సంతానలేమి - వీర్యకణాల లోపం - అంగస్తంభన - శీఘ్రస్ఖలనం సమస్యలు మరియూ అద్భుతమైన ఆయుర్వేద వాజీకరణ చికిత్స నియమాలు:*

✍️ *సంతానలేమి - వీర్యకణాల లోపం  - అంగస్తంభన - శీఘ్రస్ఖలనం సమస్యలు  మరియూ అద్భుతమైన ఆయుర్వేద వాజీకరణ చికిత్స నియమాలు:* 

గమనిక: ఎంతోమంది మిత్రుల అభ్యర్థన మేరకు అందరికి అర్థం అయ్యేలా చాలా వివరంగా ఈ సమస్య గురించి ఇక్కడ ఇవ్వడం జరిగింది. కొంచెం ఓపిక పెట్టి పోస్టు మొత్తం చదవండి. మీకు ఏమైనా అర్థం కాకపోతే ఈ పోస్ట్ కింద కామెంట్ పెట్టండి. తప్పకుండా మీ కామెంట్ కి సమాధానం ఇవ్వడం జరుగుతుంది.

👉కామోత్తేజానికి, నవయవ్వనానికి, ఆరోగ్యవంతమైన సంతానానికి, ఆయుర్వేద శాస్త్రం

చెప్పిన అద్భుతమైన దాంపత్యవేదం "వాజీకరణ చికిత్స"

👉పురుషుడు పురుషత్వాన్ని, శక్తిని, యుక్తిని, పౌరుషత్వాన్ని కలగని వాడైతే ఆ తప్పు అతనిది కాదు. అతన్ని గన్న తల్లిదండ్రులది. 

👉ఏశక్తీ లేనటువంటి ఆహారాన్ని తీసుకుంటూ సంతానాన్ని పొందినట్లయితే ఆ సంతానానికి మూలమైన వీర్యానికి ఏ శక్తి లేకపోతే అతను ఆరోగ్యవంతుడు ఎలా అవుతాడు.

👉 తండ్రి నుండి వారసత్వాన్ని, వీర్యాన్ని పొంది తల్లి రక్తమాంసాలతో అభివృద్ధి చెందే పిండానికి జీవం లేని రక్తమాంసాలను, చలనశక్తిలేని వీర్యకణాలను అందిస్తే ఆ సంతానం ఎలా ఆరోగ్యవంతమవుతుంది.

👉 అందుకే నేడు 15 శాతంకు పైగా భార్యాభర్తలకు సంతానయోగం లేకపోతోంది.

👉శాస్త్రాలన్నా, శాస్త్రీయత అన్నా వినడమేగాని పూర్తిగా తెలుసుకొని, పాటించనివారికి ఎలాంటి సమస్యలు వస్తాయో తెలిసే ఉంటుంది. శాస్త్రం, శాస్త్రీయత అనేది ఎన్నో సంవత్సరాలు పరిశోధించి తెలుసుకున్నవేగాని కంప్యూటర్ సాఫ్ట్ వేర్ తయారు చేసినంత తేలికైనది కాదు.

👉నేటి జీవనవిధానం, ఆహారం, కాలుష్యం, భౌగోళిక మార్పులు కారణాలతో శుక్రంలో శుక్రకణాలు లేకుండాపోతున్నాయి. 

👉పట్టణ ప్రాంతాల్లోని యువకుల్లో వందలో 60 మందికి శుక్రకణాలు ఉండాల్సిన స్థాయికంటే తక్కువగా ఉన్నాయంటే ఆశ్చర్యం వేస్తుంది. 

👉పల్లె వాతావరణంలో కూడా 40 శాతం మందికి ఇదే పరిస్థితి ఉంది. ఇలా ఉంటే భవిష్యత్తులో ప్రభుత్వం కుటుంబ నియంత్రణ చేయించాల్సిన పనిలేదు. 50 శాతం దంపతుల్లో పిల్లలయ్యే అవకాశం లేని పరిస్థితి వస్తుంది. ఆరోగ్యవంతమైన సంతానం కూడా లేకుండా పోతోంది.

👉నపుంసకత్వం గురించి చెప్పడానికి నేటి లైంగిక సమస్యల వైద్యుల దగ్గరకు వెళ్ళే రోగులే ఉదాహరణ. 

👉చాలామంది యువకులు నీరసం, నిస్సత్తువ, శరీరంలో వేడిలాంటివే కాకుండా భాషలో చెప్పలేనన్ని సమస్యలు వివరిస్తున్నారు. 

👉వివరంగా అడిగితే రోజూ హస్త ప్రయోగం అలవాటు ఉందని చెబుతున్నారు. 

👉మనకు శక్తిని, యుక్తిని, ఆరోగ్యాన్ని, బలాన్ని, మేధస్సును, శరీర పటుత్వాన్ని అందించే వీర్యాన్ని రోజూ తమ హస్త ప్రయోగం చేత బయటకు పంపుతుంటే ఆరోగ్యపరంగా వచ్చే సమస్యలు ఇంతా అంతా కావు.

👉 బలవంతంగా దేన్ని బయటకు పంపరాదు అలాగే బయటకు వెళ్ళే వాటిని ఆపకూడదు. అలా బలవంతంగా పంపడం వల్ల నపుంసకత్వం, శీఘ్రస్కలనం లాంటివెన్నో సమస్యలు వస్తాయి.

👉 వీర్యం అనేది వివాహబంధం తరువాత పునర్జన్మ నివ్వడానికి విత్తనం లాంటిది. దానిని బయట పంపి శరీరంలో వీర్యశక్తి లేకుండా చేస్తే ఇంక ఏ శక్తి ఉంటుంది.

👉నేటి జీవన విధానంలో మీ ఆహారం ఏంటనడిగితే ఉదయం ఇడ్లీ, మధ్యాహ పప్పుచారు, అన్నము, సాయంత్రం పుల్కాలు (రొట్టెలు) అనే సమాధానాలు వస్తున్నాయి. 

👉ఆహారంలో శరీరానికి కావలసిన శక్తే దొరకదు. దీనివల్ల శరీరము పెరగుతుంది. వీర్యశక్తిని, అండవృద్ధిని ఎక్కడ కలిగించుతాయి. అంతేకాదు నేడు 40 శాతం స్త్రీలకు 30 ఏళ్ళు దాటకముందే గర్భసంచి తీసేయాల్సిన స్థితి వస్తున్నది.

👉ఇలాంటి పరిస్థితి కలగకుండా రోజూ శరీరానికి అదనంగా వాజీకరణ శక్తిని పెంచే ఆహారాలు, ఔషధాలు అవసరం. మన మహర్షులు, ఋషులు పరిశోధించి చెప్పిన సత్యాలు, జీవన వేదాలు తెలుసుకుని వాటిని ఆచరించండి.

✍️ *వాజీకరణ చికిత్స:*

👉మానవుడు పురుషశక్తి పెంచుకోవడానికి, ఆరోగ్యవంతమైన, శక్తివంతమైన సంతానాన్ని పొందడానికి ఉపయోగపడే, అష్టాంగాలలో ఒకటైనటువంటి, వాజీరకణ చికిత్స గురించి తెలుసుకుందాము.

✍️ *వాజీకరణ చికిత్స అంటే ఏమిటి?*

“యేన నారీషు సామర్థ్యం వాజీవల్లభతే నరః ప్రజేచ్ఛాభ్యధికం యేన వాజీకరణమేవ తత్॥ అపత్యసంతానకరం యత్ సథ్యసంప్రహర్షణం వాజీవాతిబలో యేన యాత్యప్రతిహతః స్త్రియః||"

👉ఏ చికిత్సా పద్ధతి పురుషున్ని స్త్రీతో అశ్వవేగంతో రతిక్రియలో పాల్గొనే శక్తిని కలిగింపచేస్తుందో ఆ చికిత్సని వాజీకరణ చికిత్స అని అంటారు లేదా పురుషునికి గుఱ్ఱానికున్నంత రతిశక్తిని కలిగించి పిచ్చుకలా ఎక్కువ పర్యాయములు రతిలో పాల్గొనే శక్తి కలిగిస్తుందో దాన్ని వాజీకరణ చికిత్స అని అంటారు.

👉 ఏ చికిత్స ఆర్యోగవంతమైన, శక్తివంతమైన శుక్రకణాలను పెంచి శీఘ్రంగా కామోత్తేజాన్ని కలిగించి శక్తివంతమైన, ఆరోగ్యవంమైన సంతానాన్ని కలిగిస్తుందో దాన్ని వాజీకరణ చికిత్స అంటారు.

👉"అవాజీం వాజీం కరోతీతి వాజీకరణం"

వాజీ అంటే అశ్వము, బలము, శుక్రము. అవాజీ అంటే బలహీనుడు, శుక్రహీనుడు, సంభోగ సమర్థత తగ్గినవాడు. శుక్రక్షయము కలిగినవాణి, బలము తగ్గినవాన్ని, సంభోగ సామర్థ్యము లేనివాన్ని బలవంతునిగా, శుక్రవంతునిగా, గుఱ్ఱానికున్నంత సంభోగ సామర్థ్యవంతునిగా తయారుచేసే చికిత్సా పద్ధతిని వాజీకరణ చికిత్స అని అంటారు. 

✍️ *వాజీకరణ చికిత్స ప్రాముఖ్యత :*

👉నేడు మారుతున్న ఆహారపుటలవాట్లు, పారిశ్రామికీకరణ, పెరుగుతున్న కాలుష్యము, ఉద్యోగ పరిస్థితులు ఆర్థిక పరిస్థితుల వల్ల పురుషుల్లో రతిశక్తి తగ్గడమే కాకుండా, వాళ్ళల్లో శుక్రకణాల (Sperm count) సంఖ్య తగ్గిపోతున్నాయి. దానివల్ల చాలామంది దంపతులకు సంతానయోగము లేకుండా పోతోంది. 

👉సంతానము కొరకు దంపతులు Sperm banks నుండి Sperm doners ద్వారా వచ్చే శుక్రకణాలపై ఆధారపడవలసిన దుస్థితి వస్తున్నది. ఈ నికృష్ట కర్మ నుంచి బయటపడడానికి ఆయుర్వేద మహర్షులు శుక్రాన్ని, శుక్రకణాలను, రతిశక్తిని పెంచేటటువంటి వాజీకరణ చికిత్సను ప్రపంచానికి అందించారు.

✍️ *వాజీకరణ చికిత్స ఉపయోగాలు:*

1. ఆరోగ్యవంతమైన శుక్రము, శుక్రబీజాలని పెంచి తద్వారా ఆరోగ్యవంతమైన, శక్తివంతమైన సంతానాన్ని, వంశాన్ని శాఖోపశాఖలుగా పెరగడానికి ఉపయోగపడుతుంది.

2. వాజీకరణ ఔషధాలను సేవించేవాళ్ళలో అతి శీఘ్రంగా ఉత్తేజాన్ని, కామేచ్ఛను పెంచుతుంది.

3. అశ్వానికున్నంత రతిశక్తిని పెంచి, పిచ్చుకలాగా ఎక్కువ పర్యాయాలు రతిక్రియలో పాల్గొన్నా శుక్రక్షయము జరుగకుండా, ఏనుగులాగా ప్రభూత శుక్రవిసర్జన చేసేట్లు ఉపయోగడుతుంది.

4. సప్తధాతువులకు పుష్ఠిని కలిగిస్తుంది.

5. వయస్సు పెరిగినా, శరీరంలో శుక్రము తగ్గకుండా కాపాడుతుంది. 

6. శీఘ్రస్కలనాన్ని నిరోధిస్తుంది.

7. ధ్వజభంగము (అంగము మెత్తబడడము) రాకుండా ఎల్లవేళలా అంగము గట్టిపడడానికి ఉపయోగపడుతుంది.

8. శుక్రక్షయాన్ని శుక్రకణాల అల్పత, శుక్రకణాల దోషాలని తొలగిస్తుంది. 

9. భార్యాభర్తల్లో ప్రీతిని పెంచుతుంది.

10. ధర్మ, అర్థ, కామ పురుషార్థాల సాధనలో ఉపయోగపడుతుంది. 

11. వాజీకరణ ఔషధాలు తీసుకోనట్లయితే, నిర్వీర్యమైన బీజకణాల వల్ల నిర్వీర్యమైన, రోగపూరిత సంతానము కలుగును. 

👉దానివల్ల మానవజాతి అంతరించిపోయే ఆస్కారముంటుంది. నేడు పాశ్చాత్య దేశాలలో ఇదే జరుగుతున్నది. 

👉వాజీకరణ ఔషధాలు ముఖ్యంగా 20 సం॥ల నుండి 70 సం||ల వయస్సువారు తీసుకున్నట్లయితే బలమైన, ఆరోగ్యవంతమైన బీజకణాలతో, విశ్వంలో మానవజాతి కొనసాగేట్లు ఉపయోగ పడుతుంది.

✍️ *సంభోగశక్తి తగ్గడానికి కారణాలు:*

👉 *జరయా:* 

వయస్సు పెరుగుతున్న కొద్దీ శరీరంలో శుక్రక్షయము జరిగి సంభోగశక్తి, సంభోగ ఇచ్ఛ తగ్గిపోతుంది.

👉 *చింతయా:* 

కుటుంబ సమస్యలతో గాని, ఉద్యోగ సమస్యలతో గాని మనస్సు ఎల్లప్పుడూ ఏదో ఒక చింత, ఆలోచనలతో ఉన్నట్లయితే వాజీకరణ శక్తి

తగ్గుతుంది.

👉 *వ్యాధిభి:* 

చిన్న వయస్సులోనే శరీరము మధుమేహము, స్థూల కాయము (obesity), క్షయ, రుమాటిజమ్ లాంటి దీర్ఘకాలిక వ్యాధుల బారిన పడినపుడు రతి ఇచ్ఛ, రతిశక్తి పూర్తిగా తగ్గిపోతుంది.

👉 *కర్మ కర్షనాత్:* 

శక్తిని మించి శ్రమ చేసేవాళ్ళలో, IT Industry లో పనిచేసేవాళ్ళలో, పరిశ్రమలలో పనిచేసేవాళ్ళలో, కూలిపని చేసేవాళ్ళలో శరీరం కృశించడంవల్ల కామేచ్ఛ, రతిశక్తి తగ్గుతుంది.

👉 *అనశనాత్:* 

ఎపుడూ పనిలో నిమగ్నమై సరైన వేళల్లో భోజనము చేయనట్లయితే, సంపూర్ణాహారము తీసుకోనట్లయితే వాజీకరణ శక్తి తగ్గుతుంది. 

👉 *స్త్రీ అతిసేవనాత్:* 

ఒకరికన్నా ఎక్కువ భార్యలుండడము వల్ల, illegal sex వల్ల, వాజీకరణ ఔషధాలు తీసుకోనట్లయితే శుక్రము తగ్గి రతి శక్తి తగ్గిపోతుంది.

👉 *భయాత్ :* 

రకరకాల కారణాల వల్ల కలిగే భయము వల్ల (చిన్నచిన్న ఇండ్లు ఉండడం వల్ల పిల్లలు చూస్తారని భయము, పెద్దవాళ్ళు చూస్తారని భయము, కోరికలు తీరుతాయో లేదో అన్న భయము, అప్పులవాడి భయము, తలపెట్టిన పని అయిపోలేదని భయము, అక్రమంగా సంపాదించిన డబ్బు వల్ల భయము లాంటి రకరకాల భయాల వల్ల మనస్సు నిర్మలంగా లేకపోవడము) రతిఇచ్ఛ. రతిశక్తి తగ్గిపోతుంది.

👉 *విస్రంభాత్ :* 

ఎప్పుడూ ప్రతిదానికి శంకించే స్వభావము ఉండడం వల్ల, కొంతమంది పురుషులు వాళ్ళ స్త్రీలను అనుమానిస్తుంటారు. దానివల్ల కూడా సంభోగ ఇచ్ఛ, సంభోగశక్తి తగ్గిపోతుంది.

👉 *శోకాత్:* 

మనసు ఎప్పుడూ నచ్చిన వస్తువు ఏదో ఒక వస్తువు పోయినదనిగాని, ఇష్టమైన వారు దూరమైనా, ఇలాంటి శోకాలవల్ల కూడా రతిశక్తి తగ్గిపోతుంది. 

👉 *స్త్రీ దోష దర్షనాత్:* 

స్త్రీలలో ఎప్పుడూ ఏదో ఒక తప్పు చూడడమువల్ల

కూడా వాజీకరణ శక్తి తగ్గిపోతుంది.

👉 *నారీ నామరసజ్ఞాత్వత్:* 

స్త్రీలు వారి భాగస్వామిని ఉత్తేజపరచకపోయినా కూడా వాజీకరణ శక్తి తగ్గుతుంది. 

👉 *అవిచారాత్:* 

స్త్రీ సుఖము అనుభవించాలని మనస్సులో కోరిక, సంకల్పము లేకపోవడము వల్ల కూడా రతిశక్తి తగ్గుతుంది.

👉 *అసేవనాత్:* 

భార్యాభర్తల మధ్య విభేదాల వల్ల చాలాకాలము వరకూ ' కలవకపోవడమువల్ల, ఉద్యోగరీత్యా భర్త ఒక స్థానంలో, భార్య ఒక స్థానంలో ఉండడము వల్ల కూడా సంభోగ ఇచ్ఛ, సంభోగశక్తి తగ్గిపోతుంది.

👉కాబట్టి కామేచ్ఛ తగ్గినవాళ్ళు, రతిశక్తి తగ్గినవాళ్ళు పైన చెప్పుకున్న కారణాలు అన్నింటిని తగ్గించుకొని, వాజీకరణ ఔషధాలు తీసుకున్నట్లయితే వాళ్ళలో తగ్గిన కామేచ్ఛ, రతిశక్తి తిరిగి ఉద్భవిస్తుంది.

✍️ *వాజీకరణశక్తిని, కామోద్దీపాన్ని కలిగించే యోగాలు:*

👉 *లింగశైథిల్యం (అంగస్తంభన) అరికట్టే యోగాలు:*

1. పిప్పళ్ళ చూర్ణము, మినపపిండి, ఎఱ్ఱబియ్యము పిండి, బార్లీ పిండి, గోధుమ పిండి, నెయ్యిలను సమానంగా తీసుకొని కండచెక్కర, పాలు కలిపి పాయసంగా చేసి తిన్నట్లయితే లింగశైథిల్యము జరుగదు.

2. రావిఫలాలు, రావి మూలము, రావిమొగ్గలు, రావిపట్ట పాలలో కలిపి మరిగించి ఆ పాలకు కండచెక్కర కలిపి త్రాగినట్లయితే అనేక పర్యాయములు రతిక్రియ జరిపే శక్తి వస్తుంది.

3. కౌంచబీజాలు (దూలగొండి), నీరు గొరిమిడి గింజల చూర్ణాన్ని సమానంగా కలిపి 5 గ్రాముల చూర్ణాన్ని వేడి వేడి పాలు కండచెక్కర కలిపి తాగినట్లయితే లింగశైథిల్యము జరుగదు.

👉 *కామవాంఛను పెంచే యోగాలు:*

1. ఎఱ్ఱబియ్యంతో అన్నము చేసి ఆ అన్నాన్ని మినపపప్పు రసము నెయ్యి కలిపి భోజనము చేసి, తర్వాత కండచెక్కర కలిపిన పాలు తాగినట్లయితే పరమ కామవాంఛను పెంచుతుంది.

2. పల్లేరు గింజలు, విదారికంద (నేలగుమ్ముడు) చూర్ణాన్ని సమానంగా తీసుకొని దానికి నాలుగు భాగాలు పాలు కలిపి మరిగించి దాంట్లో మినపపిండి, ఎఱ్ఱబియ్యం, నెయ్యి, కండచెక్కర కలిపి పాయసంగా చేసి ఆ పాయసము తిన్నట్లయితే కామేచ్ఛను పెంచుతుంది.

3. 5 గ్రాముల అతిమధురము చూర్ణము, ఒక చెంచా తేనె, అరచెంచా నెయ్యి కలిపి తిని అనుపానంగా కండచెక్కర పాలు కలిపి తాగిన ట్లయితే ప్రతిరోజూ కామేచ్చను కలిగి ఉంటారు.

4. అరలీటరు పాలల్లో పదిగ్రాముల అశ్వగంధ చూర్ణాన్ని కలిపి చిక్కగా కాచి దానియందు పటికబెల్లము కలిపి తీసుసున్నట్లయితే ప్రబలమైన కామేచ్ఛ పెరుగుతుంది.

5. పావులీటరు నెయ్యి, ముప్పావు లీటరు పిల్లిపీచర (శతావరి) రసాన్ని కలిపి దానికి పదిరెట్లు పాలు కలిపి నెయ్యి మిగులు వరకు కాచి చల్లార్చి దానియందు నెయ్యికి నాలుగవ భాగము పిప్పళ్ళ చూర్ణము, పటికబెల్లం, తేనె కలిపిన మిశ్రమాన్ని రోజూ ఉదయం, సాయంత్రం ఒక చెంచా చొప్పున తిన్నట్లయితే ఉత్తమ వాజీకరణంగా పనిచేస్తుంది.

👉 *శుక్రస్తంభన యోగాలు లేదా శీఘ్ర స్కలనాన్ని నివారించే యోగాలు:*

1. అశ్వగంధ, శతావరి, కోకిలాక్ష (నీరుగొరిమిడి) బీజాలు, ఆత్మగుప్త బీజాలు (కౌంచబీజాలు), అక్కలకర్ర, మినపపప్పు వీటిని సమానంగా తీసుకుని చూర్ణంగా చేసి పటికబెల్లము కలిపి ఒక చెంచా చూర్ణాన్ని పాలల్లో ఉదయం సాయంత్రం తీసుకున్నట్లయితే శీఘ్రస్కలనాన్ని నిరోధిస్తుంది.

2. మినపప్పు, మర్కటి బీజాలు (ఆత్మగుప్త), విదారికంద, శతావరి, అశ్వగంధ, యష్టిమధు, నేలతాడి గడ్డలు వీటిని సమానంగా తీసుకొని వాటికి 16 రెట్లు నీటిని కలిపి కషాయంగా చేసి దానియందు ముప్పావు లీటరు నెయ్యి ముప్పావు లీటరు నేలగుమ్ముడు (విదారికంద) రసము, ముప్పావులీటరు చెరుకు రసము, ఏడు లీటర్ల ఆవు పాలు కలిపి మందాగ్నిపై పాలు, కషాయము ఇగిరిపోయే వరకుకాచి కొద్దిగా చల్లారిన తర్వాత దాని యందు సరిపడినంత తేనె, పటికబెల్లం, వెదురుప్పు, 50 గ్రాముల పిప్పళ్ళ చూర్ణము కలిపి భద్రపరచుకోవాలి. ఈ విధంగా తయారైన మిశ్రమాన్న ఒకచెంచా ఉదయం, సాయంత్రం భోజనము ముందు తీసుకున్నట్లయితే జననాంగాలు శక్తివంతంగా అవడమే కాకుండా.. శీఘ్రస్కలనము నివారింపబడుతుంది.

👉 *శుక్ర ప్రమాణాన్ని, శుక్ర కణాలను పెంచే యోగాలు:*

1. కౌంచబీజాలు, మినపబీజాలు, ఖర్జూరము, పిల్లిపీచర, శొంఠి, ఎండుద్రాక్ష వీటిని సమానంగా 20 గ్రా. చొప్పున తీసుకుని దానికి ముప్పావులీటరు పాలు, ముప్పావు లీటరు నీరు కలిపి మరిగించాలి. ముప్పావు లీటరు మిగిలేవరకు మరిగించాలి. దాన్ని వడబోసి దానికి సమానపాళ్లలో కండచెక్కర, వంశలోచనము, నెయ్యి కలిపి భద్రపరచాలి. ఈ మిశ్రమాన్ని ఒక చెంచా మాత్రలో తేనె అనుపానంతో తీసుకున్నట్లయితే శుక్ర ప్రమాణము శుక్రకణాలు బాగా పెరుగుతాయి.

2. పెసలు, మినుములు, కౌంచబీజాలు, అశ్వగంధ, శతావరి, గోక్షుర (పల్లేరు), నీరుగొరిమిడి బీజాలు, వృద్ధదారు (సముద్రపాల), సఫేద ముస్లి, నేలతాడిదుంపలు, విదారికంద (నేలగుమ్ముడు), పెద్దబెండ ఈ వన మూలికలను అన్నింటిని సమానంగా తీసుకుని చూర్ణంగా చేసి 5 గ్రా. చూర్ణము ఉదయం సాయంత్రం పాలతో తీసుకున్నట్లయితే శరీరంలో శుక్రధాతువుని పెంచే శుక్రకణాలను పెంచుతాయి. అదేవిధంగా ఉత్తమ వాజీకరణ ఔషధంగా పనిచేస్తాయి.

3.  ఖర్జూరము, మినపప్పు, పిల్లిపీచర, అతిమధురము, ఎండుద్రాక్ష, కౌంచబీజాలు సమానంగా తీసుకుని వాటికి 16 పాళ్ళలో నీరు కలిపి నాల్గవవంతు మిగిలేవరకు మరిగించి, దానికి ముప్పావులీటరు పాలు కలిపి కేవలము పాలు మిగిలేవరకు మరిగించి చల్లారిన తరువాత కండచెక్కర కలిపి తీసుకున్నట్లయితే శుక్రధాతువుని, శుక్రకణాలను బాగా పెంచుతుంది.

*Note: పైన తెలిపిన మూలికలు అన్ని సేకరించి తయారుచేసుకోలేని వారికి మా దగ్గర ఈ మూలికలు అన్ని కలిపి ఎప్పటికప్పుడు తయారుచేసి ఇచ్చే సౌకర్యం కలదు. కావాల్సిన వారు వాట్సప్ ద్వారా సంప్రదించండి.*