𝗦𝗲𝗰𝗿𝗲𝘁 𝗼𝗳 𝗛𝗮𝗽𝗽𝗶𝗻𝗲𝘀𝘀....*

*𝗦𝗲𝗰𝗿𝗲𝘁 𝗼𝗳 𝗛𝗮𝗽𝗽𝗶𝗻𝗲𝘀𝘀....*

*ఈమధ్య ప్రతిరోజూ ఉదయాన్నే ఇంట్లో నేను మా ఆవిడ కలిసి కూర్చొని కబుర్లు చెప్పుకుంటూ కాఫీ తాగటం అలవాటు గా మారింది.*

*మొన్నామధ్య ఉదయాన్నే నేను పేపర్ చదువుకుంటూన్నప్పుడు కాఫీ కలుపుకుని వచ్చి ఓ కప్పు నాకందిస్తూ నా పక్కన కూర్చొంది మా ఆవిడ.*

*"ఏమిటోనండి ! జీవితం ఆనందంగా లేదు"అంది.*

*ఆశ్చర్యంతో ఆమె వైపు చూశాను. ఆమెకు ఏమి లోటు ఉంది ?*

*"ఎందుకు అలా అనిపిస్తోంది?" అని అడిగాను.*

*"అందరూ అంటారు నాకు అన్నీ ఉన్నాయి అని.. కానీ నాకు ఎందుకో సంతోషంగా మాత్రం లేదు" ఆమె జవాబు.* 

*అదే ప్రశ్న నాకు నేను వేసుకుంటే నా జవాబు కూడా అలాగే అనిపిస్తోంది.*

*ఆలోచిస్తే కారణం ఏమీ కనిపించడం లేదుకానీ నేను కూడా సంతోషంగా లేను.*

*వెతకడం మొదలుపెట్టాను. ఎందరినో అడిగాను. సమాధానాలు తృప్తిని కలిగించలేదు.* 

*చివరికి ఒక ఎండోక్రినాలోజిస్ట్ డాక్టరు మితృడు  చెప్పిన సమాధానం నా ప్రశ్నలు అన్నిటికీ సమాధానం ఇచ్చింది.*

*ప్రపంచం లో అత్యంత ఆనందకరమైన వ్యక్తులయ్యేందుకు అవి మీతో పంచుకుందా మనిపించింది.*

_*మీ కోసం ఆ వివరాలు :*_

*మనిషి ఆనందాన్ని నిర్ణయించే హార్మోనులు నాలుగు.*

*1. ఎండార్ఫిన్స్.. Endorphins,*

*2. డోపామిన్.. Dopamine,*

*3. సెరిటోనిన్.. Serotonin,*

*4. ఆక్సిటోసిన్.. Oxytocin.*

*ఈ నాలుగు హార్మోనుల గురించి మనం తెలుసుకుంటే మనం సంతోషంగా ఉండడం ఎలాగో తెలుస్తుంది.*

*ఇవి మనలో ఉంటే మనం సంతోషంగా ఉండగలం.* 

*1.Endorphins: మనం ఏదైనా వ్యాయామం చేసినపుడు ఎండార్ఫిన్స్ విడుదల అవుతాయి. ఈ Endorphins మన శరీరం లో వ్యాయామం వలన కలిగే నొప్పులను భరించే శక్తిని ఇస్తాయి.*

*మనం మన వ్యాయామాన్ని ఎంజాయ్ చెయ్యగలుగుతాము. అందుకు కారణం ఈ Endorphins.*

*నవ్వడం వలన కూడా ఈ Endorphins ఎక్కువగా విడుదల అవుతాయి. అందుకే యోగా లో హాస్యాసనం కూడా ఒక ఆసనం గా మన పూర్వీకులు నిర్ధారించారు. చివరిగా నవ్వడం అనే ప్రక్రియను నిర్వచిస్తారు.*

*"నవ్వడం ఒక భోగం - నవ్వలేకపోవడం ఒక రోగం" అన్నారు జంధ్యాల.*

*ప్రతిరోజూ 30 నిముషాల వ్యాయామం చేస్తూ, చక్కటి హాస్య భరిత జోకులు చదువుతూ, కామెడీ వీడియోలు లు చూస్తూ ఉండండి.*

*2. Dopamine: నిత్య జీవితం లో ఎన్నో చిన్న పెద్ద పనులు చేస్తూ ఉంటాము. ఇవి వివిధ స్థాయిలలో మనలో Dopamine హార్మోను ను విడుదల చేస్తాయి. దీని స్థాయిని పెంచుకోవడం వలన మనం ఆనందం గా ఉంటాము.*

*భర్త ను విమర్శించకుండా, ఎందుకు అని ప్రశ్నించి, అర్థం చేసుకొని, పొగడటం / ఇంట్లో చేసిన వంటను మెచ్చుకోవడం వలన మీ ఆవిడలో డోపామిన్ స్థాయిని మీరు పెంచగలరు.*

*ఆఫీస్ లో మీ పని మెచ్చుకుంటే మీ డోపామిన్ స్థాయి పెరుగుతుంది.*

*అలాగే కొత్త మోటార్ సైకిల్ కొన్నప్పుడు, కొత్త చీర కొనుక్కున్నప్పుడు , కొత్త నగ చేయించినప్పుడు, షాపింగ్ కి వెళ్ళినపుడు మీకు ఆనందం కలగడానికి కారణం ఈ Dopamine విడుదల కావడం.* 

*కాబట్టి మమిత్రులారా...*

*షాపింగ్ బడ్జెట్ పెంచండి.*

*లేదా..!*

*పొగడడం నేర్చుకోండి. పైసా ఖర్చు లేదు కదా..!* 

*3. Serotonin: ఇతరులకు సహాయం చేసినపుడు, వారికి మేలు చేసినపుడు ఈ సెరిటోనిన్ విడుదల అవుతుంది.*

*మనం స్నేహితులకు , సమాజానికి మేలు చేకూర్చే ఏదైనా మంచి పని చేసినపుడు మనలో విడుదల అయ్యే ఈ Serotonin ఎక్కవగా విడుదల అవుతుంది.*

_*ఇందుకు మనం ఏమేమి పనులు చెయ్యవచ్చు ?*_

*1. స్నేహితుల ఇళ్ళకు వెడుతూ ఉండడం.*

*(వాళ్లకి ఆనందం కలగడం కోసం ... ఏమేమి కొత్తవి కొనుక్కున్నారో ఎంక్వయిరీ కోసం కాదు సుమా)*

*2. మొక్కలు నాటడం..*

*3. రోడ్ల గుంతలు పూడ్చడం..*

*4. రక్త దానం..*

*5. అనాధ ప్రేత సంస్కారం..*

*6. అనాధలకు సేవ..*

*7. యువతకు స్ఫూర్తి కలిగించే కార్యక్రమాల నిర్వహణ.*

*8. మంచివిషయాలు పేస్ బుక్ లో బ్లాగ్స్ లో పోస్ట్ చెయ్యడం.*

*ఇవి అన్నీచేయ్యడం లో మన మన సమయాన్ని మన జ్ఞానాన్ని పంచుతున్నాము కనుక మనలో సెరిటోనిన్ విడుదల అవుతుంది.*

*4. Oxytocin: ఇది నిత్య జీవితం లో మనం పెళ్లి అయిన కొత్తలో బాగా విడుదల అయ్యే హార్మోను. ఎవరిని అయినా మనం దగ్గరకు తీసుకునేటప్పుడు మనలో విడుదల అయ్యే హార్మోను. ఎదుటివారిలో కూడా విడుదల అవుతుంది.*

*స్నేహితులను ఆలింగనం చేసుకోవడం వలన ఇది విడుదల అవుతుంది*

*మున్నా భాయ్ లో " జాదూ కి జప్పీ" లాగ..!*

*అలాగే కరచాలనం, (Covid తగ్గిన తర్వాత)*

*సినిమా యాక్టర్ ని, రాజకీయ నాయకుడిని కరచాలనం చేస్తే మనం పొంగిపోయేది అందుకే..!*

*గుర్తుకు తెచ్చుకోండి... మీ మొదటి స్పర్శను మీ బిడ్డను, మీ జీవిత భాగస్వామిని మొదటి సారిగా కౌగలించుకున్న మొదటి క్షణాలు.*

*ఇప్పటికీ మరపు రావు తలచుకున్న వెంటనే ఎంతో ఆనందం కలుగుతుంది*

*అలాగే మీ పిల్లలను దగ్గరకు తీసుకున్నప్పుడు కూడా..!* 

*అందుచేత..*

*మన ఆనందం కోసం ప్రతిరోజూ ఇలా చెయ్యడం అలవాటు చేసుకుందాము.*

*1. Endorphins కోసం రోజులో ఒక అరగంట నుండి గంట వరకూ కేటాయించి వ్యాయామం చేద్దాము.*

*2. Dopamine కోసం చిన్న చిన్న లక్ష్యాలను సాధించి మనలను మనం పొగుడుకుంటూ Dopamine పెంచుకుందాము.*

_*మగవారికి ప్రత్యేకం.*_

*1. వంటను రోజూ మెచ్చుకోండి.*

*2. డ్రెస్ మెచ్చుకోండి.*

*3. మేకప్ మెచ్చుకోండి.* 

_*ఆడవారికి ప్రత్యేకం.*_

*1. గుర్రు పెట్టారని తిట్టకండి.*

*2. కూరలు తేలేదని చిరాకు పడకండి. కంది పచ్చడి, టొమోటో కూర చేసి పెట్టండి. సాంబార్ చెయ్యండి.*

*3. మీ ఆయన్ను పొగడడం వలన మీకే లాభం అని గుర్తు పెట్టుకోండి.* 

*Serotonin కోసం మంచిపనులు చెయ్యడం నేర్చుకోండి. రోజుకు ఒక పది రూపాయలు ఇతరులకు ఖర్చు పెట్టండి గుడిలోదక్షిణ గానో, గుడి బయట బిచ్చగాళ్ళకు దానం గానో ఇవ్వండి.* 

*ఏడాదికి ఒక మొక్కను నాటండి.* 

*ఏదైనా సాంస్కృతిక కార్యక్రమాలకో , సమాజ హితానికి జరిగే పనికో కొంచెం సొమ్ము ఇవ్వండి . అలాంటి పనులలో పాల్గొనండి.* 

*పైన అటువంటి వారి ఉదాహరణలు కొన్ని ఇచ్చాను కదా వారి కార్యక్రమాలను ఫాలో కండి.* 

4. *ఆక్సిటోసిన్ కోసం మీ భార్య/ భర్త ను హగ్ చేసుకుంటూ ఉండండి. పిల్లలు ఏడుస్తూ ఉన్నప్పుడు హగ్ చేసుకుంటే వారికి సాంత్వన ఎందుకు కలుగుతుందో అర్ధం అయ్యింది కదా..!*

*అలాగే ఇంట్లోవాళ్ళని , స్నేహితులను కూడా హగ్ చేసుకునే అలవాటు చేసుకోండి.*

*ఇందులో ప్రమాదాలు ఎదురయ్యే పరిస్థితులు తెచ్చుకోకండి.* 

*పిల్లలను హ్యాపీ గా ఉంచడం కోసం.* 

*1. గ్రౌండ్ కి వెళ్లి ఆడుకోనివ్వండి*

*-Endorphins.*

*2. వాళ్ళు సాధించిన దానికి పొగడండి* 

*-Dopamine.*

*3. పంచుకునే తత్వాన్ని అలవాటు చెయ్యండి* 

*-Serotonin.*

*4. దగ్గరకు తీసుకోండి* 

*-Oxytocin.*

*Have a Happy Life.*

😊😊😊

*ఓ మిత్రమా మీ జీవితం ఎల్లప్పుడూ ఆనందకరంగా ఉండాలని ఆకాంక్షిస్తూ..👍🧡🙏