క్షమాపణ

  

🌼 క్షమాపణ అనే గుణమును కలిగిఉంటే ఆధ్యాత్మిక మార్గములో ప్రయాణము చాలా సులువు.

ప్రస్తుతమున్న పరిస్థితులలో మనము పొరపాట్లు లేదా తప్పులు చేయడమన్నది సహజం. కానీ, హృదయపూర్వక క్షమాపణ + సరైన చర్య = దైవ తత్వానికి మార్గము 

“గతాన్ని మనము మార్చలేము, కానీ మన చర్యల ద్వారా నష్ట పోయినవారికి వీలయితే , ఆ నష్టమును భర్తీ చేస్తేనే నిజమైన "క్షమాపణ" అర్థము మరియు పరమార్థము ఇచ్చే శక్తి మాత్రం మనకు ఉంది.

 

ఇది కేవలము క్షమాపణ మాత్రమే కాదు, ఇది ఆత్మశుద్ధి యాత్రకు మొదటి మెట్టు.

🪷 1. మనము చేసిన తప్పు వలన జరిగిన బాధను తెలుసుకోవడము

మనల్ని మనమే ప్రశ్నించుకోవాలి:

 “మా మాటలు లేదా పనులు వారి మనసును ఎంతగా బాధపరిచాయి?”

 “ఆ బాధ ఎంత లోతుగా ఉండొచ్చును?”

ఈ తెలివైన స్వీయవిమర్శ - ఒక శుద్ధి ప్రక్రియ.

🪷 2. సత్యవంతమైన బాధను అనుభవించండి – కానీ ఎవ్వరిని నిందించవద్దు

తప్పు చేసినందుకు గాను మనస్ఫూర్తిగా బాధపడటము = మన మనస్సును శుద్ధి చేస్తుంది.

మన మనసులో చెప్పుకుందాము:

“అప్పటి పరిస్థితుల్లో మాకున్నతెలివి మరియు శక్తికి తగినట్టుగా మేము ప్రవర్తించాము. కానీ మేము మెరుగవుతున్నాము. గతములో మేము చేసిన పని తప్పని ఇప్పుడు మాకు బోధ పడింది.

👉 సత్యవంతమైన బాధ + అవగాహన = మేధస్సు

🪷 3. శక్తివంతమైన మార్పును కలిగిద్దాము (Practical Amends)

వ్యక్తిగతంగానైనా సరే లేదా భగవంతుని మనసులోనే అడుగుదాము:

“మేము చేసిన తప్పును సరిదిద్దేందుకు మేము ఏమి చేయ్యాలి?”

ఉదాహరణకు ఈ క్రిందివాణ్ణి చేద్దాము:

* హృదయపూర్వకమైన క్షమాపణ 🙏

* ఒక పత్రము లేదా సందేశము ✉️

* ఓ మంచి పని లేదా సేవ 🌷

* అదే తప్పును మళ్ళీ తిరిగి చేయకుండా జాగ్రత్తపడటము 🌱

🪷 4. మొదటగా మనల్ని మనమే క్షమించుకోవాలి

ఈ మంత్రమును మనసులో పదే పదే చెప్పుకుందాము:

“అప్పటి పరిస్థితుల్లో మాకున్నతెలివి మరియు శక్తికి తగినట్టుగా మేము ప్రవర్తించాము. కానీ మేము మెరుగవుతున్నాము. కాబట్టి మనల్ని మనమే క్షమించుకుందాము.”

👉 స్వీయఆత్మ క్షమాపణ లేకుండా ఎవ్వరిని పూర్తిగా క్షమించడము సంభవించదు.

🪷 5. మన వలన బాధపడిన వారి ఆత్మల‌కు శాంతి మరియు ఆశీర్వాదములను పంపుదాము 

మన మనసులో భగవంతుని ఎదుట ఇలా చెపుదాము:

మా వలన కష్టనష్టములు మరియు బాధ కలిగిన వారికీ శాంతి కలగును గాక. మనము ఈపని చెయ్యడము వలన మనలో ప్రేమ మరియు కరుణ పెరుగుతుంది.”

👉 ఇది ఒక *శక్తివంతమైన ఆధ్యాత్మికము మరియు శాంతి వంతమైన వేదిక*ను నిర్మిస్తుంది.

🪷 6. మనము చేసిన తప్పులను ఒక గుణ పాఠముగా మార్చుకుందాము 

మన మనసులో ప్రశ్నించుకుందాము:

 “ఈ అనుభవము ద్వారా మేము ఏమి నేర్చుకున్నాము? మన యొక్క ఆత్మ, ఏవిధముగా అభివృద్ధి చెందదలిచినది?”

👉 తప్పు → గుణ పాఠము → పరిపక్వత.(అర్థము చేసుకొని జీవిస్తే)

🪷 7. క్షమాపణను నిత్య జీవన మార్గముగా మార్చుకుందాము 

మన మాటలు-శక్తివంతమైనవి మరియు 

మన ఆచరణ-దైవ సాక్ష్యముగా మారుతుంది.

మన మనసులో ఒక వ్రతమూలాగా చేపట్టుదాము:

“ప్రతి రోజు మన ప్రేమ, మన యొక్క క్షమాపణలకు సాక్ష్యముగా ఉంటుంది.”

💖 క్షమాపణను అడిగే విధానము: 

ప్రతి పదాన్ని మనము ప్రేమ, దయతోనూ మరియు మనస్ఫూర్తిగా అడుగుదాము:

🧘‍♀️ "మేము చేసిన పనులకు మమ్ములను శిక్షించకుండా, దయచేసి మమ్మల్ని క్షమించండి.

మేము మిమ్మల్ని ప్రేమిస్తున్నాము.

మీకు మేము కృతజ్ఞులము.

మేము నేర్చుకుంటున్నాము.

మేము మారటానికి సిద్ధముగా ఉన్నాము.

మీలో శాంతి మరియు ప్రేమ సమృద్ధిగా కలుగును గాక. 

మన మధ్యన చక్కని ఒక మార్గము ఉండును గాక ."

మేము చేసిన తప్పుకు ఎప్పుడు మేమేమి చెయ్యాలో దయచేసి తెలియజేయండి, ప్లీజ్.

ముగింపు:

1 మొదటగా మనము చేసిన తప్పుల వలన జరిగిన నష్టమును మరల మరలా తలచుకొని, మనల్ని మనమే నిందించుకొనకుండా, మనల్ని మనమే క్షమించుకుందాము. మనల్ని మనము క్షమించుకొనకుండా వేరెవ్వరిని క్షమించలేము. (స్వీయ ప్రేమ)

2 . మనము చేసిన తప్పులను దేవుడు క్షమించాలి అంటే ముందుగా మనము ఇతరులు చేసిన తప్పులను క్షమించాలి (కరుణను కలిగివుండడము)

3 . పైన తెలియజేసిన పనులు చేసిన తరువాతనే మనము క్షమాపణలను కోరుదాము. (ఏకత్వ భావన)

పైన తెలియపరచి పనులను మనము హృదయపూర్వకముగా చెయ్యడము వలన, మన మధ్యలో ఉన్న ఎటువంటి విభేదాలు అయినా సరే తొందరలోనే సమసిపోతాయి.

దైవత్వమంటేనే "ప్రేమ, దయ, కరుణ మరియు ఏకత్వ భావన"  

కత్తితో సాధించలేనిది "ప్రేమ, దయ, కరుణ మరియు ఏకత్వ భావనలతో మనము సాదిద్దాము.

ఓం శ్రీ సమస్తా లోకా సన్మంగళాని భవంతు

సనాతన ధర్మము అంటేనే "ప్రేమ, దయ, కరుణ, క్షమిచడము మరియు జరిగిన వాటినన్నింటిని హృదయపూర్వకముగా అంగీకరించడము".

*జై సనాతన ధర్మ భారత మాతాకీ జై*