అన్ని రకాల వెన్నుముక సమస్యలు (spinal disorders) - అద్భుతమైన ఆయుర్వేద నివారణా మార్గాలు:*

✍️ *అన్ని రకాల వెన్నుముక సమస్యలు (spinal disorders) - అద్భుతమైన ఆయుర్వేద నివారణా మార్గాలు:*

👉మన శరీరంలో అత్యంత ముఖ్యమైన, సున్నితమైన భాగం ఈ వెన్నుముక. దీనికి ఏ చిన్న గాయమైనా ప్రాణం విలవిల్లాడుతుంది. రోజువారీ పనులపై కూడా ప్రభావం చూపుతుంది. అయితే, వెన్నెముక సమస్యలను వెంటనే గుర్తించలేం. సమస్య వచ్చిన తర్వాత తగ్గించలేం. అందుకే, మొదటి నుంచి మనం జాగ్రత్తగా వ్యవహరించాలి.

👉వయసుతో సంబందం లేకుండా చాలామంది మంది తమ జీవితంలో ఏదో ఒక సమయంలో నడుము నొప్పితో బాధపడుతుంటారు. వీరిలో ఎక్కువమంది ఏదో ఒక పెయిన్ కిల్లర్ వేసుకుని ఊరుకుంటారు. చాలా సందర్భాల్లో ఈ నొప్పి దానికదే తగ్గిపోతుంది. కానీ వెన్నుపాములో సమస్య ఉంటే మాత్రం అది తీవ్ర పరిణామాలకు దారితీస్తుంది. నిర్లక్ష్యం చేస్తే కాళ్లు చచ్చుబడిపోయే ప్రమాదం కూడా ఉంది. 

👉కండరాలకు సంబంధించిన సాధారణ సమస్య నుంచి మూత్రపిండాలలో రాళ్లదాకా నడుము నొప్పికి కారణాలు చాలా ఉన్నాయి.

✍️ *నొప్పికి ముఖ్య కారణం డిస్క్(disc problem):*

👉శరీరానికి ఒక ఆకృతి రావడానికి ఉపయోగపడే వెన్నుపాములో 29 వెన్నుపూసలు ఉంటాయి. 

👉మెడ భాగంలో C1 నుంచి C7 వరకు మొత్తం ఏడు వెన్నుపూసలు, ఆ తరువాత రొమ్ము భాగంలో ఉండే పన్నెండు వెన్నుపూసలు D1 నుంచి D12. ఇక నడుము భాగంలో ఉండే వెన్నుపూసలు అయిదు. అవి L1 నుంచి L5. ఆ తరువాత కాలి ఎముకలకు ముందు ఉండే వెన్నుపూసలను S1 నుంచి S5 గా పిలుస్తారు. 

👉ప్రతి రెండు వెన్నుపూసల మధ్య మెత్తని గిన్నె లాంటి నిర్మాణం ఉంటుంది. దీన్నే డిస్క్ (Intervertebral disc) అంటాం.

👉 దీని పై భాగం గట్టిగా ఉన్నా లోపల జెల్లీలాంటి పదార్థం ఉంటుంది. 

👉డిస్కులు వెన్నుపామును షాక్స్ నుంచి రక్షిస్తాయి. డిస్కులు జారడం వల్ల గానీ, అవి అరిగిపోవడం వల్ల గానీ నొప్పి మొదలవుతుంది. 

👉వెన్నుపూసల నుంచి బయలుదేరే నాడులన్నీ కలిసి పిరుదుల భాగంలో ఒక్క నాడిగా ఏర్పడి కాలి కింది భాగంలోకి వెళతాయి. ఈ నరాన్నే సయాటిక్ నరం అంటారు. డిస్కులో సమస్యలున్నప్పుడు ఏర్పడే ఏ నడుంనొప్పి అయినా ఈ సయాటిక్ నరం గుండా కాలిలోకి పాకుతూ వెళుతుంది. అందుకే డిస్కుల వల్ల కలిగే ఈ నడుంనొప్పిని సయాటికా (Sciatica) నొప్పి అని కూడా అంటారు.

✍️ *డిస్క్ జారడం (slipped disc):*

👉రెండు వెన్నుపూసల మధ్య ఉండే డిస్కు జారడాన్నే డిస్క్ ప్రొలాప్స్ (Disc prolapse) లేదా స్లిప్‌డ్ డిస్క్ (Slipped disc) అని గానీ అంటారు.

👉 డిస్కు జారడమంటే గిన్నె లాంటి నిర్మాణం మొత్తం పక్కకు జారిపోతుందని అనుకుంటారు. కానీ డిస్కు పై భాగంలో పగులులా ఏర్పడి లోపలున్న జెల్లీ పదార్థం బయటకు వస్తుంది. ఇది డిస్కు వెనుక ఉన్న స్పైనల్ నరంపై ఒరిగిపోతుంది. దానివల్ల నరం ఒత్తిడికి గురయి నొప్పి వస్తుంది. 

👉ఏ వెన్నుపూసల మధ్య ఉన్న డిస్కు జారిందన్న దాన్ని బట్టి దాని వల్ల కనిపించే నొప్పి లక్షణాలు కూడా వేరుగా ఉంటాయి. లక్షణాలను బట్టి ఏ డిస్కు జారివుంటుందో కూడా చెప్పవచ్చు.

👉ఉదాహరణకి L4, L5 వెన్నుపూసల మధ్య ఉండే డిస్కు జారినప్పుడు తొడ భాగంలో పక్కవైపు నుంచి కాలు కింది వరకూ నొప్పి ఉంటుంది. నడుంనొప్పి కన్నా కాళ్లలో నొప్పి ఎక్కువగా ఉంటుంది. ఒక్కసారిగా పక్కకు తిరగడం, బరువు ఎత్తడం, వంగడం వల్ల నొప్పి మొదలవుతుంది.

👉 ఒక్కసారిగా కూర్చున్న చోట నుంచి లేచినా డిస్కు స్లిప్ అవుతుంది. జెర్క్ ఉన్న ఏ కదలిక వల్లనైనా డిస్కు జారవచ్చు. 

👉L5, S1 మధ్య ఉన్న డిస్కు జారితే తొడ వెనుక భాగం అంటే వెనుక వైపు తొడ నుంచి కాలి పాదం వరకూ నొప్పి ఉంటుంది.

✍️ *డిస్కు అరుగుదల:*

👉డిస్కు అరిగిపోవడం ప్రారంభమైన తొలిదశలో నడుంనొప్పి అంత తీవ్రంగా ఉండదు. తరువాత ఎక్కువ అవుతుంది. ఎక్కువ సేపు కూర్చున్నా, నిల్చున్నా నొప్పి ఎక్కువ అవుతుంది. విశ్రాంతిగా ఉన్నప్పుడు తక్కువ అవుతుంది. 

👉డిస్కు అరుగుతున్నకొద్దీ సమస్య తీవ్రం అవుతుంది. డిస్కు అరిగిపోవడంతో రెండు వెన్నుపూసలు గీరుకుంటాయి. నరం ఒత్తిడికి గురవుతుంది. 

✍️ *స్పాండైలో లిస్థెసిస్ (spondylolisthesis):*

👉వయసురీత్యా కలిగే మార్పులలో వెన్నుపూసలు పక్కకు జరిగిపోవడం (స్పాండైలో లిస్థెసిస్) కూడా ఒకటి. 

👉చిన్న వయసులోనే వెన్నుపూసలు జరిగిపోయాయంటే మాత్రం ప్రమాదాలే కారణం. యాక్సిడెంట్ వల్ల వెన్నుపూసల వెనుక ఉండే లింకులో ఫ్రాక్చర్ వల్ల వెన్నుపూసలు పక్కకు జరుగుతాయి. ఇలాంటప్పుడే నడుంనొప్పి స్థిరంగా ఉంటుంది. 

👉ఇదీ సయాటికా నొప్పే. నిటారుగా ఉన్నవాళ్లు పక్కకు తిరిగినప్పుడు నొప్పి ఎక్కువ అవుతుంది. కింద కూర్చుని పైకి లేచేటప్పుడు కూడా నొప్పి పెరుగుతుంది. రెండు కాళ్లలోనూ నొప్పి ఉంటుంది. ఆడవాళ్లలో ఈ రకమైన నడుంనొప్పి ఎక్కువగా కనిపిస్తుంది.

✍️ *స్పైన్ ఇన్‌ఫెక్షన్(spine infection):*

👉వెన్నుపాము ఇన్‌ఫెక్షన్లలో అతి సాధారణంగా కనిపించేది క్షయ. ఎముక టిబి వల్ల కూడా కనిపించే ముఖ్య లక్షణం నడుంనొప్పే. ఎముక టిబి ఉన్నవాళ్లలోరావూతిపూట నొప్పి ఎక్కువగా ఉంటుంది. నొప్పితో పాటు జ్వరం ఉంటుంది. బరువు తగ్గిపోతారు. ఆకలి ఉండదు. చెమట ఎక్కువగా పడుతుంది. టిబి వల్ల నరాలు దెబ్బతిని కాళ్లు చచ్చుబడిపోయే అవకాశం కూడా ఉంది.

✍️ *స్పైన్ ట్యూమర్స్(spine tumors)*

👉వెన్నుపాము కింది ఎముకలో క్యాన్సర్ కణుతులు ఏర్పడినప్పుడు కూడా నడుంనొప్పి ఉంటుంది. ఆకలి తగ్గుతుంది. బరువు తగ్గుతారు. కానీ జ్వరం మాత్రం ఉండదు.

✍️ *సాగిటల్ ఇంబ్యాపూన్స్(Sagittal Imbapoons):*

👉అయిదు పదులు దాటిన తరువాత కొంతమంది మెల్లమెల్లగా ముందుకు వంగిపోతారు. వెన్నుపాము నిర్మాణంలో తేడా రావడం వల్ల పిరుదులు, తొడ భాగాల్లో నొప్పిగా ఉంటుంది. పడుకుని ఉన్నప్పుడు నొప్పి ఉండదు. వెన్నుపామును సాధారణ స్థితికి తేవడానికి కండరాలన్నీ ప్రయత్నించడం వల్ల నొప్పి మొదలవుతుంది.

👉90 శాతం మంది జీవితంలో ఏదో ఒక సమయంలో నడుంనొప్పితో బాధపడతారు. వీరిలో 80 శాతం మందికి ఆరువారాల్లోగా నొప్పి తగ్గిపోతుంది. మిగిలిన 20 శాతం మంది మాత్రం తీవ్రమైన నడుంనొప్పితో నిత్యం బాధపడుతుంటారని అంచనా. వీరిలో 10 శాతం మందికి మాత్రం ఆపరేషన్ అవసరం అవుతుందని అమెరికా అధ్యయనాలు తెలుపుతున్నాయి. అమెరికాలాంటి దేశంలోనే గణాంకాలు ఇలా ఉంటే ఇక మన ఇండియాలాంటి దేశంలో ఈ సమస్య మరింత ఎక్కువనే చెప్పాలి.

✍️ఇతర కారణాలు:

👉కొన్ని సందర్భాల్లో నడుము నొప్పి ఉన్నప్పటికీ దానికి వెన్నుపాముతో ఎటువంటి సంబంధం ఉండదు. అలాగని అశ్రద్ధ చేయడం పనికిరాదు. ఇలాంటప్పుడు ఇతరత్రా సమస్యలేవైనా ఉండవచ్చు. అయితే నొప్పి లక్షణాన్ని బట్టి అది ఏ అవయవానికి సంబంధించిన సమస్యో కొంతవరకు నిర్ధారించవచ్చు.

👉కిడ్నీలో రాళ్లు ఉన్నప్పుడు కూడా నడుంనొప్పి ఉంటుంది. అయితే ఇది అలా వచ్చి ఇలా పోతుంది. వచ్చినప్పుడల్లా పది నుంచి 30 నిమిషాలు మాత్రమే ఉంటుంది. నొప్పితో పాటు మూత్రంలో మంట ఉంటుంది. నొప్పి ఒకేచోట ఉంటుంది. కాళ్లలోకి పాకదు. ఒక్కోసారి కిడ్నీలో నీళ్లు నిండిపోయినప్పుడు (హైవూడోనెవూఫోసిస్) కొంచెం నొప్పిగా అనిపిస్తుంది. దీంతోపాటు మూత్రం తక్కువ లేదా ఎక్కువ సార్లు రావడం, ఇతరత్రా మూత్ర విసర్జనలో ఇబ్బందులు ఉంటాయి.

👉వెన్నెముక కాకుండా కేవలం కండరాలకు సంబంధించిన నొప్పే అయితే గనుక ఆ కండరాన్ని ఉపయోగించినప్పుడు మాత్రమే నొప్పి ఉంటుంది. ఆ కండరం ఒత్తిడికి గురయ్యేలా బరువు ఎత్తినా, పక్కకు తిరిగినా నొప్పి ఉంటుంది.

👉పాంక్రియోటైటిస్ లాంటి జీర్ణవ్యవస్థ సంబంధమైన సమస్యలున్నప్పుడు బొడ్డు నుంచి వెనక్కి నొప్పి వ్యాపిస్తుంది.

👉గర్భాశయం, ఓవరీలలో సమస్యలున్నప్పుడు పెల్విక్ ఇన్‌ఫ్లమేటరీ డిసీజ్ (పిఐడి) సమస్య వల్ల పిరుదుల భాగంలో నొప్పి, బరువుగా ఉన్నట్టు అనిపిస్తుంది. ఈ నొప్పితో పాటు రుతు సంబంధ సమస్యలుంటాయి..

✍️ *వెన్నుముక సమస్యలకు ఆయుర్వేద గృహ చిట్కాలు:*

👉ఆయుర్వేద రస శాస్త్రంలో గుగ్గులుతో కూడిన మూలికా మిశ్రమాలతో కలిగిన ఔషధాలు ఉన్నాయి. ఇందులో కాంచన, త్రిఫల, త్రయోదశాంగ, కైశోర, నవక, పంచతిక్త, అమృతాది, గోక్షురాది, మహారాజ, సింహనాద, రాన్సాది గుగ్గులు ఉన్నాయి. ఇవి కీళ్లవాతం, సంధివాతం, వెన్నుముక సమస్యలు, చర్మరోగాలు, కొలెస్ట్రాల్‌ తగ్గిస్తాయి. 

👉ఆయుర్వేద ఔషధ మూలికల్లో శొంఠిపొడి, నల్లనువ్వులు, ఆముదం చెట్టు బెరడు, గింజలు, వేర్లు, కరక్కాయ, తిప్పతీగ, నల్లేరు, పారిజాతం మొక్క, మెంతాకు, రావి చెక్క, వావిలి, మునగాకు ముఖ్యమైనవి. నియామానుసారం ఆహార, విహార, రుతు నియమాలు పాటిస్తే అనారోగ్యం దరిచేరకుండా చూసుకోవచ్చు

👉ప్రభావవంతమైన మార్గాలలో నొప్పి లేదా ఉద్రిక్తమైన కండరాలను సున్నితంగా మసాజ్ చేయడం మంచిది.

👉నడుము నొప్పితో బాధపడేవారికి వ్యాయామాలు మంచివి. కండరాలను పునరుద్ధరించడంలో సహాయపదుతుంది మరియు తదుపరి నొప్పి నుండి మిమ్మల్ని రక్షించవచ్చు. కొన్ని వ్యాయామాలు (మైదానంలో నడవడం, నిలబడి వంగిగడం ,కోబ్రా భంగిమ మొదలైనవి) లక్షణాలను తగ్గించగలవు. 

👉వెన్నునొప్పిని తగ్గించడానికి వేడి మరియు శీతల కాపడాలు మంచి మార్గాలు . గాయం అయిన వెంటనే, స్ట్రెయిన్ వంటి వాటిని ఉపయోగించినప్పుడు ఐస్ ప్యాక్‌లు మరింత ప్రయోజనకరంగా ఉంటాయి. టవల్‌లో చుట్టిన ఐస్ ప్యాక్‌ను నేరుగా నొప్పి ఉన్న ప్రాంతంలో పెట్టడం వల్ల మంట తగ్గుతుంది. హీటింగ్ ప్యాడ్ గట్టి లేదా బాధాకరమైన కండరాల నుండి ఉపశమనం పొందవచ్చు. ఏదైనా హీటింగ్ ప్యాడ్‌లోని సూచనలను చదివి, అనుసరించాలి మరియు అది చాలా వేడిగా లేదని నిర్ధారించుకోవడానికి ఉష్ణోగ్రతను పూర్తిగా పరీక్షించాలి.

పై సమస్యతో బాధపడుతున్న మిత్రులకు మా వద్ద అద్భుతమైన శాశ్వత పరిస్కారం చూపే సూచనలు మరియు మందులు కలవు. మీ యొక్క సమస్య తీవ్రతను మాకు వాట్సప్ ద్వారా తెలియజేసి మేము ఇచ్చే సలహాలను మరియు నియమాలను పాటించండి. అవసరాన్ని బట్టి మందులను తీసుకోండి.