమేహం వలన కలిగే ఇతర నష్టాలను నివారిస్తుంది . మధుమేహానికి కూడా పనిచేస్తుంది

.

7. గౌట్ , ఒడేమా -- శరీర భాగాల వాపులను తగ్గిస్తుంది

.

8. శరీరం లో పాడయిన కణాలనూ కణజాలాన్నీ తిరిగి పునరుజ్జీవింప చేస్తుంది

.

9. కాన్సర్ ,ఎయిడ్స్ వంటి వ్యాధుల వలన కలిగిన నష్ట పోయిన కణాలను తిరిగి పునరుజ్జీవింప చేయ్యడం లో ప్రముఖ పాత్ర పోషిస్తుంది

.

10. జీర్ణ సంబంధ వ్యాధులను ( అజీర్తి , ఎసిడిటీ ) నిర్మూలిస్తుంది

.

11. రుతుక్రమాన్ని క్రమ పరుస్తుంది

.

12. మూత్ర సంబంధ వ్యాధులను తగ్గిస్తుంది

.

13. జ్ఞాపక శక్తిని మెరుగుపరుస్తుంది

.

14.గోమూత్రం మూత్రపిండవ్యాధులు, కుష్ఠు, బొల్లి, దగ్గు, గజ్జి, పైల్సు, పాండు, పచ్చకామెర్లు, శ్వాసవ్యాధులు, కర్ణశూల, ముఖ, ఉదర వ్యాధులు ఎన్నింటినో పోగొట్టగలదు..

15. ఆవుదూడ మూత్రం క్షయరోగానికి చికిత్స. గోమూత్రంతో తడిపిన పట్టీని వ్రణాలకు వేస్తూ ఉంటే కేన్సరు, రాచపుండు కూడా తగ్గుతాయి.

.

గవ్యం పవిత్రం చ రసాయనం చ పత్యం చ హృద్యం బలం బుద్ది స్యత ఆయు : ప్రదం రక్త వికార హరి త్రిదోష హృద్రోగ విషాపహంశ్యత

MEANING గోమూత్రం అమృతం మంచి ఆహారం గుండెకు మంచిది మానసిక శారీరక ఆరోగ్యదాయని ఆయుర్దాయని పైత్య నివారిణి కఫాన్నీ వాయువును తగ్గిస్తుంది గుండె జబ్బులు తగ్గిస్తుంది . విషాన్ని హరిస్తుంది . ఈ రోజు ఎయిడ్స్ ను కూడా తగ్గిస్తుంది

Today many AIDS patients are taking cow urine therapy

.

మైగ్రేన్ తో పదిహేను సంవత్సరాలు బాధ పడుతున్నవ్యక్తి గోమూత్రం తో ఆరు నెలల్లో పూర్తిగా తగ్గించుకున్నారు . మానసిక వత్తిడి తగ్గించుకోడానికి జ్ఞాపక శక్తి పెరగడానికీ గోమూత్రం మంచి ఫలితాన్ని ఇస్తుంది

.

గత కొన్ని సంవత్సరాలు పాటు పరిశోధన చేసి లక్షా ఏభై వేల మంది కి ట్రీట్మెంట్ ఇచ్చిన cow urine Treatment and Research Center, Indore వారి ట్రీట్మెంట్ లో 86 నుండి 90 శాతం మందికి మలబద్ధకం పూర్తిగా తొలగిపోయింది .

మనకు తెలుసు మలబద్ధకం లేకపోతే చాలా వ్యాధులు పూర్తిగా నయం అవుతాయి ( చాలా వ్యాధులకు మూలకారణం మలబద్ధకం ) . ఒక నెలలోనే పూర్తి ఆరోగ్యం పొంది మలబద్ధకం నుండి విముక్తి చెందాను అన్నవారు ఉన్నారు .

.

1. గోమూత్రం అనేక మైన సూక్ష్మ జీవులను చంపగలదు(amazing germicidal power ) . అందువలన సూక్ష్మ జీవుల వలన కలిగే అన్ని వ్యాధులను గోమూత్రం పోగొడుతుంది

.

2. ఆయుర్వేదం ప్రకారం గోమూత్రం త్రిదోష హరం . అంటే వాతాన్నీ కఫాన్నీ పిత్తాన్నీ కూడా సమపాళ్ళల్లో ఉంచుతుంది . అందువలన అన్ని వ్యాధులనూ పోగోట్టగలదు.

. గోమూత్రం లివర్ పనితీరును మెరుగుపరుస్తుంది . అందువలన రక్తం శుద్ది అయ్యి వ్యాధులను ఎదుర్కోగలిగే శక్తి పెరుగుతుంది

.

4. మనశరీరం లో కొన్ని సూక్ష్మ పోషకాలు ఉంటాయి . ఇవి మూత్రం ద్వారా పోతూ ఉంటాయి. అందువలన మనలో వృద్ధాప్య లక్షణాలు పెరుగుతూ ఉంటాయి . ఇవే సూక్ష్మ పోషకాలు గోమూత్రం ద్వారా మనకు అందడం వలన మనలో వృద్ధాప్య లక్షణాలు నివారింపబడతాయి . అందుకే గోమూత్రాన్ని అమృతం అంటారు . గోమూత్రం జీవనదాయని

5. గోమూత్రం లో రాగి , బంగారం వంటి ఖనిజ లవణాలు ఉన్నాయి . అవి మన శరీరం లోని ఖనిజలవణాల లోపాన్ని పూడుస్తాయి . వ్యాదిరహితంగా మన శరీరం తాయారు అవుతుంది

.

.

6. మానసిక ఒత్తిడి మన నాడీ వ్యవస్థను దెబ్బతీస్తుంది . గోమూత్రాన్ని మేధా , హృద్య అంటారు. అంటే అది మన మెదడుకూ , గుండెకూ బలాన్ని చేకూరుస్తుంది. అందువలన మానసిక ఒత్తిడి తగ్గడం గుండె పనితీరు మెరుగు పడడం జరిగి గుండె వ్యాధులూ , మానసిక ఒత్తిడీ తగ్గుతాయి

.

7. మనం అధికంగా వాడే మందులు మన శరీరం లో తిష్ట వేసుకుని శరీర ఆరోగ్యాన్ని దెబ్బతీస్తాయి ఈ మిగిలిపోయిన మందుల వలన మనకు వ్యాధులు కలుగుతున్నాయి . దీనినే మనం సైడ్ ఎఫెక్ట్స్ అంటున్నాము . గోమూత్రం ఈ అధిక మోతాదులను శరీరం నుండి బయటకు పోయేలా చేస్తుంది . దానివలన మీరు వ్యాదులనుండి విముక్తి పొందవచ్చు .

.

8. మన పరిసరాల్లో ఉన్న ప్రాణశక్తిని [ electric currents (rays) ] గ్రహించడానికి మన శరీరం లో గోమూత్రం ద్వారా రాగి ని శరీరానికి అందించి ఆరోగ్యాన్ని పొందవచ్చు . రాగి శరీరానికి తగినంత గోమూత్రం ద్వారా అందించగలం .

.

9. గోమూత్రం త్రాగడం ద్వారా సాధుత్వం పెరుగుతుంది . అందువలన మనం మానసికంగా స్థిర చిత్తులమై ఉంటాము . మానసిక దౌర్బల్యం వలన అనేక రోగాలను కొని తెచ్చుకుంటున్నాము . వాటినుండి విముక్తి పొందవచ్చు cow urine provides mode of goodness . Thus helps us to perform correct acitvities by mind . Thus protects from diseases .

.

10. గోమూత్రం లో గంగా మాత ఉంది అని పెద్దలు అంటారు . గత జన్మల దోషాలను కూడా పావన గంగ పోగొట్టగలదు అంటారు . అందువలన గోమూత్ర సేవనం వలన ప్రశాంత చిత్తం ఏర్పడుతుంది చిత్తం ప్రశాంతం అయితే శరీరం ఆరోగ్యవంతం అవుతుంది

.

11. గోమూత్రం విష హరి . అంటే విషాలను హరిస్తుంది . మన శరీరం లో ఉన్న టాక్సిన్స్ ను పోగొట్టడం వలన మనం ఆరోగ్యవంతులం అవుతాము

12 . సర్వే రోగాహి మందాగ్నౌ .. అంటారు . అంటే రోగాలకు కారణం మందాగ్ని . అంటే సరిగా జీర్ణం కాకపోవడం . గోమూత్రం ఈ మందాగ్నిని నివారిస్తుంది . జీర్ణ శక్తిని పెంచుతుంది .

chemical description of cow urine as per modern concepts and cure of deseases ccordingly .

chemical contents of cow urine

1. Nitrogen: దీని వలన రక్తం లోని దోషాలు తొలగింపబడతాయి . మూత్ర సంబంధ అవయవాలలోని దోషాలను సరి చేస్తుంది . కిడ్నీలను సరిగా పని చేసేలా చేస్తుంది .

.

2. Sulphar: పెద్దపెగులలో కదలికలను మెరుగుపరుస్తుంది . రక్తాన్ని శుద్ది చేస్తుంది

3. Ammonia: శరీరం లో మ్యూకస్ , బైల్, గాలి లను క్రమబద్ధం చేస్తుంది . రక్తాన్ని స్టెబిలైజ్ చేస్తుంది.

4. copper: అధిక కొవ్వులను కరిగిస్తుంది

.

6. Iron ఎర్ర రక్తకణాల అభివృద్ధికీ హిమోగ్లోబిన్ పెరగడానికీ సహకరించి శక్తిని పెంచుతుంది

.

7. urea: మూత్రం తయారవ్వడానికి విసర్జించడానికి ఉపయోగపడుతుంది . క్రిమి నాశని

.

8. Uric Acid: గుండె పెరుగుదల (Enlargemenment ను నివారిస్తుంది . మూత్ర విసర్జన సాఫీగా జరిగేలా చేస్తుంది . టాక్సిన్స్ ను బయటకు పోయేలా చేస్తుంది

.

9. .Phosphate: మూత్రాశయం లో రాళ్ళను తొలగించడం లో సహకరిస్తుంది

Sodium రక్త శుద్ది చేస్తుంది . ఎసిడిటీ తొలగిస్తుంది

.

10. Potassium: వంశపారం పర్య కీళ్ళ నొప్పులను కూడా తగ్గిస్తుంది . ఆకలిని పెంచుతుంది . కండరాలను పెంచుతుంది . బద్ధకం తోలగిస్తుంది

.

11. Manganese: కీటకనాశిని . గాంగ్రీన్ ను నివారిస్తుంది.

.

12. Carbolic Acid : కీటకనాశిని . గాంగ్రీన్ వలన ఏర్పడిన నష్టాన్ని నివారిస్తుంది

.

13. Calcium: క్రిమి నాశని  రక్త శుద్ది చేస్తుంది . ఎముకల పటిష్ట పరుస్తుంది

.

14. Salt: క్రిమి నాశని . రక్తం లో ఎసిడిటీ ని కూడా తగ్గ్గిస్తుంది

.

15. Vitamins A,B,C, D,E ముఖ్యమైన విటమినులు ఇవి

.

16. Minerals: ఇమ్యూనిటీ పెంచుతాయి

.

17. Lactose: ఒత్తిడిని తగ్గించడం  తృప్తిని కలిగించడం హృదయ దౌర్బల్యం పోగొట్టడం దాహాన్ని పోగొట్టడం చేస్తుంది

.

18. Enjymes జీర్ణ వ్యవస్థను సక్రమంగా చేసి ఇమ్యూనిటీ పెంచుతాయి.

19.Water. నీరు జీవన దాయని రక్తం పలుచగా ఉండేట్టు చేయడం శరీర ఉష్ణోగ్రత క్రమ పరచడం చేస్తుంది

.

20.Hipuric Acid: మూత్రం ద్వారా టాక్సిన్స్ బయటకు పోయేట్టు చేస్తుంది

.

21. Creatinin క్రిమి నాశని

.

22. Aurum Hydroxide:క్రిమి నాశని ఇమ్యూనిటీ పెంచుతుంది . అంటీ బయాటిక్ అంటి టాక్సిక్

.

గోవును రక్షించడం అంటే మనలను మనం కాపాడుకోవడం

అని తెలిసిన రోజున గానీ విషయ పరిజ్ఞానం లేని వారికి అర్ధం కాదు .

.

మన మెదళ్ళు మెకాలే చెప్పిన విషయాలు తప్ప ఇతర విషయాలను గురించి ఆలోచించడం మానేసి అది విజ్ఞానం కాదు అనే స్థితికి చేరాయి.

.

గోవు పాలు మాత్రమె కాదు మూత్రమూ , పేడ కూడా చాలా విలువైనవి .

అవి వట్టిపోయిన ఆవు నుండి కూడా వస్తాయి కనుక వాటిని కబేళాలకు తరలించకండి మీ వీరభధ్ర 

.

మీకు గానీ ఇతరులకు గానీ ఉపయోగిస్తుంది అనిపిస్తే దాచుకోండి . ప్రింట్ తీసుకోండి . పంచండి .

.

ఒక మంచి పని చేశాను అనే ఆత్మ తృప్తి కలుగుతుంది .